Matyu 4:13 - Nupela Testamen long tokples Mende long Niugini

¹³ Hako or mbeek yanga Nasaretik iri ambu ri. Yanga Kaperneam leuku Galili nandari mishi orok or ihi liri ria. Misambi oso Sebulun nga Naptali nga frihi krahak fehendahi ma ondo misambi lihi sira.

Matyu 4:13 Iomraidhean Croise

Matyu 11:23

Jir yanga Kaperneamik fehe jirin, jir am Avui Wasilaka mbanak hevenik ji lawuku? Karem jimu hishindu? Wahau. Mende indinga. Jir avak hik ikwa jir. Mberem ushiwak? Os ma undahi ambu os jihi nindik a urik ji heyeri hom yanga Sodom orok a uhundarikop Sodom mbeek kavak nari ambu sir. Uhundak ter er nawak ni heyewa sir.

Matyu 17:24

Jisas nga ol orin tiyandari ma nga yanga Kaperneamik li layirik ma ol tempel akanjik takis yan landari ma ondo li taha Pitan limu silira, “Mai, tisa jihi am tempel akanjik takis yan handa or?”

Matyu 4:14

Os orok or lihi mashin or saweri oso si urik mashi os profet Aisaia maskop or mbahandari osmu omek nara. Aisaia karem or kayeri osa,

Matyu 4:15

“Jir kraha Sebulunik fehenda nga kraha Naptalik fehenda nga misambi jihi nombo os leuku Galilik inda nga fa Jordanin mbuhu kauyok nanda nga nanda sir. Avui Wasilakahi mashin tiyanda ambu ondo mushak jir nga nakrem linda lir. Hako ji misi.

Matyu 9:1

Urik Jisas botik or lawuhu leukun indiyok or mbuhu yanga orhik ormu ira.

Mashi jivi Jisashi Mak or kayeri 1:21

Jisas nga ma ol orin tiyandari ondo nga yanga Kaperneamik li taha orok limu wara. Urik am Sabat wolok si narik Jisas Judama lotu undari akak or ihi mashi Avui Wasilakahin ormu sawera.

Mashi jivi Jisashi Mak or kayeri 2:1

Niri lal am li ishirik Jisas yanga Kaperneamik indik or ihi aka lasik ormu lira. Urik ma os orok or lirin li misihi orhik limu tara.

Mashi jivi Jisashi Luk or kayeri 10:15

Uhu jir Kaperneamik fehe jirin. Jir am Avui Wasilaka mbanak hevenik ji lawuku, karem ji hishindu? Wahau mende indinga. Jir avak hik ikwa jir.”

Mashi jivi Jisashi Luk or kayeri 4:23

Urik Jisas mu lirin sawera, “Anin ji hishiowenda ambu osik avak karem anin mbakwa jir. Mashi os “Dokta, mir avak maome mihi os kavamisiwan unak jivik si naka.” Karem li mbanda mashin anin ji mbaha mashi las nga ji mbakwa sir karem, “Mbele mbele ma undahi ambu ol yanga Kaperneamik mi urik ni misihinda ondo himi lal kotontlo mihi torok mi unak ni heyehe mirin nivai hishioweka.” Karem anin mbakwa jir.

Mashi jivi Jisashi Jon or kayeri 2:12

Urik Jisas yanga Kana oson or halaha nijava orhi nga maha orhi nga ol orin tiyayandari ma nga yanga Kaperneamik limu layira. Uhu niri lal orok limu lira.

Mashi jivi Jisashi Jon or kayeri 4:46

Urik Jisas yanga Kanak ormu ira. Yanga oso mas uksemben or urik wain ukuk nari mishi sira. Urik malakamanjik lerawun landari ma lar Jisas yanga Kana orok or tarin or misihi orhik ormu tara. Ma oto jikisi orhi yanga Kaperneamik wasilaka mendek kavamisihi hakurik nari ri. Uri osik Jisashik or taha ormu tlara, “Wasilaka, jikisi anhi am hakwak naw te! Avak yanga Kaperneamik mi taha mi mbanak jivik or nawa.”

Mashi jivi Jisashi Jon or kayeri 6:17

Am si krinyashirik or mbeek lirik tari ambu ri. Uri osik bot lasik li lawuhu nendekop Kaperneamik li ikurik limu ira.

Mashi jivi Jisashi Jon or kayeri 6:24

Urik Jisasin bot ondok li lasari mbeek orok liri ambu ri. Orin tiyandari ma ondo er nga orok liri ambu lir. Urik li halaha botik li lawuhu yanga Kaperneamik orin lasakurik limu ira.

Mashi jivi Jisashi Jon or kayeri 6:59

Jisas yanga Kaperneamik or lihi Judama lotu undari akak mashi kason ormu owesawera.