Taitus 2:1 - Nupela Testamen long tokples Mende long Niugini

¹ Hako mir avak hulaima nokopman ewesawenak os li liyanda lihi Avui Wasilakahi mashi nga nakrem si naka.

Taitus 2:1 Iomraidhean Croise

1 Timoti 1:10

ma ol nokophirmbirik layinda, ma ol hulayi ambek nokove nga li liyanda hom unda, ma ol hulaima nokopman li lai ma anandin haha yan landa, ma ol mbafirimbaha mba, “Avui Wasilaka or heyewak mashi kas a mbawa ome sira.” Hako men mbafirimbanda lir. Uhu ma ol mbele mbele amber Avui Wasilakahi mashin mblarnanda. Ondonjik lo oson ormu ewera. Maintontlo os lo oson or eweri karem. Or eweshinak mbele mbele kavakava os ma li uwan avak si muku si mba, “Kaso kava sir, mbeek mashi Avui Wasilakahi nga nakrem nanda ambu sir.” Karem si mukukmbaha lo oson ormu ewera.

1 Timoti 6:3

Wasilaka nihi Jisas Krais mashi ome orhi Avui Wasilakan ni tiyanda nombon sawenda sir. Hako os ma lar mashi oson or halashihi mashi anandi las or sawe nahi, wa ma oto mbeek mbele las yariwa ambu ri, wahau. Orhinjik men sembe menden yerkujihi yanda ri. Uhu mashi or mbawa sunguwavu mahin kavak nandahi mashin or mbawak ma amber lihi ambek limu anambli anamblarnanduwa. Uhu nombo os or uwa oso si unak ma lihi ambek li okolehe olmu anawapkava hishinduwa. Uhu ermba ermbak anangriyanda nombo nom unda lira.

2 Timoti 1:13

Mashi ome kas mirin a sawewan er toltambanaka. Uhu os a sawewa hom hulaima nokopman ewesaweka. Uhu os Kraisin mi tiyanda nombon er sitambanaka. Uhu ma amber er nga rupshika. Ondon undahi mira, os Krais nga nakrem shi si nahi, os mi analayi fri sinda hom sikwa shira.

Taitus 1:9

Lir avak mashi omendinga os nir aposel ni sawendari oso nom kwambuk li toltambanaka. Uhu mashi oso nom li sawenak hulaima nokopma mashi oson li misihi li tiyaka. Uhu ma ol Avui Wasilakahi mashin apsham sawenda ma ondon kwambuk li sawehe li pantleshinak os erem li sawenda oson li hala.

Taitus 3:8

Mashi kas a sawewak mi misiwa ome sira. Uwosik mir avak kwambuk er mi sihi mashi kas a sawewan saweka. Unak ma ol Avui Wasilakan hishiowenda ma ondo ermba ermbak lerawu jivi os ma anandin jelyanda nom li laka.

1 Pita 4:11

Os jihi lal mashi orhin ji sawe, karem mbaha kwambu orhin or hahanda nahi, wa mashi orhin yawur wornak ji saweka. Hovok os jihi lal lerawun ji laha man jelyakmbaha kwambu orhin or hahanda nahi, wa kwambu orhi os or hahanda orok lerawu oson ji laka. Ushinak ma mbele mbele ol ji lawan li heyehe, hi Jisas Kraishik Avui Wasilakan li hausimbausika. Kwambu nga ukruharanda nga ermba ermbak Kraishik er si naka. Omendinga sira.