Jekamba Pol ol yanga Romik lindanjik or kayeri 2:22 - Nupela Testamen long tokples Mende long Niugini

²² Uhu os ji mba, “Avak nokophirmbiriwa hala.” Karem ji pantleshihi jihinjik os jimu nokophirmbirinduwa. Uhu os ji mba, “Ma tavak li unda god ondo kava lir. Pasir i siwa hala.” Karem ji pantleshihi jihinjik haiten ma ondo li lotu unda aka lihik ji ihi mbele mbele lihin jimu landuwa.

Jekamba Pol ol yanga Romik lindanjik or kayeri 2:22 Iomraidhean Croise

Matyu 12:39

Urik ormu mbara, “Ma jir ter wolok liyawa ma jirin, jir ma kava indinga jir. Jir ma undahi ambu lal a unak ji heyekmbaha jimu mbanduwa. Hako an mbeek mbele las a unak ji heyekwa ambu sir, wahau. Hako mbele las os profet Jonahik narik ji misindari hom avak si nanak ji heyekwa sir.

Matyu 16:4

Jir ter wolok liwa ma jir kava indingo jir. Mbele las ma undahi ambun a unak ji heyekmbaha jimu sili yangonduwa. Hako an mbeek mbele las a unak ji heyekwa ambu sir, wahau. Mbele mbele os profet Jonahik narik ji misindari hom avak erem si nanak ji heyekwa sir.” Karem or mba lafakaha lirin or halaha ormu ira.

Mashi jivi Jisashi Mak or kayeri 11:17

Uhu ormu mbara, “Jekamba Avui Wasilakahik karem li kayeri osa, “Aka anhi oso anin li sawenda mishi sira. Ma ol yanga yangak fehenda aka orok li raha anin li hishiowehe anin li sawenda mishi sira,” karem li kayeri sir. Hako ter os jimu uwak hirnyanda ma lihi aka hom osmu nanduwa.”

Aposel 19:37

Torok ji laharawa ma tovro mbeek mbele las tos ni lotu unda mishik hirnyanda ambu vri. Uhu frir mbeek mashi kava las god nokove nihi toson mbanda ambu vri.

Jekamba Pol ol yanga Romik lindanjik or kayeri 12:9

Ma anandin sunguwavu jihi nga ji rupshihi lirin armek ji uka. Uhu mbele mbele kavak nanda ondon er ji kumaifa mendehe jivik nanda ondo nom ji rupshika.

Jems 4:4

Jir angop Avui Wasilakan halawa jir, os nokove hula sihin si hala ihi hula anandi nga si yanda hom. Hako ji misi, os mbele mbele misambi torok fehe tondon ji lakwak ji hishombashiowe nahi, wutari Avui Wasilakahik nakwa jir. Oson am jimu hishindu mo wahau? Os mbele mbele misambik fehe tondo nga ji ananaimbletolo nahi, wutari orhik nakwa jira.