Mashi jivi Jisashi Mak or kayeri 9:4 - Nupela Testamen long tokples Mende long Niugini

⁴ Urik li heyerik Elaija fre Moses fri raha Jisas nga limu maimbara.

Mashi jivi Jisashi Mak or kayeri 9:4 Iomraidhean Croise

Matyu 11:13

Jon os or talaha mashin or sawe namber profet ondo nga mashi os Moses sawendari oso nga mbele mbele os kumak kormbak talakundarin angop li saweri lir.

Mashi jivi Jisashi Mak or kayeri 9:3

Urik kowe orhi os or faleri er nga si tormblehe avisha mendek simu nara. Mbeek ma misambik fehe lar kowe orhin or unak erem nandahi ambu sir.

Mashi jivi Jisashi Mak or kayeri 9:5

Urik Pita mu mbara, “Tisa, torok ni liwa osmu jivi mendek nanduwa. Halanak shikor aka nalmingrip torok ni uka. Las mihi, las Moseshi, las Elaijahi.”

Mashi jivi Jisashi Luk or kayeri 24:27

Karem or mbaha mashi Moseshi nga profet ondo li mbahandari mashi amber nga orok orin mbahandari mashi maintontlo sihin fririn ormu owesawera.

Mashi jivi Jisashi Luk or kayeri 24:44

Uhu lirin ormu mbara, “Os jir nga na liri wolo angop karem a saweri jir. Mbele mbele os maskop jekamba Moseshi nga profethi nga Buk Songik anin li kayehendari ondo omek talakwa lira.”

Mashi jivi Jisashi Luk or kayeri 9:19

Karem or mbarik limu mbara, “Lal mir Jon, man fak tolofalenda ma mir, karem mbanda lir. Hako lal mir Elaija, karem mbanda lir. Hako lal mir profet mas hahandari indiyok usahanda mir, karem mbanda lir.”

Mashi jivi Jisashi Jon or kayeri 5:39

Jir mashi os Avui Wasilakahi jekambak li kayendari oson ji ritim uhu karem hishinda oja, “Os mashi toson ni tiya nahi, avak ermba ermbak linda oson ni lakwa nir.” Karem hishinda jir. Hako os erem ji heyenda mashi oso anira, kason mbeek heyekrahakoronda ambu jir.

Revelesen 19:10

Karem or mbarik orhi kumbamuk a taka lihi orin a lotu ukurik amu ura. Hako ormu mbara, “Mir anin erem uwa hala. Mir nga an nga mahasanje mihi ol Jisasin misindiyanda ondo nga nir amber hom Avui Wasilakahi lerawun landa ma nira. Uwosik orto nom ni lotu uka.” Mashi os Jisas sawenda nom man sauhawak profet mashik li sawenda sir.