Jekamba Pol ol yanga Romik lindanjik or kayeri 1:3 - Nupela Testamen long tokples Mende long Niugini

³ Mashi jivi oso jikisi orhi Jisasin mbari sir. Jisas mak or naha ma nir hom maome nga nari ri. Uhu king Devithi krahak talari ri.

Jekamba Pol ol yanga Romik lindanjik or kayeri 1:3 Iomraidhean Croise

Matyu 1:1

Jisas Krais misumu walanga orhi kalira. Or Devithi krahak jitapmatava naha rahandari ria. Devit Abrahamhi krahak jitapmatava naha rahandari ri.

Matyu 1:16

Jekop avoko Josephi ri. Josep hula Mariahi ria. Maria oso Jisasin wari sir. Or Krais oria. Hulaima nokopman jivinakurik Avui Wasilaka kamahanda ma ria.

Matyu 1:6

Jesi avoko King Devithi ria. Devit avoko Solomonhi ri. Nijava orhi Batseba, mas Uria laha or hashirik Devit lari sir.

Matyu 12:23

Urik ma ol orok liri ondo oson li heyehe limu mbara, “Ayo, ma roto kar ni nikishinda king Devithi nirambara or mo?”

Matyu 15:22

Urik nokove las yanga Kenanik fehendari si raha Jisasin simu ushaha tlara, “Wasilaka, Devithi nirambara mirin, anjik mi holowa. Jikisnokopji anhi wasimalengamba toloshiwak osmu kavak nanduwa!”

Matyu 26:63

Karem or silirik Jisas mashi las nga mbari ambu ri. Urik indik ormu silira, “Avui Wasilaka ermba ermbak linda or heyewak mirin amu silinduwa, unak mir omek saweka, mir hulaima nokopman jivinakmbaha or kamahanda ma om? Mir jikisi orhi om?”

Matyu 27:43

Or orhinjik, “Jikisi Avui Wasilakahi” karem mbari ria. Or hishiwa Avui Wasilaka or nga siwa ri. Os erem si na nahi, halanak orin or jelyaka.”

Matyu 3:17

Urik mashi las lersuwu yok simu mbara, “Ma oto jikisi indingo anhi ria. Sunguwavu anhi mende nga orin a rupshihi mbele mbele ol or uwan amu rupshinduwa.”

Matyu 9:27

Urik Jisas yanga oson or hala irik misokome tumundari ma frijip orin fri tiya ihi frimu ushaha tlara, “Jisas nirambara Devithi mirin, shirnjik mi hishiwa!”

Mashi jivi Jisashi Luk or kayeri 1:35

Urik ensel mu sirin sawera, “Avui Wasilaka metenjek fehe Masikome orhi avak nyirik takwa ri. Uhu nyirin jelya arangokwa ri. Ushinak jikisi or nyi wakwa avak jivi worna mendek nakwa ria. Unak avak li ushakwa ri, “Avui Wasilakahi jikisi indingo toria.”

Mashi jivi Jisashi Luk or kayeri 1:69

Uhu ma or nirin jivinakurin or mbashirik king Devithi krahak talari ri,

Mashi jivi Jisashi Jon or kayeri 1:14

Mashi oso mak nari sir. Uhu or taha nir ma misambik fehe nihi nindik liri ri. Or jikisi namtar numbu Avui Wasilakahi ria. Kwambu orhi os Avui Wasilaka orin or hari oson angop ni heyeri sir. Avui Wasilaka man or rupshihi wavu orhik or ewenda nga mainome orhi nga Jisashikop hojeri sir.

Mashi jivi Jisashi Jon or kayeri 1:34

Ushirik am a heyehe os amu jirin kormbak sawenduwa. Ma roto Avui Wasilakahi jikisi indingo toria.”

Mashi jivi Jisashi Jon or kayeri 1:49

Urik ormu mbara, “Tisa, mir jikisi Avui Wasilakahi mira. Mir yanga Israelik fehe ma malakama lihi mira.”

Mashi jivi Jisashi Jon or kayeri 10:30

An nga Avui anhi nga shir namtaskop shi nanda shira.”

Mashi jivi Jisashi Jon or kayeri 10:36

Os erem orhinjik or mbahanda nahi, mberem ushiwak anin ji wapkava hishindua, os a mba, “An jikisi orhi anira.” Or orhinjik anin or kamaha nor mbashirik misambi torok a rari ona.

Mashi jivi Jisashi Jon or kayeri 20:28

Karem or mbarik Tomas mu mbara, “Mir Wasilaka anhi mira. Mir God anhi mira.”

