Mashi jivi Jisashi Mak or kayeri 10:2 - Nupela Testamen long tokples Mende long Niugini

² Urik Farisi lal li taha men li mbanak or mbanak li heyekmbaha limu silira, “Lo nihi mberem si mbandu? Os nokove nihin men semben ni turaha ni mbashinak si ika, karem ni mba nahi, jivik nawa os?”

Mashi jivi Jisashi Mak or kayeri 10:2 Iomraidhean Croise

Matyu 15:12

Urik ol orin tiyandari ma ondo raha orin limu mbara, “Mai, mashi os mi mbawa si uwak Farisi ondo olmu mirin wapkava hishinduwa.”

Matyu 16:1

Urik Farisi lal nga Sadyusi lal nga Jisasin li eweheyenak or mbanak li heyekmbaha li taha limu mbara, “Ma undahi ambu las unak ni heyehe nivai mba, mir Avui Wasilaka mbashirik tari ma mira.”

Matyu 19:3

Urik Farisi lal li taha men li eweheyenak or mbanak li heyekmbaha li taha orin limu silira, “Lo nihi mberem si mbandu? Os nokove nihin men semben ni turaha ni mbashinak si ika, karem ni mba nahi, jivik nakwa os mo wahau?”

Matyu 22:35

Uhu lihi lar Moseshi lon armek heyendari ma oton li mbashirik Jisasin or oweioweiheyekurik ormu silira,

Matyu 23:13

Uhu mashi las nga Jisas ormu mbara, “Jir mashi Moseshin sawenda ma nga Farisi nga ji auheyeka, kumak avak kavak nakwa jir. Jir ma ol Avui Wasilakahi yanga orok ikwak hishiwa ma ondohi nombon arangonda jir. Jir orok ji ikwak hishinda ambu jir. Hako ma ol orok li ikwak hishiwa ma ondohi nombon os jimu arangonduwa.

Matyu 9:34

Hako Farisi lal limu mbara, “Wasimalengamba ondo malakama lihi orin or oloshiwak wasimalengamba ondon ormu mbru ermbenduwa.”

Mashi jivi Jisashi Mak or kayeri 10:1

Jisas yanga oson or halaha ormu provins Judiak ikmbaha ira. Or ihi fa Jordanin or mbuhu kauyok ormu ira. Urik ma musha orhik li ralandirsarik mashin ormu sawera, os ermba ermbak or ewesawendari hom.

Mashi jivi Jisashi Mak or kayeri 10:3

Karem li silirik Jisas mu lirin silira, “Misumu nihi Moses mashi os or kayehendari mberem si mbandu?”

Mashi jivi Jisashi Mak or kayeri 8:11

Urik Farisi lal Jisasin li mbanak or mbanak li heyekmbaha li taha limu mbara, “Mir kolok mbele las ma undahi ambun unak ni heyehe nivai mbaka, mir kwambu Avui Wasilakahi ngashi mira.”

Mashi jivi Jisashi Mak or kayeri 8:15

Urik Jisas mainkwambu las lirin ormu sawera, “Ji auheye, Farisi ondo nga Herothi ma ondo nga yis lihin.”

Mashi jivi Jisashi Luk or kayeri 11:39

Urik Wasilaka mu orin sawera, “Wa, Farisi jirin, ji misi. Jir hambikumbiya hikri yeje nom armek li yokonda hom jimu nanduwa. Hako wavu akome jihi osmu kavak nanduwa. Jir mbele mbele mahin ji laha hi jihin jihinjik hauowenda jir.

Mashi jivi Jisashi Luk or kayeri 16:14

Farisi ondo yanjik undari lira. Undari osik Jisas mbari mashin li misihi orin li wapkava hishihi limu mbara, “Oto men mbafirimbanda ri.”

Mashi jivi Jisashi Luk or kayeri 5:30

Urik Farisi nga lihi ma ol mashi Moseshin sawendari ondo nga oson li heyehe Jisasin tiyandari ma ondon limu mbahanjira, “Mberem ushiwak tol takis yan landa ma nga kavakavan unda ma nga nakrem ji andu?”

Mashi jivi Jisashi Luk or kayeri 6:7

Urik mashi Moseshin sawendari ma nga Farisi nga orok li lihi Jisasin limu lishi heyera, os ma toton Sabat wolok or mbanak jivik or na nahi, orin li kotim ukmbahan.

Mashi jivi Jisashi Luk or kayeri 7:30

Hako Farisi ondo nga mashi Moseshin sawendari ma nga, wahau. Mashi jivi Avui Wasilakahi os li misirin mblarnari lir. Mberem ushirik? Lir mbeek sunguwavu lihin li tormbleshinak Jon fak or tolofalekmbaha hishiri ambu lir.

Mashi jivi Jisashi Jon or kayeri 11:47

Ushirik bikpris nga Farisi nga mashi oson li misihi Judama lida lihin li usharik ma amber li talandirsaha limu mbara, “Wa, avak mberem ni uku? Ma roto mbele las ma undahi ambu musha mendek or unda re!

Mashi jivi Jisashi Jon or kayeri 11:57

Hako Judama lida lihi nga Farisi nga angop karem li sauhambari ola, “Os Jisasin lasik ji heye nahi, ji ra sawenak ni i toloka.”

Mashi jivi Jisashi Jon or kayeri 7:32

Farisi li misiri ma amber Jisas nom limu mbara. Uhu bikpris ondo nga li tirsaha ma ol tempel akan washilinda ma ondon li mbashirik Jisasin li tolokurik limu ira.

Mashi jivi Jisashi Jon or kayeri 7:48

Hako nir lida jihi nirin ji heyeka! Nir lar mbeek orin tiyanda ambu nir, wahau.

Mashi jivi Jisashi Jon or kayeri 8:6

Os erem li siliri oso men li silinak or una unak li heyekmbaha li siliri sir. Unak li heyehe mashi las or mbanak kavak si na nahi, mashi orok orin li kotim ukmbahan. Hako Jisas kumbamblurik or taka lihi misambik ormu kayera.

1 Korin 10:9

Wasilaka akwan or harik ari lir. Hako li ashihi lihi lal orin narfatarfajiri lir. Lir erem li uri osik Avui Wasilaka or mbarik hovo lal lirin li shishirik hari lir. Nir os li narfatarfajinda hom erem ni mbawa hala.