GALATIATE 1:4 - Thuhun Thah (BSI)

⁴ Amah chu Pathian leh i Pa uh deihdan dungjuiin tulai khovel giloutah lah akipan ahung suahtaatsah theihna diingin i sualnate luang in a kipeta hi.

GALATIATE 1:4 Iomraidhean Croise

MATTHAI 13:22

Huleh ling laha tupa zong, thu chu a ja a ahihvangin hi khovel awlmohna leh hauhsatna heemna in thu chu a deep a, huchi’n amah chu gah nei louin ahung umta hi.

MATTHAI 20:28

Mihing Tapa hilhial zong natohsaha um dinga a hung louha, natong diing leh mi tampi tatna diing a a hinna pe diing a a hung zawh mah bangin, a chi hi.

MATTHAI 26:28

Hichu sualnate ngaihdamna diing a mi tampite diinga pawt thuhun thah a ka sisan chu ahi.

MATTHAI 26:42

A nihveina ah ava chiah kiit a, Aw Pa, ka dawn louha hi nou in hung peel thei lou ahihleh, nang thuthu hita heh, chi'n a haamtei a.

MATTHAI 6:9

Huleh nanguh chu hichibangin haamtei un: Ka Pa uh vaan a um, na min kizahtaat heh.

MARK 10:45

Ajiahchu mihing Tapa hiilhial zong natohsah a um diingin ahung sih a, natongtu diing leh mi tampite tatna diing a a hinna pe diingin a hung zaw hi, a chi hi.

LUKE 22:19

Huin tanghou a la a, kipaahthu a soi zohin a balkeeha, a kawmvah a pia a, Hichu ka tahsa, nanguh diing a piah chu ahi; na hung heet zing na diingun hichu bawl veu un, a chi a.

LUKE 22:42

Pa, lem na sah a ahihleh hi nou chu ka kawma kipanin lasuanin; hizongleh kei thu hilouin nang thuthu hizaw heh, a chi a.

JOHN 10:11

Kei belaampu hoih chu ka hi; belaampu hoihin a belaamte diing in a hin na a pia hi.

JOHN 12:31

Tu chu hi khovel vaihawm lai ahi; tuin hi khovel lal paihkhiah ahi diing hi.

JOHN 5:30

Ke’n ka thuin bangmah ka bawl thei sih; ka jah bangin vai ka hawm veu hi; huleh ka vaihawm chu a dih hi, ajiahchu keimah deihzawng hawl lou in, Pa ahung sawlpa deihzawng ka bawl zaw hi.

JOHN 6:38

Ajiahchu keimah deihzawng bawl diing a vaan apata hungsuh ka hi sih a, ahung sawlpa deihzawng bawl diing a hungsuh ka hi zaw hi.

ROMETE 1:7

Pathian deihtah, misiangthou hi diinga kouh, Rome khua a um zousiahte kawmah; i Pa uh Pathian leh Lalpa Jesu Khrist kawma kipan hehpihna leh hamuanna na kawmvah um hen.

ROMETE 12:2

Hi khovel daan bangin um sih unla; himahleh Pathian deihzawng hoih leh, kipaahpih taah leh, hoih bukim bang ahiai chih na heetchian theihna diingun na lungsim uh a thah a um in hung limdang zawta un.

ROMETE 4:25

Hu Jesu chu i tatsualnate jiahin piahkhiahin a um a, huleh siam i tanna diingin kaihthohin a um hi.

ROMETE 8:27

Huleh Pathian deihzawng banga misiangthoute diinga a ngetsah jiahin, amah lungtang entu in Hagau deihzawng bang ahiai chih a he hi.

ROMETE 8:3

Ajiahchu tahsa jala haatlouhna jiaha daan in a bawl guallouh chu, Pathian in a tapa ngei, sualna tahsa gilou lim puain, huleh sual thoihna diing a hung sawlin, tahsa a sual um chu siamlouh a tangsahta hi.

ROMETE 8:32

Amah tapa ngei zong hawi loua, i bawnva diing a hung pepa in bang diingin sil zousiah a thawnin amah toh ahung pekhawm lou diai?

KORINTHTE I 15:3

Bang jiahin ahiai i chih leh a masapenin ke’n zong ka muh chu nanguh ka hung hilhsawn hi, chihchu, Pathian lehkhathu dungjuiin Khrist chu i sualnate jiahin a si a;

KORINTHTE II 4:4

Pathian lim batpih, Khrist tanchinpha loupina vaahin amahuh a salhvaah theih louhna diingin, hute ah hi khovel Pathian in a gingta loute lungsim a suhmialsahta hi.

GALATIATE 2:20

Khrist toh kilhbeh in ka um hi; hizongleh ka hing ahi; keimah hing hi nawn louin, Khrist keimah ah a hing ahi zaw hi; huleh tu a tahsa a ka hin chu, ahung lungsiat a ka luang a kipepa Pathian tapa ginna a hing ka hi.

GALATIATE 6:14

Hizongleh ke’n chu i Lalpa uh Jesu Khrist kros loungal ka suang het sih diing hi; amah jiahin khovel kei diingin kilhbeh ahita a, kei khovel diingin kilhbeh ka hita hi.