Mashi jivi Jisashi Jon or kayeri 20:31

Hako maintontlo os li kayehendari karem, ma ol mashi kason misiwa ondo avak li heyeyarikwa sir, Jisas Krais oria, Avui Wasilakahi jikisi oria. Hulaima nokopman jivinakurik or kamahanda ma ria. Os orin ji hishiowe nahi, jir avak ermba ermbak linda oson lakwa jira.

Mashi jivi Jisashi Jon or kayeri 5:25

Omendingak jirin amu sawenduwa, kumak avak Avui Wasilaka jikisi orhi oto or mbanak ma ol hahandari ondo amber mashi orhin misihi usahakwa lir. Uhu ma ol mashi orhin misindiyanda ondo nom ermba ermbak lindan lakwa lira.

Aposel 2:30

Hako Devit oto profet orik angop or heyeri sir, Avui Wasilaka kuma kumak jinirmbanira orhi lar or kamashinak or lindari hom kingik or naha nor likurin.

Aposel 3:13

Avui Wasilaka misimu walanga nihi Abraham, Aisak, Jekop lihi Avui Wasilaka oria. Unda Avui Wasilaka oto mu lerawu orhin landa ma Jisas oto hi orhin wasilaka mendek ormu hauowera. Hako jir ji turaha orin li mandingormekmbaha wutarihi tavak jimu halara. Pailat or halashinak or i, karem or mbari. Hako jir orin ji turaha jimu kumaifara. Ushirik Pailat mbeek or halashirik or jip iri ambu ri.

Aposel 8:36

Uhu nombok fri ihi fa las fri heyehe Itiopiak fehe ma oto mu mbara, “Heye, fa las kasai karok nandu. Anin fak tolofaleka.”

Aposel 9:20

Uhu kolok Judama lotu undari aka orok or ihi mashin ormu sawera, “Jisas orto jikisi Avui Wasilakahi ria.”

Jekamba Pol ol yanga Romik lindanjik or kayeri 1:9

An Avui Wasilakahi lerawun a laha mashi jivi os jikisi orhi hulaima nokopman or jivinahanda mashi oson a sawenda nir. Or heyewak omendingak jirin amu sawenduwa, ermba ermbak jirnjik a beten unda nir.

Jekamba Pol ol yanga Romik lindanjik or kayeri 4:1

Judama misumu walanga lihi Abraham oton ji hishika, mberemhi nombon or tiyayarik Avui Wasilaka orin ma worna mak or ushar?

Jekamba Pol ol yanga Romik lindanjik or kayeri 9:5

Misumu walanga lihi Abraham, Aisak, Jekop olira. Ushirik Krais hulaima nokopman jivinahanda ma oto lihi krahak talari ri. Or God indingo ri. Mbele mbele amber ondon tolonda ma ria. Uwosik nir hulaima nokopma amber ermba ermbak hi orhin ni hauoweka. Ome sira.

1 Korin 1:9

Avui Wasilaka jirin or kamashihindak jikisi orhi Jisas Krais Wasilaka nihi oto nga nakrem jimu sinduwa. Avui Wasilaka mbele mbele ol or ukmbaha nor mbanda erem er unda ri. Mbeek mbafirimbanda ambu ri.

1 Korin 10:18

Israelik fehe ma ondon ji hishika. Emenaku altak li owehe Avui Wasilakan ofan li uri wolo, ma ol alta orok lerawun landari ma emenaku kas andari lir. Erem li uri oso osmu karem nirin mukunduwa, lir Avui Wasilaka nga nakrem sindari lir.

Galesia 4:4

Hako Avui Wasilaka os or mbahandari wolo mendek si narik jikisi orhin or halashirik misambik tari ri. Ushirik nijava orhi orin si washirik Judama lo lihi siyok or sihi lo ondo amber hom er or tiyarakori lir.

1 Tesalonaika 1:10

Uhu Jikisi Avui Wasilakahi hevenin or halaha indik or takwan ji nikishinda nombo oso er nga limu haisau handasawe induwa. Or angop jirin or jivinashihinda osik, waplelena Avui Wasilakahi mbeek jihik nakwa ambu sir, avak jip likwa jir, karem ji hishihi jimu nikishinduwa. Jikisi or harik Avui Wasilaka indik or mbarik usahari oto Jisas oria.

