Mashi jivi Jisashi Mak or kayeri 12:9 - Nupela Testamen long tokples Mende long Niugini

⁹ Jisas sauheima oson or sawerakoho ma ol orok lirin or heyehe ormu mbara, “Mberem ji hishindu, noumashama oto kumak or taha ma ondon mberem orvai mbaku? Avak or taha ma kava tol nowe roson washilinda rondon or mandingormehe nowe oson avak ma anandi lalhi tavak or hakwa sir.

Mashi jivi Jisashi Mak or kayeri 12:9 Iomraidhean Croise

Matyu 12:45

Ushirik oson or heyehe wasimalengamba 7-pela ol orin tikrinda kava indingan or sawelaha li layihi aka orok limu lira. Ushirik ma oto kava indingak er ormu nara, mbeek kas jivik nari ambu ri, wahau. Uhunda hom jir ter liwa ma jirin, jir avak ma oto hom ji naha kavak er nakwa jir.”

Matyu 21:34

Uhundarik wain siji am li nivikuri wolok si narik ornjik lerawun landari ma lal or mbashirik ornjik lal li nimba laharakmbaha limu ira.

Matyu 21:43

Erem li kayeri osik jirin amu sawenduwa, Avui Wasilaka avak jirin or halashihi ma anandi yoko ol mashi orhin misindiyaha akwa ome nga nawa ma ondon jihi farniyik orhi mak or kamakwa lir.

Matyu 22:7

Ushirik os erem li uri oson or misihi or waplelenaha awun undari ma orhin or mbashirik li ihi ma ondon simbalesik li jila mandingorme laha yanga lihi nga hik limu suwura.

Mashi jivi Jisashi Mak or kayeri 12:10

Mashi os jekamba Avui Wasilakahik li kayehendarin heyenda ambu oj? Karem li kayeri sir,

Mashi jivi Jisashi Mak or kayeri 12:8

Karem li mbaha orin li jimandingormehe maninimba orhin li kishalayi hikriyok limu ermbera.”

Mashi jivi Jisashi Luk or kayeri 19:27

Hako ma ol malakamak a nakurin turari ondon torok ji laharanak a mbashinak li mandingormeka.” ”

Jekamba Pol ol yanga Romik lindanjik or kayeri 10:20

Profet Aisaia er nga Avui Wasilaka or mbari mashin karem or kayeri sir, “Samba samba ol mas anin heyekurik hishiri ambu ondo avak anhinjik kormbak a mukushinak anin heyekwa lir.” Aisaia 65:1