Matyu 23:8 - Nupela Testamen long tokples Mende long Niugini

⁸ Hako jirin amu sawenduwa, avak ma lar “tisa” karem ji ushawa hala, wahau. Tisa jihi namtar numbu ri. Jir amber hom mahasanje jir.

Matyu 23:8 Iomraidhean Croise

Matyu 17:5

Karem or mbari halanganga kolok kwandi avisha mende las lirin si aulafaleshirik mashi las kwanindi orok simu mbara, “Ma oto jikisi indingo anhi ria. Orin wapnuku anhik amu ewenduwa. Mashi orhin ji misika.”

Matyu 23:10

Jir avak misambi torok ma lar “Wasilaka” karem ji ushawa hala, wahau. Wasilaka jihi namtar numbu Krais oria.

Matyu 23:7

Uhu ma lirin nombok li heyehe li makshitakshihi “tisa” karem li mbakmbaha hishinda ola.

Matyu 26:25

Karem or mbarik Judas, Jisasin ma kavahi tavak hakuri ma oto mu silira, “Tisa, anin mimu mbandu mo?” Urik ormu mbara, “Os mihinjik mi mbawa homa.”

Matyu 26:49

Urik Judas nombok Jisasik or ihi ormu mbara, “Tisa,” karem or mbaha ormu makshitakshira.

Mashi jivi Jisashi Mak or kayeri 10:51

Urik Jisas ormu silira, “Mberem a miri ukmbaha mi mbandu?” Urik ormu mbara, “Wasilaka, a heyekmbaha amu hishinduwa.”

Mashi jivi Jisashi Mak or kayeri 11:21

Urik Pita mashi os Jisas saweri oson or hishihi ormu mbara, “Tisa, mi toson heyewa. Hinyer mashi os mi toson mi mbahanda hom angop hatlayiwa sir.”

Mashi jivi Jisashi Mak or kayeri 14:45

Karem or mbahandari osik nombok Jisasik or ihi ormu mbara, “Tisa!” Karem or mbaha ormu makshitakshira.

Mashi jivi Jisashi Mak or kayeri 9:5

Urik Pita mu mbara, “Tisa, torok ni liwa osmu jivi mendek nanduwa. Halanak shikor aka nalmingrip torok ni uka. Las mihi, las Moseshi, las Elaijahi.”

Mashi jivi Jisashi Luk or kayeri 22:32

Hako angop mirnjik Avuin a saweri mir, os anin mi hishiowenda mbeek mendek nakwa ambu sir. Ushinak indik anhik mi tawa wolo, anhi man mi saunjelyashinak kwambuk li sika.”

Mashi jivi Jisashi Jon or kayeri 1:38

Urik or tormblehe or heyerik fri rarik ormu silira, “Shir mberem shi hishihi shi randu?” Urik frimu mbara, “Tisa, mbeek mi lindu?”

Mashi jivi Jisashi Jon or kayeri 1:49

Urik ormu mbara, “Tisa, mir jikisi Avui Wasilakahi mira. Mir yanga Israelik fehe ma malakama lihi mira.”

Mashi jivi Jisashi Jon or kayeri 11:8

Urik limu mbara, “Tisa, mberem ushiwak indik orok mi ikmbaha mi mbandu? Akri mende mirin li mandingormekurik li mbari os te!”

Mashi jivi Jisashi Jon or kayeri 20:16

Karem si mbarik ormu mbara, “Maria.” Urik Maria si tormblehe Hibru mashik simu mbara, “Rabonai.” Mashi oso maintontlo sihi “Tisa.”

Mashi jivi Jisashi Jon or kayeri 3:2

Nirik or taha ormu sawera, “Tisa, nir angop ni heyenda sir, os Avui Wasilaka ma lar nga or lina ambu nahi, ma oto mbeek mbele mbele ma undahi ambu lal ukwa ambu ri. Hako nir angop ni heyenda mir, mbele mbele ma undahi ambu ondon unda mira. Karem uwosik nimu mbanduwa, mir tisa Avui Wasilaka mbashirik tari mira.”

