Mashi jivi Jisashi Mak or kayeri 3:16 - Nupela Testamen long tokples Mende long Niugini

¹⁶ Ma 12-pela ondo hi lihi kalira. Lar hi orhi Saimon oria, Jisas hi yeje orhin Pitak or ushari ria.

Mashi jivi Jisashi Mak or kayeri 3:16 Iomraidhean Croise

Mashi jivi Jisashi Mak or kayeri 1:16

Karem or mbashihi leuku Galilik or ihi ma frijip ormu heyera. Ma ovro mahasanje vria, hi frihi Saimon fre Andru. Frir foomen londari ma vria. Jisas or ihi or heyeri, frir foom kowen fri laha foomen kruwukurik frimu ormbera.

Mashi jivi Jisashi Mak or kayeri 3:15

Uhu kwambu orhi os wasimalengamban li mbru ermbekurin ormu lirin hara.

Mashi jivi Jisashi Mak or kayeri 3:17

Uhu Sebedihi jikisi Jems nga maha orhi Jon nga. Mashin fri mbari lersuwu krulatavalanda hom mbandari vri. Karem undari osik hi frihi Boanerges karem or ushari vri.

Mashi jivi Jisashi Luk or kayeri 6:13

Am si hararik orin tiyandari ma ondon or usharik li tarik lihi nindik ma 12-pela ondon ormu kamara. Uhu lirin aposel, karem ormu ushara.

Mashi jivi Jisashi Jon or kayeri 1:42

Karem or mbaha Saimonin or laha Jisasik frimu ira. Urik Jisas orin or heyehe ormu mbara, “Mir Saimon jikisi Jonhi mira. Kumak hi yeje mihi Sifas karem li ushakwa mir.” Hi Pita nga Sifas nga mainome frihi sunja, karem namtaskop nanda sir.

Aposel 1:13

Am Jerusalemik li layihi, aka os heyersiyer li undari aka heyeyok limu lawura, os li waha yandari mishi orok. Aposel ol orok liri ondo hi lihi karem, Pita, Jon, Jems, Andru, Filip, Tomas, Bartolomyu, Matyu, Alfiushi jikisi Jems, Saimon, Judas, karem nandari lira. Saimon oto ma ol Romik fehe gavmanin li jihi tukru ermbenak li ikmbaha undari ondo lar oria. Judas oto Jems ome larhi jikisi ria.

1 Korin 1:12

Mashi os a misiri jihi ambek ji anangriaha ji mbari karem, jihi lal karem mbanda jir, “An Polin a tiyanda nir.” Uwak lal karem mbanda lir, “An Apolosin a tiyanda nir.” Hovok lal karem mbanda lir, “An Pitan a tiyanda nir.” Hovok lal karem mbanda lir, “An Kraisin a tiyanda nir.”

1 Korin 3:22

Apolos, Pita, anir, karem Avui Wasilaka jirin or jelyakmbaha nirin or kamashirik jihik ni tari nir. Mbele mbele amber misambik fehe jirin li jelyakmbaha ormu ura. Os ji liwa wolo nga ji hawa wolo nga Avui Wasilaka mbele mbele jip or ushinak jirin jelyakwa lir. Mbele mbele tol ter nawa nga mbele mbele ol kumak nakunda nga Avui Wasilaka or unak jivik li naha jirin jelyakwa lir. Ushihindak mbele mbele amber hom jirin jelyakmbaha or uhunda lir.

1 Korin 9:5

Aposel ome lal nga jimatama Jisashi nga Pita nga lir nokove lihin li laha yanga yangak mashin saweyanda lir. Nokove lihi ondo er nga Jisasin hishindiyanda lir. Os shir nga lir unda hom shi saweya nahi, shir mbeek shi suruwa ambu shir.

2 Pita 1:1

An Saimon Pita, aposel anira. Jisas Kraishi lerawun men er a landa nir. An jekamba kason jirnjik amu kayenduwa. Jir nir nga nakrem Jisas Kraisin ni hishindiyanda ma jir. Nirin jivinanda ma Jisas Krais or God nihi ria. Or ma jivi indingak or naha wornakop nanda ri. Or ushindak orin hishindiyanda mak jimu nanduwa.