Jekamba Pol ol yanga Romik lindanjik or kayeri 15:12 - Nupela Testamen long tokples Mende long Niugini

¹² Urik profet Aisaia er nga karem or kayeri sir, “Ma lar kumak avak Devithi krahak talakwa ri. Or avak Judama ambu ondon or arangoho washilikwa ri. Unak lir avak orin li heyehe mba, ortonom nirin jivinakwa ma ria.” Aisaia 11:10

Jekamba Pol ol yanga Romik lindanjik or kayeri 15:12 Iomraidhean Croise

Matyu 12:21

Ushinak ma amber, Judama ambu ondo er nga, orin wavu lihik li ewehe li mbaka, “Ortonom nirin jivinakwa ma ria.” ” Aisaia 42:1-4

1 Korin 15:19

Os ni mba, “Os misambi torok ni liwa wolokop Krais ormu nirin jelyanduwa, hako os ni hawa wolo or mbeek nirin jelyakwa ambu ri.” Karem ni mba nahi, hulaima nokopma nirin li heyehe karem mbakwa lir, “Semben li mbafirimbashihindak jimu tiyanduwa,” karem li mbaha nirin okolekwa lir.

2 Timoti 1:12

Lerawu oson a lari osik nomorawu toson amu kishanduwa. Hako an mbeek a ajenda ambu nir, wahau. Angop a heyeri ri, ma or a tiyandan. Or avak anin arangoshinak lerawu os anin or hahanda oso mbeek mendek nakwa ambu sir. Er si nana ihi kumak Wasilaka indik takwa ri.

1 Pita 1:21

Jirin or jivinashihindak os jimu Avui Wasilakan hishindiyanduwa. Or Kraisin or mbarik indik or usaha hiushamak ormu nara. Uhunda osik os jimu Avui Wasilakan ji hishindiyaha mbele mbele os or ukmbaha nor mbahandan jimu nikishinduwa.

1 Jon 3:3

Krais jivi mendek nari ora. Uri osik nir ma ol orin nikishihi or hom nakmbaha hishiwa ma nirin, halanak sunguwavu nihin ermbak os akasuvun li hakonda hom armek ni uhu hundujehe ni lika.

Revelesen 22:16

“An Jisas anira. Mashi kason a sawehe ensel anhi oton a mbashirik or ihi mbele mbele os talakwak nawan jir siosik fehenda man saweri ri. An malakama Devithi krahak a talahanda anira. Devithi nirambara anira. Tashingra or nirsumbuk tasahanda anira.”

Revelesen 5:5

Urik maifuk sindari ma 24-pela lihi lar or taha ormu anin sawera, “Tlawa hala, misi, ma or kraha Judahik fehenda, Laion, karem li ushanda ma oto nirambara King Devithi ria. Ortonom angop wutarin or jihi tukrundari osik avak 7-pela warefi hom nanda os jekamban li lokohondarin jako ermbehe jekamba oson horngokwa ria.”