1 Timoti 2:5

Angop ni heyenda sir, God namtar nom linda ria, or Avui Wasilaka nihi oria. Hako or mbeek ma misambik fehe nga nakrem lindari ambu ri. Or orhik or lirik, lir lihik lindari lir. Uhu wutarik nandari lira. Hako os or mbahandari wolok si narik Krais Jisasin or halashirik Krais orhinjik fleya hom maome orhin or hashirik li mandingormeshirik os wutarik li nandari oso osmu mendek nara. Krais suman or tivihi hulumangok or sishirik wutarik li nandari osmu mendek nara. Os Krais erem or uri oso osmu mukunduwa, Avui Wasilaka ma amber or jivinakmbaha hishinda ri.

1 Timoti 3:16

Ome sira bilip nihi karem nanda sir, Jisas Krais ma indingak or narik hulaima nokopma li heyeri ri. Or ma worna ma indinga ri. Masikome Avui Wasilakahi mu os or nanda nombo oson or mukushirik limu heyera. Ushirik ensel nga li heyeri ria. Ushirik ma yanga yangak li ihi mashi orhin li saweshirik ma misambik fehe orin sunguwavu lihik limu ewera. Ushirik Avui Wasilaka orin hevenik ormu lalawura.

2 Timoti 2:8

Mir avak armek misika. Krais ma indingak or naha king Devithi krahak fehendari ri. Uhu nor haha indiyok usahari ri. Mashin karem a sawenda nira.

1 Jon 1:3

Uhunda osik mbele mbele ol ni misihi ni heyendarin kormbak jirin nimu sawenduwa. Ushinak jir nga nir nga wavu namtaskop ni hishihi ni lika, os nir Avui Wasilaka nga jikisi orhi Jisas Krais nga wavu namtaskop ni hishihi ni linda hom.

1 Jon 3:23

Mashi os ni tiyakmbaha or mbanda karem, jikisi orhi Jisas Krais orto nom wapnuku nihik ni eweka. Uhu hovok Jisasin hishindiyanda ma ondo amber ni rupshika. Karem ni ukmbaha mbanda ria.

1 Jon 3:8

Hako kavakavan sishi unda ma ondo lawehi ma lir? Lir Laulakahi ma lira. Laulaka akri jishi wolokop sishi raha ter nga kavakavan sishi unda ria. Erem or sishi uri tontlo orok Avui Wasilaka jikisi orhin or mbashirik Laulaka lerawu orhi oson kavak or nakurik misambi torok tari ria.

1 Jon 4:15

Os ji mba, “Jisas Avui Wasilakahi jikisi indingo ria.” Karem ji mba nahi, Avui Wasilaka ormu jir nga nakrem sinduwa. Uwak jir or nga os jimu sinduwa.

1 Jon 5:1

Os Jisasin ji heyehe ji mba, “Or Krais oria. Or hulaima nokopman jivinakmbaha Avui Wasilaka kamahanda ma ria.” Karem ji mba nahi, jir Avui Wasilakahi jikisi jir. Os Avuin wavu jihik ji ewe nahi, halanak Jisasin hishindiyanda ma anandi ondon er nga wavu jihik ji eweka.

1 Jon 5:20

Angop ni heyenda sir, Avui Wasilaka jikisi orhi, Jisas, misambik or taha wapjip hishiyarindan nirin or hashihindak Avui Wasilakan armek nimu heyekrahakoronduwa. Uhu or nga jikisi orhi Jisas Krais nga nakrem nimu linduwa. Krais God indinga ria. Uhu ermba ermbak linda oso tontlo orhik nanda sira.

1 Jon 5:5

Lawe mende ol kwambuk sitambanaha mbele mbele misambik fehen mblarnaku? Wa, ma ol Jisasin heyehe mba, “Or Avui Wasilaka jikisi indingo orhi ria.” Karem mbawa ma ondo kwambuk sihi mbele mbele misambik fehen mblarnakwa lira.

2 Jon 1:7

Ji misika. Haimba handambanda mashin sawenda ma mushak misambi torok li yaha karem haimba handambanda ola, “Jisas Krais misambik or tari wolo nir ma misambik fehe hom maome nga nari ambu ri.” Ol erem mbanda ma ondo mbafirimbanda ma lira, ma ondo wutari Kraishi lira.

Revelesen 2:18

Uhu ormu mbara, “Mashi kas a mbawa kason mi kayehe ensel or sios Taiatairak lindanjik ermbenak si ika. An Jikisi Avui Wasilakahi nira. Misokome anhi hi ukruharanda hom nanda vria. Kumba anhi ta kapan or jiwak ni heyewak misokome si lerna lernanda hom nanda vria. Mashi kason jirin amu sawenduwa.