GALATIATE 2:4 - Thuhun Thah (BSI)

⁴ Huleh huchu suaah ahung tansah theihna diing va, Khrist Jesu a i zalenna neih uh enkhe diing a guuhsima hung luut unau tahloute jiah giap ahi.

GALATIATE 2:4 Iomraidhean Croise

LUKE 5:38

Hizongleh uain thah chu savun thawl thah a koih diing ahi; huchi'n a nih in a bit diing hi.

SILBAWLTE 15:1

Huleh mi kuate aha Judia gam apatin a hungsuh va, Mosi daan banga zeh na tan louh uleh hutdam na hi thei sih diing uh, chi'n unaute a hilh va.

SILBAWLTE 15:24

Ka lahva kipatin mi kuate aha in, zeh na tan va, huleh daan zong na juih diing uh ahi, chia thu soi in, nanguh ahung subuai va, na lungsim uh a mangbangsah uh chih ka he va; a kawmvah lah thu bangmah ka pe ngal sih va;

SILBAWLTE 20:30

Nanguh lah ngei ah zong nungjui pawlte amahuh lama kaimang diingin thu tuam soi na hung um diing uhi.

ROMETE 8:15

Laua um kiit diingin suaah hihna hagau na mu uh ahi sih a; ta hihna Hagau na mu uh ahi zaw hi, hu Hagau jiahin Abba, Pa, chi'n i kikou hi.

KORINTHTE II 11:13

Bang jiahin ahiai i chih leh huchibang mite chu Khrist sawllehte a kibawlthuh, natongtu heemhaatte, sawlleh tahloute ahi uhi.

KORINTHTE II 11:17

Ka thusoi chu Lalpa bangin ka soi sih a, hi kisahtheihna ah ngoltah bangin ka soi zaw hi.

KORINTHTE II 11:20

Bang jiahin ahiai i chih leh mi’n suaah in hung bawl le uh, hung negam le uh, hung hingmat le uh, amah leh amah kiliansah le uh, na maai vah hung beeng le uh, na thuaah zou jel uhi.

KORINTHTE II 11:26

Khualzinna ah tampivei, tuitung a lauhuai ah, suamhaatte laha lauhuai ah, ka chipihte laha lauhuai ah, Jentelte laha lauhuai ah, khopi sunga lauhuai ah, gamdai a lauhuai ah, tui khang lian a lauhuai ah, unau tahloute laha lauhuai ah;

KORINTHTE II 3:17

Huleh Lalpa chu hu Hagau ahi a; Lalpa Hagau umna photah zalenna a um hi.

GALATIATE 1:7

Huchu tanchinpha dang ahi sih a; hizongleh nanguh hung subuai in Khrist tanchinpha ahilou zawng a hei ut mi khenkhat a um ahi.

GALATIATE 4:25

Huleh Hagar chu Arabia gam a Sinai taang ahi a, tulaia um Jerusalem, huleh a tate toh sala taang khawm kisoina ahi.

GALATIATE 4:3

Huchibang mahin ei zong naupang i hih laiin khovel thubulte nuaiah suaah in ina um uhi.

GALATIATE 5:1

Hujiahin suaah hi nawn lou diing a Khrist in ahung zalensahna ah ding kip unla, suaah ngawngkol ah taang kiit nawn sih un.

GALATIATE 5:10

Nangun lungdang na geel sih diing uh chih Lalpa ah ka hung muang hi; hizongleh nanguh hung subuaitu in, koi hita zongleh, a tunga thupuuh chu a thuaah diing hi.

TIMOTHI II 3:6

Ajiahchu huchibangte laha mi chu innte banga luut a, numei sualgih pua ngol deuhte sala man a, duhgawlna chinteng a puimangte;

JAKOB 1:25

Hizongleh koipouh zalenna daan bukim en a, hu a um zing a, mangngilhhaat thungaikhia hilou a, thu tongtu hizaw chu, hu mi chu a natoh ah vangpiah in a um diing hi.

PETER I 2:16

Mi zalente bangin, huleh na zalenna u’chu giitlouhna khuhkhumna diing a zang louin, hizongleh Pathian suaahte bangin um un.

PETER II 2:19

Amahuh chu siatna suaah hipum in mite suaahtaatna thu a chiam veu uhi: mi zoh a a umna humah in amah chu suaah in a siam veu hi.

JOHN I 4:1

Deihtahte, hagau taphot gingta sih unla, hagaute chu Pathian a kuan ahihleh hih louh chian zaw un; ajiahchu zawlnei tahlou tampi khovel ah a pawtdohta hi.

JUDE 1:4

Ajiahchu ma laipeh a hih siamlouhna tang diing a guatsa, Pathian ngaihsah lou leh, i Pathian uh hehpihna chu huuhna suaahsah a, huleh Lalpa Pathian khat chauh um leh, i Lalpa uh Jesu Khrist gingta lou, a guuh a hung luut mi koite aha a um uhi.