GALATIATE 1:10 - Thuhun Thah (BSI)

¹⁰ Bang jiahin ahiai i chihleh ke’n tuin mihing ahiai ka zawl, Pathian ahiai? ahihlouhleh mihing suhlungkim tum ka hiai mah? mihing suhlungkim tum nalai hitaleng Khrist suaah ka hi sih diing hi.

GALATIATE 1:10 Iomraidhean Croise

MATTHAI 22:16

Huleh amahun a nungjuite uleh Herod pawlte a kawmah a sawl va, hute’n chu a kawmah, Houtupa, midihtah na hi a, dihtahin Pathian lam thu na hilh a, mi koimah khawhsah tuam na nei sih chih ka he uhi; ajiahchu koimah khentuam na nei sih hi.

MATTHAI 28:14

Huleh gamoptu’n ana jah taahleh, keiun amah ka heem diing va, nanguh ka hung hunkhe nadiing uh, a chi va.

MATTHAI 6:24

Mi koimah in houtu nih nna a tongkhawm thei sih; ajiahchu khat mudahin khat a lungsiat diing a, ahihlouhleh khat gum in khat a simmoh diing hi. Pathian leh sum nna na tongkhawm thei sih diing uhi.

SILBAWLTE 12:20

Huleh Herod chu Tura leh Sidon khua a mite tungah a lungkim sih mahmah a; hizongleh, amahun Blasta kumpipa innsung vaipotu chu a kizolhpih va, thukhat a luang in a kawmah a hung va, a khaw lamte uh chu kumpipa khawlama buh po jel ahih jiahun kilemna a ngen uh.

SILBAWLTE 5:29

Huin, Peter leh sawlleh dangte’n, Mihing thu sangin Pathian thu ka man zawh diing uh ahi.

ROMETE 1:1

Paul, Jesu Khrist suaah, sawlleh hi diinga kouh, Pathian tanchinpha diinga sehtuam in,

ROMETE 2:29

Hizongleh a sungnung lam a Judami hi chu Judami tah ahi; huleh zehtan tah chu lungsim lam a tan ahi, lehkha thu mai a hilouin, hagau ah ahi; amah paahtaat loh chu mihing apat ahi sih a, Pathian apat ahi zaw hi.

ROMETE 2:8

Hizongleh soihah a, thutah jui loua, dihtatlouhna juizote tungah chu hehnate leh lungthahnate a um diing,

KORINTHTE I 10:33

Keimah phattuamna diing hawl loua, hutdam ahihtheihna diing va mi tampite phattuamna diing hawl zaw a, sil zousiaha mi chinteng ka kipaahsah bang mahin.

KORINTHTE II 12:19

Na lahva kei uleh keiuh kiphelhna diing hawl a hung ngaihtuah na hi u'maw? Khrist ah Pathian ma ah thu ka soi uh; hizongleh deihtahte, sil zousiah chu nanguh hoihna diingin ka bawl uhi.

EPHESITE 6:6

Mihing kipaahsah diing a mitmei chauh veeng hilou in, Khrist suaah bang a lungtang a Pathian deihzawng bawl zaw in:

PHILIPPITE 1:1

Paul leh Timothi, Jesu Khrist suaahte’n, Philippi khua a um Khrist Jesu a misiangthou zousiah kawma leh, kouhtuam houtute leh upate kawmah;

KOLOSSITE 3:22

Suaahte, sil zousiah ah, tahsa a na houtute uh thu mang un; mit natong a mihing kipaahsah diing giap hilou in; himahleh lungsim siangthoutahin leh Pathian laukawm zaw in.

THESSALONIKATE I 2:4

Tanchinpha kolsah a um diing a Pathian phatsah mi ka hih bang ngeiun mihing kipaahsah diing bang hilou a ka lungtang uh endihtu Pathian kipaahsah hi zaw in, thu ka soi jel uh ahi zaw hi.

JAKOB 4:4

Nanguh aangkawmpate leh aangkawmnute, khovel lawm hihna chu Pathian toh kimeelmaatna ahi chih he lou na hi uh maw? hujiahin koipouh khovel lawm hih ut chu Pathian meelma ahi.

JOHN I 3:9

Mi koipouh Pathian a piangin sual a bawl ngei sih; ajiahchu a chi amahah a um hi; huleh Pathian a piang ahihjiahin sual a bawl thei sih hi.