GALATIATE 2:16 - Thuhun Thah (BSI)

¹⁶ Daan silte bawl jiahin mi siamtang in a um sih a, Jesu Khrist gintaat jiah chauhin siamtang in a um uh chih i he a, en zong daan silbawl jiah hilou a, Khrist ginna jiaha siamtang a i um theihna diingin Khrist Jesu chu i gingta ahi; ajiahchu daan silte bawl jiahin koimah siamtang in a um sih diing hi.

GALATIATE 2:16 Iomraidhean Croise

JOHN 20:31

Hizongleh hite chu nangun Jesu chu Khrist, Pathian Tapa ahi chih na gintaat na diing uleh, na gintaat jiah va a mina hinna na neihna neihna diing va kigial ahi.

SILBAWLTE 4:12

Midang kuamah kawmah hutdamna a um sih; vaan nuaia mihingte kawma kipia min lahah hung hundam diing min dang mawngmawng a um sih, a chi a.

ROMETE 1:17

Ajiahchu huah gintaatna diingin ginna in Pathian dihtatna a kilang a; Midihtat chu ginna in a hing diing, chih gelh bangin.

ROMETE 3:30

Zehtante a gintaat jiah va siamtangsah diing leh zehtanloute a gintaat jiah va siamtangsah diing Pathian khat chauh ahih ngal inchu, Jentelte Pathian zong ahi na sih diai mah.

ROMETE 4:2

Ajiahchu natoh jiaha Abraham siamtansaha a um leh suan diing a nei hi; hizongleh Pathian lamah chu a nei sih hi.

ROMETE 4:24

Hizongleh misi laha kipana i Lalpa uh Jesu kaithoupa i gintaat inchu, eiuh diingin zong dihtatna a ngaih ahi diing hi.

ROMETE 8:3

Ajiahchu tahsa jala haatlouhna jiaha daan in a bawl guallouh chu, Pathian in a tapa ngei, sualna tahsa gilou lim puain, huleh sual thoihna diing a hung sawlin, tahsa a sual um chu siamlouh a tangsahta hi.

ROMETE 9:30

Ahihleh bang i soita diai? Dihtatna delhlou Jentelte’n dihtatna a phata uh ahi, ginna jiaha dihtatna chu.

KORINTHTE I 6:11

Huleh na lahva khenkhat huchibang nana hi uh; hizongleh Lalpa Jesu Khrist min leh, i Pathian uh Hagaua silsiang na hita uh, suhsiangthou na hita uh, siamtansah na hita uhi.

GALATIATE 4:5

Ta hihsahna i muhtheihna diing a, daan nuai a umte tankhe diingin.

GALATIATE 5:4

Nanguh, daan a siam kitangsah pouhmahte, Khrist chu nanguh diingin a phatuam lou ahita a, hehpihna na puuhsanta uhi.

PHILIPPITE 3:9

Huleh daanbu a um banga keimah dihtatna nei hilou a, Khrist gin jala um, ginna a Pathian dihtatna chu nei a amaha muh a ka um theihna diingin.

PETER I 1:2

Thumang diing leh, Jesu Khrist sisan theh tang diing a Hagau hihsiangthou jala Pa Pathian heetlawhna dungjui a teelte kawmah Hehpihna leh hamuanna na kawmvah suhkhang in umta hen.

PETER I 2:24

Eiuh sual lama si a, hizongleh dihtatna lama i hin theihna diingin ama’n amah sapum ah i sualnate sing dawnah a pua a; amah kivuah hualte ah suhdam in na umta uhi.

PETER I 3:18

Ajiahchu Pathian kawma ahung pui theihna diingin Khrist in zong sualnate jiahin khatvei a thuaahta a, midih in midihlou luang in, tahsa in suhlup in a um a, hizongleh Hagau a suhhing in a um hi.

PETER II 1:1

Simon Peter, Jesu Khrist suaah leh sawlleh in, Pathian leh i Hundampa Jesu Khrist dihtatna jala ginna manpha i tan bang tangte kawmah:

JOHN I 1:7

Hizongleh amah vaah a a um banga ei zong vaah a i um leh khat leh khat kipawlkhawmna i nei a, huleh a Tapa Jesu Khrist sisanin sualna zousiah apat ahung silsiang hi.

THUPHUANDOH 7:14

Ke’n a kawmah, Pu, nangma’n na he hi, ka chi a. Ama’n ka kawmah, Hite chu gimthuaahna nasatah apat hung pawtdohte ahi va, huleh a puan uh Belaamnou sisana sawp in a ngousahta uhi.

THUPHUANDOH 7:9

Hi nunga ka et leh, ngai in, mipi nasatah, koimah simseeng louh, nam chin, phung chin, mi chin leh haam chin apat puan ngou silh a, huleh tuumnah tawi a laltouphah leh Belaamnou ma a diing chu ka muta a.