GALATIATE 1:12 - Thuhun Thah (BSI)

¹² Ajiahchu mihing apat ka muh zong ahi sih a, mi hung hilh zong ka hi sih, hizongleh Jesu Khrist kilaahna jiaha ka muh ahi zaw hi.

GALATIATE 1:12 Iomraidhean Croise

KORINTHTE I 11:23

Bang jiahin ahiai i chih leh Lalpa kawm apat ka muh chu nanguh ka hung hilhsawn ahi, huchia Lalpa Jesu’n matsaha a um jan a, tanghou a laah a;

KORINTHTE I 2:10

Hizongleh Pathian in hute chu a Hagau in i kawmah ahung hesahta hi; ajiahchu Hagau in bangkim a hawldoh veh a, ahi, Pathian thugilte zong.

KORINTHTE II 10:7

Nangun sil a polama kilatdan a en na hi viai mah? Mi koipouh in Khrist a hi a amah leh amah a kiheet a ahihleh, hichu ama’n ngaihtuah kiit heh, amah Khrist a ahih bangin, keiuh zong Khrist a ka hi uhi.

KORINTHTE II 12:1

Kei diingin kiuahsah phatuam sih tamahleh; Silmuh leh Lalpa kilaahna ka hung soi diing hi.

GALATIATE 1:1

Paul, sawlleh, (mihing apat hilou, mihing vanga zong hilou, Jesu Khrist leh Pa Pathian, misi lah akipana amah kaithoutu vang a hizaw) in,

GALATIATE 1:16

Jentelte laha a tanchinpha ka soi theihna diingin a Tapa chu keimaha kilaahsah pha a sah laiin tahsa leh sisan ka dong sih a,

GALATIATE 2:2

Huleh kilaahna dungjuiin ka chiah tou a, Jentelte kawma ka tanchinpha soi chu a kawmvah ka hilh a, hizongleh mi zahum deuhte chu a tuamin ka hilh hi, huchilou inchu bangchi aha in a thawn a tai ka hikha diing hi.

EPHESITE 3:3

Huchia kilaahna a thuguuh kiphual ka kawma ahung heetsah, (tuma a tomtakhat a ka gelh thute bang.

THESSALONIKATE I 4:15

Hichu Lalpa thu in na kawmvah ka soi uh ahi, eite Lalpa hung pai dong a hing a na um nalaite’n ihmute i makhelh sih diing hi.