Mashi jivi Jisashi Mak or kayeri 9:7 - Nupela Testamen long tokples Mende long Niugini

⁷ Urik kwandi las lirin si aulafaleshirik kwanindik limu sira. Urik kwanindik mashi las osmu mbara, “Ma orto jikisi indingo anhi ria. Orin wapnuku anhik amu ewenduwa. Mashi orhin ji misika.”

Mashi jivi Jisashi Mak or kayeri 9:7 Iomraidhean Croise

Matyu 27:43

Or orhinjik, “Jikisi Avui Wasilakahi” karem mbari ria. Or hishiwa Avui Wasilaka or nga siwa ri. Os erem si na nahi, halanak orin or jelyaka.”

Matyu 27:54

Urik kepten nga awun undari ma ol Jisasin washiliri ma ondo nga nenawu si jirik mbele mbele ondo ralarik li heyehe li ajehe limu mbara, “Omendinga sira, ma oto jikisi indingo Avui Wasilakahi ria.”

Matyu 3:17

Urik mashi las lersuwu yok simu mbara, “Ma oto jikisi indingo anhi ria. Sunguwavu anhi mende nga orin a rupshihi mbele mbele ol or uwan amu rupshinduwa.”

Mashi jivi Jisashi Mak or kayeri 1:11

Urik mashi las lersuwu yok simu mbara, “Ma toto jikisi indingo anhi ria. Sunguwavu anhi mende nga orin a rupshihi mbele mbele ol or uwan amu rupshinduwa.”

Mashi jivi Jisashi Mak or kayeri 9:6

Mberem ushirik Pita mashi oson erem or mbar? Mbeek masikome nga siri ambu ri.

Mashi jivi Jisashi Mak or kayeri 9:8

Mashi oso karem si mbarik li haihandaheyeri, mbeek ma lar nga li heyeri ambu ri. Jisas nom orok siri ria.

Mashi jivi Jisashi Jon or kayeri 1:34

Ushirik am a heyehe os amu jirin kormbak sawenduwa. Ma roto Avui Wasilakahi jikisi indingo toria.”

Mashi jivi Jisashi Jon or kayeri 1:49

Urik ormu mbara, “Tisa, mir jikisi Avui Wasilakahi mira. Mir yanga Israelik fehe ma malakama lihi mira.”

Mashi jivi Jisashi Jon or kayeri 12:28

Avuya, mir avak kwambu mihin kormbak mukunak li heyeka. Unak hi mihi wasilakak si naka.” Karem or mbarik mashi las hevenik simu mbara, “Angop a mukuri sir. Uhunda osik ter avak indiyok a mukukwa sir.”

Mashi jivi Jisashi Jon or kayeri 19:7

Urik limu mbara, “Wahau, halanak neloko nihi Moses lo os or kayendari si mbahanda hom ni uka. Ma or Avui Wasilakan okolewa halanak or haka. Ma oto angop or mbar, “An jikisi Avui Wasilakahi nira.” Karem or mbahanda osik halanak or haka!”

Mashi jivi Jisashi Jon or kayeri 20:31

Hako maintontlo os li kayehendari karem, ma ol mashi kason misiwa ondo avak li heyeyarikwa sir, Jisas Krais oria, Avui Wasilakahi jikisi oria. Hulaima nokopman jivinakurik or kamahanda ma ria. Os orin ji hishiowe nahi, jir avak ermba ermbak linda oson lakwa jira.

Mashi jivi Jisashi Jon or kayeri 5:18

Karem or mbarik orin li mandingormekurik limu hishira. Mberem ushirik? Or mbeek Sabat wolo oso nom or mblarnari ambu ri, wahau. Avui Wasilaka avui orhi, karem or mbari mashi oso nga li misihi limu mbara, “Ma roto orhinjik Avui Wasilakahi farniyik or nakwak hishiwa tori te!” Karem li hishihi orin li mandingormekurik limu mbara.

Mashi jivi Jisashi Jon or kayeri 5:37

Avui or mbashirik a rari oto anin saunjelyanda ri. Hako jir mbeek mashi orhin misihi orhin heyenda ambu jir.

Mashi jivi Jisashi Jon or kayeri 6:69

Uhu angop ni hishihi armek ni heyewa nir, mir ma jivi worna Avui Wasilaka kamahanda ma mira.”

Mashi jivi Jisashi Jon or kayeri 9:35

Urik Jisas os ma oton li kria ermberi mashi oson or misihi orin ormu lasa ira. Or lasa ihi am or heyehe ormu silira, “Mir, Ma Jikisi Avui Wasilakahi oton hishiowenda om?”

Aposel 1:9

Jisas mashi oson am or sawerakorik Avui Wasilaka mu orin lalawura. Orin or lalawurik li sishi mawurik lersuwu avisha kwandi hom orin si arangoshirik mbeek li heyeri ambu ri.

Aposel 7:37

Uhu Moses oto Israelik fehenda ma ondon ormu sawera, “Avui Wasilaka avak ma lar jihi nindik or kamashinak profetik nakwa ria, tos an nawa hom.”

Aposel 8:36

Uhu nombok fri ihi fa las fri heyehe Itiopiak fehe ma oto mu mbara, “Heye, fa las kasai karok nandu. Anin fak tolofaleka.”

Jekamba Pol ol yanga Romik lindanjik or kayeri 1:4

Hako mawan or halaha indiyok or usahari nombo orok, Avui Wasilaka Masikome orhi kormbak or mukurik ni heyeri ri, Jisas Krais or Avui Wasilakahi jikisi indingo kwambu nga nandari ri. Wasilaka nihi ria.

Hibru 2:1

Mashi os Jisas orhinjik or sawerik ni misihinda oson kwambuk er ni toltambanaha ni tiyaka. Os mashi apsham apshamhin ni tiya nahi, avak nombo jivi os ni sinda oson ni halaha nombo apshamhik ni ikwa nir. Uwosik mashi orhin er ni toltambanaka.

2 Pita 1:17

Nir Jisas Wasilaka nihi nga telemba Avui Wasilakahi orok ni lawu lirik mashi las hevenik karem si mbarik nimu misira, “Toto jikisi anhi indinga toria. Orin amu rupshi mendenduwa.” Avui Wasilaka ukruharanda ngashi oto hi Kraishin or hauowehe ukruharanda orhin orin or hari wolo, karem mbari ora.

1 Jon 5:20

Angop ni heyenda sir, Avui Wasilaka jikisi orhi, Jisas, misambik or taha wapjip hishiyarindan nirin or hashihindak Avui Wasilakan armek nimu heyekrahakoronduwa. Uhu or nga jikisi orhi Jisas Krais nga nakrem nimu linduwa. Krais God indinga ria. Uhu ermba ermbak linda oso tontlo orhik nanda sira.

Revelesen 1:7

Ji heyeka. Kumak avak lersuwu nindik indik takwa ri. Unak ma amber avak misokome lihik li heyekwa ri. Unak ma ol orin jimandingormenda ondo er nga li heyekwa ri. Ma amber orin li heyehe hishihi tlaholokwa lira. Omendinga sira. Mbele mbele ondo avak omendingak talakwa lira.