GALATIATE 2:5 - Thuhun Thah (BSI)

⁵ Tanchinpha thutah chu na kawmva a um zing theihna diingin pung khat sung jiang zong a thunuai va kipeluut lou hial ka hi uh.

GALATIATE 2:5 Iomraidhean Croise

SILBAWLTE 15:2

Huleh Paul leh Barnaba chu amahuh toh hahnial a, a kinial va, a kikhin jiahun, Paul leh Barnaba chu a lahva kuate aha toh hu thubuai tungah, Jerusalem khua a sawllehte leh upate kawma chiah tou diingin a guat va.

GALATIATE 1:6

Khrist hehpihna a nanguh hung koutu apat tukikal a tanchinpha danga na kituan mei uh thumah ka sa hi;

GALATIATE 2:14

Hizongleh tanchinpha thutah bangin a um sih uh chih ka muh in, Peter kawmah, a bawnva ma ah, Nang Judami hi a, Judate um banga um lou a, Jentelte um banga na um ngal leh, bang diinga Jentelte Judami um banga umsah tum na hiai mah? ka chi a.

GALATIATE 4:16

Huchi a thutah ka hung hilh jiahin na meelma uh hung hita ka hiai mah?

EPHESITE 1:13

Amah ah nanguh zong thutah thu, na hutdamna tanchinpha uh na ngaihkhiah va, gin zong na gintaat nungun, amah ah chiamna Hagau siangthou a chiamchih in na um uhi,

KOLOSSITE 1:5

Vaan a nanguh diinga kinepna hung kikoihsah jiahin, hu kinepna thu chu tanchinpha thutah thu ah tumalaiin na zata uhi;

THESSALONIKATE I 2:13

Hi jiahin Pathian kawmah tawplou in kipaahthu ka soi uhi, ajiahchu Pathian thu kei u’a kipana na jah uh na pom laiun, mihing thu banga pom louin, thutah, nanguh a gingtate a zong nasataha natong thei Pathian thu bangin na pom zaw uhi.

JUDE 1:3

Deihtahte, i hutdamna thu taangpi na kawmva gelh diing ka ngaihtuah nasat laiin, misiangthoute kawma diing ginna khatvei kipia khu diinga phatuamngaitaha na pan na diingun hung gelh leh, hung hasot kei diingin a poimoh hi.