Matyu 8:2 - Nupela Testamen long tokples Mende long Niugini

² Urik okmbale lepra tolondari ma lar Jisasik or taha kumbambongon or huvuhu ormu mbara, “Wasilaka, os mi rupshi nahi, anin mbanak jivik a naka.”

Matyu 8:2 Iomraidhean Croise

Matyu 10:8

Uhu ol kavamisinda ondo nga okmbale lepra tolonda nga ji mbanak jivik li naka. Uhu ma ol hahanda ondon mbanak indik li usahaka. Uhu wasimalengamba ol man tolondan ji mbru ermbenak li ika. Mbele mbele ol ji uwa ondo men ji uka, yakop nembes. Kwambu os lerawu oson ji lawa men a hahanda osik lerawun men ji laka. Jir mbeek kwambu oson yak ji frungawunda osik ma ondon ji mbanak yan li hakwa ambu jir, wahau.

Matyu 13:58

Karem or mbaha mbeek mbele las ma undahi ambun mushak orok uri ambu ri. Mberem ushirik? Lir mbeek orin li heyehe mbar, “Toto Avui Wasilakahi kwambu ngashi ria.” Karem mbari ambu lir.

Matyu 14:33

Urik ol orin tiyandari ma ondo orin li hausimbausihi limu mbara, “Omendinga sira, mir jikisi Avui Wasilakahi mira.”

Matyu 15:25

Hako sir Jisashi kumbamuk si haka lihi indik simu tlara, “Wasilaka, anin mi jelyawa!”

Matyu 18:26

Karem or mbarik ma oto sunguwavu orhi nga nor holoho ormu tlara, “Awasayi, mir avak anjik holowa. Uhu nikishinak avak wasa mihin a hakwa sir.”

Matyu 2:11

Uhu aka os jikisi oto or wari mishik li i layihi li heyeri jikisi nga nijava orhi Maria nga orok frimu wara. Uhu kumbambongok li raka lihi orin limu hausimbausihi mbele mbele ol li laharari gol nga sanda jivi nga mbele mbele arme kuvasahandari nga orin limu hara.

Matyu 20:20

Urik Sebedi nokove orhi oso nga jikisi sihi frijip ovro nga Jisasin heyekurik limu tara. Uhu nijava oso Jisasin si silikmbaha kumbambongon si huvuhu misambik simu raka lira.

Matyu 26:6

Jisas yanga Betanik Saimon mas okmbale lepra tolondari ma otohi akak ormu lira.

Matyu 28:17

Li lawuhu orok orin li heyehe orin limu hausimbausira. Hako lal wavu frijip frijip hishiri lir.

Matyu 28:9

Fri irik Jisas nombo nindik fririn or heyehe ormu mbara, “Apmanuwa.” Karem or mbarik kumbamu orhik fri taka lihi frimu rupshira.

Matyu 4:9

“Os kumbambongo mihin mi huvuhu hi anhin mi hauowe nahi, avak mbele mbele tondon mirin a hakwa nira.”

Matyu 8:1

Jisas telemban or hala rakarik ma musha mendek orin limu tiya ira.

Matyu 8:25

Urik ma ondo orin li lembasihi limu mbara, “Wasilaka, avak ni uk aha ni hakwa nir te. Mir nirin jelyawa!”

Matyu 9:18

Jisas mashin or sawerako namber Judama li lotu undari akan washilindari ma lar orhik or taha kumbambongon or huvuhu ormu tlara, “Jikisi anhi angop hawa sir! Hako mi raha tava mihin hauowehe mbanak si usahaka.”

Mashi jivi Jisashi Luk or kayeri 4:27

Uhunda hom os profet Elisa siri wolo, okmbale lepra tolondari ma musha mendek yanga Israelik lindari lir. Hako lihi lar mbeek or urik jivik nari ambu ri. Yanga Siriak fehendari Naman or Judama ambu oto nom or urik jivik nari ri.”

Mashi jivi Jisashi Jon or kayeri 9:38

Urik ormu mbara, “Wasilaka, ter mirin a hishiowenda nira.” Karem or mbaha hi Jisashin ormu hauowera.

Aposel 10:14

Urik Pita mu mbara, “Wasilaka, wahau te. An mbeek mbele mbele ol misokome mihik mi heyewa jivik nanda ambu, karem mi pantlenda ondo kal a ahaheyenda ambu osik a akwa ambu nir.”

Aposel 10:25

Urik Pita mu tara. Or taha akak or layirik Kornilius pasir or taha kumbamu Pitahik or avermbuwaha orin ormu lotu ura.

1 Korin 14:25

Unak mbele mbele amber sunguwavu lihik wanyiwanda avak kormbak li talanak li heyekwa lir. Uhu li ajehe kumbambongon li huvuhu li maruknyaha Avui Wasilakan lotu ukwa lir. Uhu karem mbakwa lir, “Omendinga sir, Avui Wasilaka ormu jihi nindik linduwa,” karem mbakwa lir.

Revelesen 19:10

Karem or mbarik orhi kumbamuk a taka lihi orin a lotu ukurik amu ura. Hako ormu mbara, “Mir anin erem uwa hala. Mir nga an nga mahasanje mihi ol Jisasin misindiyanda ondo nga nir amber hom Avui Wasilakahi lerawun landa ma nira. Uwosik orto nom ni lotu uka.” Mashi os Jisas sawenda nom man sauhawak profet mashik li sawenda sir.