Matyu 9:22 - Nupela Testamen long tokples Mende long Niugini

²² Urik Jisas or tormblehe sirin or heyehe ormu mbara, “Apmanuwa, ajewa hala. Os anin nyi hishiowenda nombo orok os nyimu jivik nanduwa.” Oro wolo mendek jivik simu nara.

Matyu 9:22 Iomraidhean Croise

Matyu 15:28

Urik ormu mbara, “Ome sira, apmanuwa, anin nyi hishiowenda nombo nyihi oso wasilakak si nawak amu heyenduwa. Os anin nyi siliwa hom avak nyihik nakwa sir.” Erem or mbari wolo mendek jikisi sihi jivik simu nara.

Matyu 17:18

Karem or mbaha wasimalengamba or jikisi oton tolohondarin or ngriaha nor mbarik or tala tulu ishirik jikisi oto kolok jivik ormu nara.

Matyu 8:13

Karem or mbaha kepten oton ormu sawera, “Mir ika. Os mi siliwa hom angop nawa sir.” Oro wolo mendek ma oto jivik nari ria.

Matyu 9:2

Urik ma lar kumba tava nashindarin teyek li ewehe orhik limu kisha laharaha limu hishira, “Avak or mbanak jivik nakwa ri.” Karem limu hishira. Jisas os li hishiri oson angop or heyeri sir. Uri osik ma oton ormu mbara. “Jikisi anhi, ajewa hala! Kavakava mihi angop a laha ermbewa sir.”

Matyu 9:29

Karem fri mbarik tava orhin misokome frihik or hauowehe ormu mbara, “Os anin shi hishiowenda nombo orok avak jivik nakwa shira.”

Mashi jivi Jisashi Mak or kayeri 10:52

Urik ormu mbara, “Anin mi hishiowenda nombo orok misokome mihi avak jivik nakwa sir. Avak usaha ika.” Karem or mbarik kolomalok misokome orhi si huririk or heyehe nor usaha ormu Jisasin tiya ira.

Mashi jivi Jisashi Mak or kayeri 5:34

Urik ormu mbara, “Apmanuwa, os anin nyi hishowenda osik os nyimu jivik nanduwa. Uwa osik wavu nyihi nga jiphishihi ika. Os erem nyi uhuyanda oso angop mendek nawa sir,” karem ormu sawera.

Mashi jivi Jisashi Luk or kayeri 17:19

Uhu ma oton ormu sawera, “Mir usaha ika. Wavu mihik anin mi hishiowewa osik jivik mimu nanduwa,” karem ormu mbara.

Mashi jivi Jisashi Luk or kayeri 18:42

Urik Jisas mu sawera, “Misokome mihi avak mi heyekwa sir. Anin mi hishiowewa nombo orok misokome mihi avak jivik nakwa sir.”

Mashi jivi Jisashi Luk or kayeri 7:50

Urik Jisas nokove oson ormu sawera, “Os anin wavu nyihik nyi owewa oso uwak kavakava nyihi osmu mendek nanduwa. Uwa osik rupshihi ika,” karem ormu mbara.

Mashi jivi Jisashi Luk or kayeri 8:48

Karem si mbarik Jisas mu sirin sawera, “Apmanuwa, os anin nyi hishiowenda nombo orok os nyimu jivik nanduwa. Uwa osik rupshihi ika.”

Mashi jivi Jisashi Jon or kayeri 4:53

Karem li mbarik avoko ma oto ormu hishira, Jisas hinyer oro wolo mendek ormu mbara, “Jikisi mihi hakwa ambu ri.” Karem or hishihi or nga jikisnokopji orhi nga ol ornjik lerawun landa ma ondo nga Jisasin wavu lihik li ewehe orin limu tiyara.

Aposel 14:9

Ma oto or lihi nor misirik Pol mashi Avui Wasilakahin ormu sawera. Uhu or heyeri ma oto mashi Avui Wasilakahin or misindiyaha wavukop ormu hishira, “Avui Wasilaka avak or mbanak jivik a nakwa nir,” karem ormu hishira.

Aposel 16:18

Nokove oso erem er si mbaha irik Pol or ufuhu sirin or tormble heyehe normu wasimalengamba or sirin oloshirik si mbaha iri oton ormu mbara, “Kwambu Jisas Kraishik mirin amu mbanduwa. Mir nokove toson halaha ika.” Urik kolomalok wasimalengamba sirin or halaha ormu ira.

Hibru 4:2

Ji hishika, yanga Israelik fehendari ma ondo mas wolo mashi orhin misiri lir. Hako lir men mamblakop li misihi mbeek os si mbari hom uri ambu olik mashi oso mbeek lirin jelyari ambu sir. Uhunda hom nir erema. Mashi orhin angop ni misinda sir. Uwosik ni auheyeka, las avak lir hom ni nanda ngashi.