Mashi jivi Jisashi Jon or kayeri 3:26

Urik ol Jonin tiyandari ma ondo Jonik li raha limu sawera, “Tisa, ayo ma or mas mir nga fa mbuhu kauyok nakrem shi sihi ma or mi mbar, ma toto hulaima nokopman jivinakwa ma toria. Karem mi mbahanda ma oto or er nga hulaima nokopman fak or tolofalewak ma amber orhik li ihi olmu nirin halanduwa.”

Mashi jivi Jisashi Jon or kayeri 4:31

Nokove oso si ishirik Jisasin tiyandari ma ondo limu mbara, “Tisa, mir kolok ta akwa lal aka!”

Mashi jivi Jisashi Jon or kayeri 6:25

Am leukun li mbuhu kauyok li ihi Jisasin li heyehe limu silira, “Tisa, mbele wolok torok mi tar?”

Mashi jivi Jisashi Jon or kayeri 9:2

Urik ol Jisasin tiyandari ma olmu silira, “Tisa, lawehi musak ma roto erem or nandu? Musa orhik mo avoko nijava frihi musak misokome orhi mu tumur?”

2 Korin 1:24

Nir mbeek os Jisasin ji hishindiyanda nombo jihi oson ni heyehe, “Nir sishiwak sinda jir,” karem ni mbanda ambu nir, wahau. Os Jisasin ji hishindiyanda nombo jihi angop jihinjik ji hishihi ji sitambananda sir. Unda osik nir jir nga nakrem lerawun ni lanak ji rupshikmba nimu hishinduwa.

2 Korin 4:5

Ji misi. Nir mbeek lerawu nihinjik ni landa mashin ni sawenda ambu nir. Mashi os ni sawenda, “Jisas Krais Wasilaka nihi ria,” karem kormbak ni sawenda nir. Or mbashihindak jirnjik lerawun men landa mak nimu nanduwa.

Efesus 3:15

Or mbele mbele amber hevenik fehe nga misambik fehe nga ma nir er nga uhunda ri. Ushihindak mbele mbele ol or uhunda orhikop nanda lir.

Filemon 1:16

Mas men lerawu mihin landari mak nari ri. Hako ter nakrem mir nga Jisasin shi hishindiyanda mak or nawa osik mir avak orin rupshi mendehe armek orin uka. An sunguwavu mende nga orin a rupshi mendenda nir.

Jems 3:1

Jisasin hishindiyanda ma jirin, jir amber hom Avui Wasilakahi mashin ji sawenda mak ji nakwak ji hishiwa hala. Mberem ushiwak? Hulaima nokopma mbele mbele ol li undan or heyembakwa wolo nir mashi orhin sawenda ma nir avak wasilaka mendek or kotim ukwa nir. Hako ma ol men mashin misinda ondo awar or heyembakwa lir.

1 Pita 5:3

Hako jir avak ji hausishinak ma ol Avui Wasilaka tava jihik or halanda ondo li hakasikmbaha ji hishiwan ji hala. Jir avak mbele mbele jivi nom ji unak li heyehe os ji uwa nombon li tiyaka.

Revelesen 1:9

An Jon anira. An nga jir nga nakrem Jisasin ni hishindiyaha ni anatoloho nomorawu os orin tiyanda ma ondohik talakwa oson ni kishaha mbeek ni halakwa ambu nir. An mashi Avui Wasilakahin a sawehe mbele mbele Jisas or uhundari ondo nga a sawerik anin li toloho ailan Patmosik krawuk li lahara eweshiwak a lihi jekamba kason jirnjik a kayehe amu ermbenduwa.

Revelesen 19:10

Karem or mbarik orhi kumbamuk a taka lihi orin a lotu ukurik amu ura. Hako ormu mbara, “Mir anin erem uwa hala. Mir nga an nga mahasanje mihi ol Jisasin misindiyanda ondo nga nir amber hom Avui Wasilakahi lerawun landa ma nira. Uwosik orto nom ni lotu uka.” Mashi os Jisas sawenda nom man sauhawak profet mashik li sawenda sir.

Revelesen 22:9

Hako ormu mbara, “Erem uwa hala. An nga, mir nga, mahasanje mihi ol profet ondo nga, ma ol mashi jekamba karok li kayendari mashin misindiyawa ma ondo nga, nakrem Avui Wasilakahi lerawun ni landa ma nira. Orto nom ni lotu uka.”