GALATIATE 2:6 - Thuhun Thah (BSI)

⁶ Hizongleh mi zahum deuh a kisoite lahah chu (bangtobang hita le uh kei diingin a poi sih; Pathian in koimah deihsah tuam a nei sih) mi zahum deuh a kisoite’n bangmah ahung soisah tuan sih uhi.

GALATIATE 2:6 Iomraidhean Croise

MATTHAI 22:16

Huleh amahun a nungjuite uleh Herod pawlte a kawmah a sawl va, hute’n chu a kawmah, Houtupa, midihtah na hi a, dihtahin Pathian lam thu na hilh a, mi koimah khawhsah tuam na nei sih chih ka he uhi; ajiahchu koimah khentuam na nei sih hi.

MARK 12:14

Huleh amahun ahung tunun, a kawmah, Houtupa, nang hi midihtah na hi a, mi koimah na giing sih hi; ajiahchu mi maaizahtuam na nei sih a, dihtahin Pathian lampi thu na hilh jel, chih ka he uh; Kaisar kawma siah tawi dih ahiai, dihlou?

LUKE 20:21

Huleh amahun a kawmah, Houtupa, dihtahin na soia, na hilh veu, huleh koimah khentuam nei louin Pathian lampi dihtahin na hilh ahi chih ka he uh.

SILBAWLTE 10:34

Huin Peter in a soi a, Pathian in mi deihsahtuam a nei sih hi, chih dihtahin ka he hi;

SILBAWLTE 5:36

Tuma in zong, Theoda, milian ka hi chi'n ahung um a; hupa kawmah chu mi tamtah, zali vel ana um va; amah chu suhlup in a umta a; huleh a thu na jui photmah a bawnun a dalhjahta va, bangmah ahita sih uhi.

ROMETE 2:11

Ajiahchu Pathian in mi deihsahtuam a nei sih hi.

KORINTHTE II 11:5

Bang jiahin ahiai i chih leh sawlleh lianpen tahpa sanga nengtakhata zong neuzawin ka kingaihtuah sih hi.

KORINTHTE II 12:11

Kiuahsahna in mingol ka hung suaahta; nangun huchilou thei louin na hung bawl uhi; ajiahchu na hung paahtawi zawh diing uh ka hi a; bang jiahin ahiai i chih leh bangmah hi sih zongleh sawlleh lianpentahpa ka phaahlelhna bangmah a um sih hi.

KORINTHTE II 5:16

Huchihjiahin tukalsiah chu tahsalamah koimah ka he nawn sih uhi; ahi, tahsadan in Khrist na he zong le’ung, tuin chu ka he nawn sih uhi.

GALATIATE 2:2

Huleh kilaahna dungjuiin ka chiah tou a, Jentelte kawma ka tanchinpha soi chu a kawmvah ka hilh a, hizongleh mi zahum deuhte chu a tuamin ka hilh hi, huchilou inchu bangchi aha in a thawn a tai ka hikha diing hi.

GALATIATE 6:3

Ajiahchu mi bangmah hiloupi a a kingaih saang leh amah leh amah a kihem ahi.

HEBRAITE 13:17

Na tungva thuneitute thu mang unla, a thuthu un um un; bang jiahin ahiai i chih leh na tungtaang thu uh soi diingte bangin na hagau uh ahung veensah uh ahi, huchu lunggimtah a bawllou a, kipaahtaha a bawl theihna diingun; lunggimtaha a bawl u’chu nanguh diingin a phatuam sih ahi.

HEBRAITE 13:7

Na tungva thuneitute leh Pathian thu na kawmva soitute chu he zing un; a umdan va sil hung umdohte ngaihtuah unla, a gindan uh jui un.

PETER I 1:17

Huleh deihsahtuam nei lou a mi chin a natoh dungjui a vaihawmsahtu chu Pa chia kouna hih uleh, hitaha na vaithaam lai hun uh laudan siam in zang un: