Matyu 3:1 - Nupela Testamen long tokples Mende long Niugini

^1-3 Mas profet Aisaia karem or mbari sir, “Misamtelmbamba ma ngashi mishi ambu orok ma lar avak or taha mashin karem sawekwa ria, “Wasilakahi nombon ji hundujeka. Uhu nombo oson ji unak wornak si naka.” ” Aisaia 40:3 Mashi os karem or kayeri Jon talakurin or mbari sira. Ushirik Jon man fak tolofalendari ma oto or taha provins Judiak misamtelmbamba orok or yaha mashin karem ormu sawera, “Avui Wasilaka jirin or arangoshinak jip ji likwa oso am si talakwak osmu nanduwa. Karem uwosik kavakava os ji undan ji heyehe ji mba, “Kas karem a uri kavan a uri sir.” Karem ji mbaha sunguwavu jihin ji tormblehe orhik ji raka.” ”

Matyu 3:1 Iomraidhean Croise

Matyu 11:11

Omendingak jirin amu sawenduwa, Jon ma misambik fehe amber ondon tikrihinda ria. Hako Avui Wasilaka hulaima nokopma orhin or arangoshinak kuyanga orhik li likwa wolo ma ol hi ngashi ambu ondo Jonin tikrikwa lir.

Matyu 11:7

Jonhi ma ondo am li hala ishirik Jisas ma ol orok liri ondon ormu sawera, “Misamtelmbamba orok ji ihi Jon mberemhi mak or narik ji heyer? Apmbayise os suwa si rasa laha ermbewak ayai ayaranda hom or narik ji heyeri or? Wahau.

Matyu 16:14

Karem or silirik limu sawera, “Lal mir Jon, man fak tolofalenda ma mir, karem mbanda lir. Hako lal mir Elaija, karem mbanda lir. Hako lal mir Jeremaia, karem mbanda lir. Hako lal mir profet hoje lar hahanda indik usahanda, karem mbanda lir.”

Matyu 3:8

Masmas sunguwavu jihin ji tormblehe mbele mbele jivin ji unak ni heyehe nivai mbaka, “Ma tondo angop sunguwavu lihin tormblewa lir.”

Mashi jivi Jisashi Mak or kayeri 1:15

“Mas li mbahandari oso ter osmu omendingak nanduwa. Avui Wasilaka os jirin or arangoshinak jip ji likwa oso am si talakwak osmu nanduwa. Karem uwosik kavakava os ji undan ji halaha sunguwavu jihin ji tormblehe mashi orhin ji misihi toltambanaha ji sika.”

Mashi jivi Jisashi Mak or kayeri 1:2

Mas wolokop profet Aisaia mashi os Avui Wasilaka mbahandarin karem or kayeri sir. “Avak a mbashinak ma lar mashi anhin maifuk laha sawe ikwa ria. Uhu nombo mihin hundujekwa ria.” Malakai 3:1

Mashi jivi Jisashi Luk or kayeri 1:76

Hako jikisi anhi mirin, kumak avak Avui Wasilaka or metenjek fehenda profet orhik li ushakwa mir. Uhu mir maifuhu Wasilakahi nombon hundujekwa mir.

Mashi jivi Jisashi Luk or kayeri 7:24

Am fri hala ishirik ma ol orok liri ondon ormu sawera, “Misamtelmbamba orok ji ihi Jon mberemhi mak or narik ji heyer? Apmbayise os suwa si rasa laha ermbewak ayai ayaranda hom or narik ji heyeri or? Wahau.