Matyu 26:45 - Nupela Testamen long tokples Mende long Niugini

⁴⁵ Uhu indiyok or taha ormu sawera, “Jir armek er jimu waha suknyandu! Ambehoma, os a mbahanda osmu talanduwa. Ma Jikisi Avui Wasilakahi oton li laha ma kavahi tavak li hakwa wolok osmu nanduwa.

Matyu 26:45 Iomraidhean Croise

Matyu 26:18

Urik ormu mbara, “Jerusalemik ji ihi ma lar ji i heye orin ji sawe ji mba, Tisa or mba, “Anin li jikmbaha li mbahanda wolo osmu pasir nanduwa. An nga ol anin tiyandari ma nga aka mihik hiyawu Pasovan ni akwak amu hishinduwa.” ”

Matyu 26:2

“Niri frijip fri inak hiyawu Pasovan ni ukwa wolok osmu nanduwa. Oro wolok Ma Jikisi Avui Wasilakahi oton ma kavahi tavak li halashinak orin li jimandingormehe miandok li tirikwa ri.”

Matyu 26:44

Uhu lirin or halaha indik or ihi Avui orhin os mas or saweri hom indik ormu sawera.

Matyu 26:46

Ji usaha ni ika. Ma or anin ma kavahi tavak hakwa ma oto ormu tanduwa.”

Mashi jivi Jisashi Mak or kayeri 14:35

Karem or mbashihi kandakar nga or ihi misambik or taka waha Avui orhin ormu sawera. Unak nomorawu os orhik talakuri orin si wasisokmbahan.

Mashi jivi Jisashi Luk or kayeri 22:53

Ermba ermbak jir nga nakrem tempel aka orok ni liri wolo mbeek anin ji tolokurik undari ambu jir. Hako ter erem ji ukwa wolok osmu nanduwa. Unak kwambu Laulakahi lerawu si lakmbahan.”

Mashi jivi Jisashi Jon or kayeri 12:23

Urik Jisas mu mbara, “Ma Jikisi Avui Wasilakahi oto malakamak or nakwa wolo am pasir naw.

Mashi jivi Jisashi Jon or kayeri 12:27

Uhu ormu mbara, “Sunguwavu anhi osmu kavak nanduwa. Hako mberem a mbaku? Avui, nomorawu anhik talakwa oson mi laha ermbenak si i. Karem a mbakwa on mo? Wahau. Erem a mbakwa ambu nir. Nomorawu oson halanak si talaka. Osonjik a rari ona.

Mashi jivi Jisashi Jon or kayeri 13:1

Hiyawu Pasovan li ukuri wolo am pasir simu nara. Jisas angop or heyeri sir, os misambi toson or halaha indik Avui orhik or lawukurin. Or orhi ma ondon or rupshihi wapnuku orhik lirin or ewehe lirnjik or hakurin kormbak or mukuri lir.

Mashi jivi Jisashi Jon or kayeri 17:1

Jisas am mashin or sawerakoho lersuwu yok or larasa mawuhu Avui orhin ormu sawera, “Avuya, am a hakwa wolok osmu nanduwa. Avak mir hi anhin hauowenak wasilakak si naka. Unak an nga hi mihin a hauoweka.