Matyu 8:4 - Nupela Testamen long tokples Mende long Niugini

⁴ Urik Jisas ormu mbara, “Ai ai, mir avak ma lar tos mirin a uwan sawewa hala. Hako mi ihi maome mihin prisin layi mukunak os jivik mi nawan or heyeka. Uhu ofa os Moses mas or mbahandari nombo hom haka. Ushinak ma amber avak os jivik mi nawan li heyeka.”

Matyu 8:4 Iomraidhean Croise

Matyu 10:18

Mberem ushiwak? Angop mashi anhin ji misihi anin tiyanda oja. Uwosik jirin li laha layi oweshinak malakama lihi misokomek jirin kotim ukwa lir. Erem jirin li una wolo ji sihi mashi anhin ma ol Avui Wasilakahi mashin misinda ambu ondon ji sawenak li misika.

Matyu 16:20

Uhu ormu mbara, “Ai ai, avak ma lal ji sawewa hala, an Krais Avui Wasilaka kamahanda ma anira. Karem ji sawewa hala.”

Matyu 17:9

Urik telemban li halaha li rakaha Jisas ormu mbara, “Mai, tos torok nawak ji heyewan ma lal ji sawewa hala. Halashinak er si nanak Ma Jikisi Avui Wasilakahi oto mawan or halaha or usahashinak jivai saweka.”

Matyu 3:15

Urik Jisas mu mbara, “Mir os a mbawa nombo hom uka. Os erem shi uwa mbele mbele os Avui Wasilaka shi ukmbaha or mbahanda hom os shimu unduwa.” Karem or mbarik Jon mu orin fak tolofalera.

Matyu 5:17

“Las avak karem ji hishinan, Moseshi mashi nga profet ondo li mbahandari mashi nga a laha ermbekurik a rari nir, karem ji hishinan. Wahau, erem nembes. A rari karem, os li sawendari mashi mainombo hom a ukmbaha na rari nir.

Matyu 6:1

“Jir os mbele las ji ha nahi, wa mayam wanyihi haka, ma heyenak nembes. Mberem ushiwak? Os ma li heyenak ji ha nahi, hulaima nokopma os limu hi jihin hauowenduwa. U nahi, Avui Wasilaka jihi or hevenik linda wasa os ji lakmbaha or mbahandan lakwa ambu jir.

Matyu 9:30

Karem or mbarik kolok misokome frihi huririk frimu heyera. Urik ormu mbara, “Ai ai, kas a uwa kason avak ma lal shi sawewa shi hala.”

Mashi jivi Jisashi Mak or kayeri 13:9

“Oro wolok jihinjik ji auheyeka. Avak li kotim ukwa jir. Uhu jirin li laha li lotu unda mishik li owehe li jikwa jir. Mberem ushiwak? Jir angop mashi anhin ji misihi ji tiyanda osa. Hako os malakama lihi misokomek li eweshinak ji si nahi, mashi anhin lirin ji saweka.

Mashi jivi Jisashi Mak or kayeri 3:12

Karem li mbarik Jisas mainkwambu mendek hi orhin kormbak li sawekurin ormu pantlera.

Mashi jivi Jisashi Mak or kayeri 5:43

Urik mbele mbele os orok talarin li haisau handasawekurin ormu pantlera. Uhu or mbashirik jikisi oson akwan li harik simu ara.

Mashi jivi Jisashi Mak or kayeri 6:11

Hako os mashi os ji sawewan li turaha jirin armek li u nahi ambu, yanga oson ji halaha kumba jeren ji narka lafakaha ji ika. Ushinak lir avak li hishihi li mba, “Nir angop mbele kava las ni uwa nir,” karem li mbaka.”

Mashi jivi Jisashi Mak or kayeri 7:36

Urik Jisas ol orok liri ondon ormu mbara, “Avak tos ter a uwak ji heyewa toson man ji sawewa hala!” Hako lir mbeek os or mbari mashin misiri ambu lir, wahau. Os or urik li heyeri oson olmu haisau handasaweyara.

Mashi jivi Jisashi Mak or kayeri 8:30

Karem or mbarik Jisas mashi os Pita or mbari mashi oson man li sawekurin ormu pantlera.

Mashi jivi Jisashi Mak or kayeri 9:9

Urik telemban li halaha li rakaha Jisas mu mbara, “Mbele mbele os ji heyewa oson ma lal sawewa ji hala! Undanak Ma Jikisi Avui Wasilakahi or haha mawan or halaha indiyok or usahashinak jivai saweka.”

Mashi jivi Jisashi Luk or kayeri 17:14

Karem mbarik Jisas lirin or heyehe normu mbara, “Ji ihi maome jihin prisin ji mukuka.” Karem or mbashirik li irik kolok maome lihi jivik simu nara.

Mashi jivi Jisashi Luk or kayeri 21:13

Hako os erem li uwa wolo mashi anhin lirin ji saweka.

Mashi jivi Jisashi Luk or kayeri 4:41

Uhu nor mbarik wasimalengamba ondo orin li heyehe limu mbara, “Mir Avui Wasilakahi jikisi mira.” Karem li mbaha jisuwuhu ma ol li tolondari ondon li halaha limu ira. Wasimalengamba ondo, Jisas Avui Wasilaka mbashirik taha hulaima nokopman jivinakunda ma ri, karem angop heyeri lir. Uri osik mashi oson li mbakurin ormu pantlera.

Mashi jivi Jisashi Luk or kayeri 5:14

Urik Jisas kwambuk orin ormu sawera, “Ai ai, mir avak ma lar tos mirin a uwan sawewa hala, wahau. Hako mi ihi maome mihin prisin mukunak os jivik mi nawan or heyeka. Uhu ofa os Moses mas or mbahandari nombo hom uka. Ushinak ma amber os jivik mi nawan li heyeka.”

Mashi jivi Jisashi Luk or kayeri 8:56

Urik avoko nijava sihi warje mende nga limu lishnyafara. Hako Jisas fririn ormu sauntlera, “Shir avak ma lar mbele mbele tos ter talawak shi heyewa toson shi sawewa hala,” karem ormu mbara.

Mashi jivi Jisashi Luk or kayeri 9:21

Hako mashi oson li laha ihi man li sawekurin ormu pantlera.

Mashi jivi Jisashi Jon or kayeri 5:41

An mbeek ma misambik fehe hi anhin li hauowekmbaha na hishinda ambu nir.

Mashi jivi Jisashi Jon or kayeri 7:18

Ma or wavu orhik tasawan sawenda ma oto or men hi orhi nom hauowenda ri. Hako ma lar os or mba, “Hi anhin ji hauowewa hala! Ma or mbashirik a rahanda hi orhi nom ji hauoweka!” Karem mbawa ma oto jivi mende ria. Mashi ome nom sawenda ria, mbeek mbafirimbanda ambu ri.

Mashi jivi Jisashi Jon or kayeri 8:50

An mbeek hi anhi lakak si nakwak a hishinda ambu nir. Hako Avui Wasilaka nom hi anhin hauowekwak hishinda ri. Orto nom kumak mbele mbele ol ma li uhundan heyembakwa ma ria.