Mashi jivi Jisashi Mak or kayeri 1:19 - Nupela Testamen long tokples Mende long Niugini

¹⁹ Hovok kandakar nga or ihi ma frijip ormu heyera. Ma ovro mahasanje vria, hi frihi Jems fre Jon, Sebedihi jikisi vria. Frir bot akomek fri lihi foom kowe os korori oson frimu indik nara.

Mashi jivi Jisashi Mak or kayeri 1:19 Iomraidhean Croise

Matyu 4:21

Urik kandakar nga li ihi mahasanje ome lap limu heyera. Lar Jems, lar Jon, jikisi Sebedihi vria. Avoko frihi Sebedi nga bot akomek li lihi foom kowe os kororin indik limu nara. Urik Jisas orin fri tiyaha fri ikmbaha ormu ushara.

Mashi jivi Jisashi Mak or kayeri 1:18

Karem or mbarik kolok lerawu frihin fri halaha Jisasin frimu tiya ira.

Mashi jivi Jisashi Mak or kayeri 1:20

Urik Jisas orin fri tiyaha fri ikmbaha ormu ushara. Urik kolok avoko frihi nga ol avoko frihinjik lerawun landari ma ondo nga bot akomek fri halaha Jisasin frimu tiya ira.

Mashi jivi Jisashi Mak or kayeri 10:35

Urik Jems fre Jon Sebedihi jikisi ovro Jisasik fri raha frimu silira, “Tisa, shir mbele las mirin shi silinak os shi siliwa hom am shiri ukundam?”

Mashi jivi Jisashi Mak or kayeri 14:33

Karem or mbaha Jems, Pita, Jon ondo nom or laha limu ira. Li ihi sunguwavu orhi nga or hishiri kava mendek simu nara.

Mashi jivi Jisashi Mak or kayeri 3:17

Uhu Sebedihi jikisi Jems nga maha orhi Jon nga. Mashin fri mbari lersuwu krulatavalanda hom mbandari vri. Karem undari osik hi frihi Boanerges karem or ushari vri.

Mashi jivi Jisashi Mak or kayeri 5:37

Karem or mbaha ma ol orok liri ondo or nga li ikurin or pantleshihi Pita, Jems, maha orhi Jon, lirtonom or laha limu ira.

Mashi jivi Jisashi Mak or kayeri 9:2

Urik niri 6-pela li ishirik Jisas, Pita, Jems, Jon lirtonom or laha telemba lasik limu lawura. Am li lawuhu li heyerik Jisas maome orhi si tormblehe apsham indingak simu nara.

Mashi jivi Jisashi Jon or kayeri 21:2

Os or talari wolo Saimon Pita nga, Tomas Didimus nga, Nataniel yanga Kana Galilik fehenda oto nga, Sebedihi jikisi ovro nga, maome frijip er nga, leuku orok limu lira.

Aposel 1:13

Am Jerusalemik li layihi, aka os heyersiyer li undari aka heyeyok limu lawura, os li waha yandari mishi orok. Aposel ol orok liri ondo hi lihi karem, Pita, Jon, Jems, Andru, Filip, Tomas, Bartolomyu, Matyu, Alfiushi jikisi Jems, Saimon, Judas, karem nandari lira. Saimon oto ma ol Romik fehe gavmanin li jihi tukru ermbenak li ikmbaha undari ondo lar oria. Judas oto Jems ome larhi jikisi ria.

Aposel 12:2

Uhu nor mbarik bainatik Jemsin limu jimandingormera. Jems oto sanje Jonhi ria.