EPHESITE 1:11

Amah lunggel bang jel a sil zousiah bawlpa tup banga guatlawhsa hi in, amah ah gouluah diing a siam i hi uhi.

EPHESITE 2:2

Hu a chu, tumalaiin hi khovel daan bangin na um va, huihkhua a thuneitu lal, tu a thumanglou tate sunga tong zingtu hagau daan bangin;

EPHESITE 5:16

Nite a hoih louh jiahin hunlemtaang lei un.

EPHESITE 5:2

Khrist in ahung lungsiat a, ei u’diing a Pathian kawma silpiah leh kithoihna namtui diinga a kipiah bangin, lungsiatna ah um un.

EPHESITE 6:12

Bang jiahin ahiai i chih leh i dou uh chu tahsa leh sisan ahi sih a, lalnate, thuneihnate, hi khovel mial tunga vaihawmtute leh, vaan mun a hagau gilou umte ahi zaw uhi.

PHILIPPITE 4:20

Tuin Pathian leh i Pa uh kawmah kumtuang kumtuang in loupina um hen. Amen.

THESSALONIKATE I 1:3

I Pathian leh Pa ma ah na ginna natohte uh, lungsiatna natohgimte uh, huleh i Lalpa uh Jesu Khrist a kinepna jiaha na hahkatnate uh bang mangngilh lou a he zing in,

THESSALONIKATE I 3:11

Huchi'n Pathian ngei leh i Pa un, huleh Lalpa Jesu Khrist in na kawm lam vah hung pui hen.

THESSALONIKATE I 3:13

Huchi'n i Lalpa Jesu Khrist, a misiangthoute zousiah toh ahung chiangin Pathian, i Pa uh ngei ma ah na lungtangte uh sianthouna lama soisel beiin ahung sukip thei diing hi.

THESSALONIKATE II 2:16

Tuin i Lalpa uh Jesu Khrist ngei leh, Pathian, i Pa uh ngei, eite hung lungsiat a, hehpihna jala kumtuang hamuanna leh kinepna hoih hung pepa’n,

TIMOTHI I 2:6

Amah chu mi zousiah tatdohman diingin ahung kipia hi; a huntaha heetsah a um diingin.

TITA 2:14

Ama’n chu giitlouhna zousiah apat ahung tat theihna diingin leh, amah diing a sil hoih bawl a phatuamngai leh teeltuam hi diing a ahung suhsiangthou theihna diingin i luang in a kipeta hi.

HEBRAITE 2:5

Ajiahchu ama’n a tanchin i soi uh, tunung a hung um diing khovel chu, angelte nuaiah a koih sih a.

HEBRAITE 6:5

Huleh Pathian thu hoih leh hun hung um diing a silbawltheihnate chiam haw chu,

HEBRAITE 9:14

Khrist, kumtuang Hagau jala soiselbei a Pathian kawma kilaan sisanin Pathian hing nna tong diingin, silbawl sisa apatin na sialepha heetna uh bangchituhin a susiangthouta diai?

JAKOB 4:4

Nanguh aangkawmpate leh aangkawmnute, khovel lawm hihna chu Pathian toh kimeelmaatna ahi chih he lou na hi uh maw? hujiahin koipouh khovel lawm hih ut chu Pathian meelma ahi.

PETER I 2:24

Eiuh sual lama si a, hizongleh dihtatna lama i hin theihna diingin ama’n amah sapum ah i sualnate sing dawnah a pua a; amah kivuah hualte ah suhdam in na umta uhi.

PETER I 3:18

Ajiahchu Pathian kawma ahung pui theihna diingin Khrist in zong sualnate jiahin khatvei a thuaahta a, midih in midihlou luang in, tahsa in suhlup in a um a, hizongleh Hagau a suhhing in a um hi.

JOHN I 2:2

Amah chu i sualnate diing a thuphatawina ahi; eiuh sualna chauh hilou in, khovel pumpi sual thuphatawina zong ahi.

JOHN I 3:16

Hikhu ah Pathian lungsiatna i hethei uhi, ama’n eiuh diinga a hinna a piahkhiah jiahin; huleh eiun zong unaute diinga i hinna i piah ve diing uh ahi.

THUPHUANDOH 1:5

Huleh heetpihtu ginum, misi laha piang masapen leh, leia kumpipate vaihawmtu Jesu Khrist a kipan, hehpihna leh hamuanna na kawmvah um hen. Amah ei hung lungsiat a, i sualna apat amah ngei sisana hung silsiangtu leh,

THUPHUANDOH 5:9

Huleh amahun la thah khat a sa va, Nang chu lehkhabu la a, hua chiam chihnate phel taah na hi; ajiahchu thah in na um a, chi chin, haam chin, michin leh nam chin apat mite na sisanin Pathian a diingin na hung tanta a;

THUPHUANDOH 7:9

Hi nunga ka et leh, ngai in, mipi nasatah, koimah simseeng louh, nam chin, phung chin, mi chin leh haam chin apat puan ngou silh a, huleh tuumnah tawi a laltouphah leh Belaamnou ma a diing chu ka muta a.