Matyu 26:39 - Nupela Testamen long tokples Mende long Niugini

³⁹ Karem or mbashihi kandakar nga homek or ihi misambik or taka waha Avui orhin ormu sawera, “Avuya, os nombo kas na nahi, nomorawu anhik talakwa oson halanak anin si tikrika. Hako an mbawa hom uwa hala. Os mi hishiwa hom uka.”

Matyu 26:39 Iomraidhean Croise

Matyu 20:22

Karem si silirik ormu mbara, “Jir mbeek os ji siliwan hishiyariwa ambu jir. Shir am nomorawu os anhik talakwan kishandahi osh?” Urik frimu mbara, “He, shi kishandahi sir.” Urik ormu mbara,

Matyu 24:24

Mberem ushiwak? Ma musha mendek li taha lal karem haimba handambakwa ola, “An Krais anira.” Hovok lal karem mbakwa ola, “An profet lar anira.” Karem li mbaha mbele mbele ma undahi ambu ondon li uhu man haimba handambakwa ola. Uhu Avui Wasilakahi krahak sinda ma ondon er nga li laha ikwak hishikwa lir. Hako mberem li laha indahi ambu.

Matyu 26:42

Karem or mbaha indik Avui orhin sawekurik or ihi ormu mbara, “Os nomorawu oso anhik si talakwak si na nahi, wa halanak os mi mbawa hom si naka.”

Mashi jivi Jisashi Mak or kayeri 13:22

Mberem ushiwak? Oro wolok ma mushak li raha karem mbafirimbakwa ola, “An Krais anira,” lal karem mbakwa lira. Uhu lal nga avak karem mbakwa lira, “An profet lar anira.” Karem li mbaha ma undahi ambu ondon li uhu man haimba handambakwa ola. Uhu Avui Wasilakahi krahak sinda ma ondo er nga li laha ikwak hishikwa lir. Hako mberem li laha indahi ambu.

Mashi jivi Jisashi Jon or kayeri 11:41

Urik sunja oson limu tembe haiewera. Urik Jisas lersuwu yok or larasa mawuhu Avui orhin ormu sawera, “Mir mashi os a sawendan mi misinda osik armesarmek mirin amu mbanduwa.

Mashi jivi Jisashi Jon or kayeri 14:31

An anhinjik tavarenje wutarihik a hakwa nira. Mberem ushiwak? An Avui anhin a rupshi mendenda osik os or mbahanda hom a unda nir. Unak ma misambik fehe li heyehe avak li mbaka, “Torto mbele mbele ol Avui orhi mbawa nom unda ri.” Mashi ol a sawewa ambehoma, ji usaha ni ika,” karem ormu mbara.

Mashi jivi Jisashi Jon or kayeri 18:11

Urik Jisas mu mbara, “Bainat mihi oson laha indik haloweka. Mir mberem mi hishindu? Nomorawu os Avui anin or hahanda oson na kishandahi ambu? Karem mimu hishindu? Wahau, a kishandahi sir.”

Mashi jivi Jisashi Jon or kayeri 5:19

Urik Jisas lirin ormu sawera, “Omendingak jirin amu sawenduwa, an mbeek anhinjik mbele las a undahi ambu nir. Mbele mbele os Avui anhi uwak a heyewa ondo nom a unda nir. Mbele mbele ol or unda an erem, a undahi lir.

Mashi jivi Jisashi Jon or kayeri 5:30

Uhu mashi las nga ormu mbara, “Os man a heyembakwa an mbeek wavu anhik a hishihi na mbakwa ambu nir. Avui anhi or mbashirik a rahanda or mbawa hom a heyembakwa nir. Uhu os a mbawa oso osmu wornak nanduwa. Mberem ushiwak? An mbeek mbele las wavu anhik a hishiwan a ukwa ambu nir. Avui anhi or mbashirik a rahanda or mbawa hom erem a ukwa nir.

Aposel 10:25

Urik Pita mu tara. Or taha akak or layirik Kornilius pasir or taha kumbamu Pitahik or avermbuwaha orin ormu lotu ura.

Filipai 2:8

Ma li heyeri ma indingak nari ri. Uhu orhinjik or hafakaha Avui Wasilaka mbari nombon or tiyaha ma ol kavakavan unda ondo hom miandok hari ri.

Hibru 5:7

Jisas misambi torok mak or naha nor liri wolo Avui orhin or beten uhu tlaha siliri ria. Ushinak orin li mandingormekurin li halakmbahan. Orhinjik or hafakaha nombo os Avui orhi mbari hom or uri osik mashi os or sawerin misiri ri.

Revelesen 19:10

Karem or mbarik orhi kumbamuk a taka lihi orin a lotu ukurik amu ura. Hako ormu mbara, “Mir anin erem uwa hala. Mir nga an nga mahasanje mihi ol Jisasin misindiyanda ondo nga nir amber hom Avui Wasilakahi lerawun landa ma nira. Uwosik orto nom ni lotu uka.” Mashi os Jisas sawenda nom man sauhawak profet mashik li sawenda sir.