Matyu 26:61 - Nupela Testamen long tokples Mende long Niugini

⁶¹ Erem li mba irik ma frijip mu rara. Uhu frimu mbafirimbara, “Ma roto mas karem mbari ri, “Tempel aka Avui Wasilakahi oson a jitarvlashihi niri frijipkop indik a undahik a nanda nir.” Karem or mbarik shi misiri shir.”

Matyu 26:61 Iomraidhean Croise

Matyu 12:24

Urik Farisi ondo mashi oson li misihi limu mbara, “Wahau te! Wasimalengamba Belsebul oto orin or olonda osik orhi kwambuk ol ormu mbru ermbenduwa.”

Matyu 26:62

Karem fri mbarik hetpris or usasihi Jisasin ormu silira, “Tos fri mbawa mashin am mimu misindu? U nahi, saweka.”

Matyu 26:71

Karem or mba lafakaha akayanga yok or ihi orok ormu sira. Urik nokove anandi las si raha orin si heyehe ma ol orok nakrem siri ondon simu sawera, “Toto Jisas Nasaretik fehenda nga yanda toria.”

Matyu 27:40

“Mir tempel akan mi tarvlashihi niri frijipkop indik undahik mbari om te! Unda osik mir mihinjik jelyaka. Os Avui Wasilakahi jikisik mi na nahi, miando oson halaha rakaka.”

Matyu 27:5

Karem li mbarik ya ondon tempel akomek or ermbeshihi hikrik or i layihi ormu kupsira.

Mashi jivi Jisashi Mak or kayeri 14:58

“Jisas oto karem or mbarik ni misiri sir, “Tempel aka os ma uhunda oson avak a tarvlakwa sir. Oson a tarvlashihi niri frijip fri ishinak anandi las a ukwa sir. Tempel aka akri os a ukwa oso mbeek ma tavak a ukwa ambu sir.” Karem or mbarik angop ni misiri sir,” karem limu mbafirimbara.

Mashi jivi Jisashi Mak or kayeri 15:29

Urik ma li raha heyehe li okolehe masijikop li senjelenjehe li hukwakol toloho limu mbara, “Mir tempel akan mi tarvlashihi niri frijip fri ishinak indik undahik mbari om te.

Mashi jivi Jisashi Luk or kayeri 23:2

Uhu orin limu haimba handambaha jira, “Nir ni heyewa, Jisas toto nirin haihanda owehe mbafirimbanda ria. Or mbeek takis yan Sisarin ni hakwa ambu, karem mbanda ri. Uhu ortonom king Avui Wasilaka kamashihindak hulaima nokopman jivinakwa ma ri, karem mbanda ri.”

Mashi jivi Jisashi Jon or kayeri 9:29

Avui Wasilaka mashi orhin Moseshi tavak or halari osik nir Moseshi mashin ni tiyanda nira. Hako ma or mi mbawa oton nir mbeek ni heyenda ambu nir.”

Aposel 17:18

Hishiyarinda nga nanda ma lal orok lindari lira, kraha las Epikurian, kraha las Stoik, karem nandari lira. Ma ondo li misirik Pol mashi Jisashi nga os or haha indik or usahandari mashi nga ormu sawera. Urik lal lihi olmu mbara, “Warapjinda toto mberem or mbandu?” Hako lal olmu mbara, “Samba sambak fehe godin li lotu unda nombon sawendar mbe?”

Aposel 18:13

“Ma toto hulaima nokopman or saweshiwak mashi Moseshin li mblarna ormbeshihi Avui Wasilakan apsham apsham lotu unda lir.”

Aposel 22:22

Urik Judama mashi oson li misihi wasilaka mendek limu mbara, “Mandingormeshinak or ha. Nir ma roto or likmba ni hishiwa ambu nir,” karem mbaha