Matyu 4:12 - Nupela Testamen long tokples Mende long Niugini

¹² Jisas Jonin krawuk li eweri mashi oson or misihi provins Judian or halaha indik provins Galilik ormu ira.

Matyu 4:12 Iomraidhean Croise

Matyu 11:2

Oro wolok Jon krawuk or lihi mbele mbele Jisas or urin or misihi ol orin tiyandari man or usharik limu tara.

Matyu 14:3

Mberem ushirik Herot wavu erem or hishir? Or maha orhi Filiphi nokoven or masnalari ora. Nokove oso hi sihi Herodias osira. Ushirik Jon or taha os erem or uri kava orhi oson kormbak saweri ria.

Mashi jivi Jisashi Mak or kayeri 1:14

King Herot Jonin krawuk or eweshirik Jisas provins Galilik or taha mashi Avui Wasilakahin ormu karem sawera,

Mashi jivi Jisashi Mak or kayeri 6:17

Herot os mas Jonin or mandingormeri nombo karem, Herot maha orhi Filiphi nokove oson ormu masnalara. Nokove oso hi sihi Herodias osira. Ushirik Jon taha ormu mbara, “Mir maha mihi Filip or liwak mi heyeshihi nokove orhi oson mi masnalawa kas tolowa ambu sir.” Karem or mbarik Herodias oso wavu sihi kavak nari sir. Ushirik Herot heyehe sirin or hokovikmbaha ma lal or mbashirik li ihi Jonin li toloho kuvu kwambuk li ishi laha krawu akak li eweshirik ormu lira.

Mashi jivi Jisashi Luk or kayeri 23:5

Karem or mbarik mainkwambuk limu mbara, “Wahau te. Or ermba ermbak yanga yangak or ihi mashin sawenda ri. Yanga Galilik sishi raha provins Judia nga Jerusalem nga or ihi Romik fehe gavmanin li jihi tukru ermbekmbaha mbanda ri,” karem limu mbara.

Mashi jivi Jisashi Luk or kayeri 4:14

Masikome Avui Wasilakahi Jisashik or sihi or jelyashirik indik Galilik ormu ira. Urik ol orok lindari ma amber olmu misira, os Jisas indik Galilik or tarin.

Mashi jivi Jisashi Luk or kayeri 4:31

Ushihi yanga Kaperneam provins Galilik nandari orok ormu ira. Uhu Sabat wolo ermba ermbak mashin owesawendari ri.

Mashi jivi Jisashi Jon or kayeri 1:43

Niri las am si irik Jisas yanga Galilik or ikurik ormu ira. Or ihi ma lar, hi orhi Filip, orin or heyehe ormu mbara, “Mir anin tiyaka!”

Mashi jivi Jisashi Jon or kayeri 2:11

Jisas mbele las ma undahi ambu maifu mendek yanga Kana provins Galilik or uri kasira. Maintontlo os or uri karem. Or hiushama kwambu nga nanda ria. Oson or urik ol orin tiyandari ma ondo li heyehe limu mbara, “Ma toto kwambu ngashi ria.”

Mashi jivi Jisashi Jon or kayeri 3:24

Oso wolo Herot mbeek Jonin krawuk or eweri wolok nari ambu sir.

Mashi jivi Jisashi Jon or kayeri 4:43

Jisas niri frijip Samariak or wahandarik or usaha kotontlo orhi Galilik ormu ira.

Mashi jivi Jisashi Jon or kayeri 4:54

Jisas os provins Judian or halaha Galilik or tari wolo mbele las ma undahi ambu oson yanga Galilik nindisik or uri kasira.