Matyu 21:34 - Nupela Testamen long tokples Mende long Niugini

³⁴ Uhundarik wain siji am li nivikuri wolok si narik ornjik lerawun landari ma lal or mbashirik ornjik lal li nimba laharakmbaha limu ira.

Matyu 21:34 Iomraidhean Croise

Matyu 21:35

Hako ma ol nowen washilindari ma ondo ma or mbashirik tari ma ondon li heyehe lal li jihi, lal li jimandingormehe, lal li sunjakom loho li jirik tulu iri lir.

Matyu 21:38

Or irik li heyehe limu mbara, “Noumashama jikisi orhi indingo ormu tanduwa. Hako ka ni i orin ni jimandingormehe mbele mbele orhi ondon hiniyin ni oka.”

Matyu 21:40

Jisas sauheima oson or sawerakoho ol orok lirin or heyehe ormu silira, “Wa mberem ji hishindu, noumashama oto kumak avak or taha ma ondon mberem orvai mbaku?”

Matyu 21:41

Urik limu mbara, “Ma kava ondon avak kavak or nakwa lir. Ushihi nowe oson ma anandihi tavak or halashinak lakwa lir. Unak wain sijin ornjik li laha eweshihindak kumak or tanakop li hakwa ri.”

Matyu 22:3

Or hundujeshihi ma ol ornjik lerawun landari man or mbashirik limu ira, ma ol masmas or mainhahandari ondon li saweshinak li rakmbahan. Or mbashirik li ihi limu sawera. Hako ma ondo mbeek takurik hishiri ambu lir.

Mashi jivi Jisashi Mak or kayeri 12:1

Urik Jisas sauheima las ormu sawera, “Ma lar wain nowe las or larakoho inyin or washi arangoho aka os nowe oson li washilikundari aka nga ormu ura. Uhu wain sijin li jimbresekundari mishin er nga ormu ura. Mbele mbele ondon or urakoho nowe oson ma lalhi tavak or halashihi yanga lasik ormu ira.

Mashi jivi Jisashi Mak or kayeri 12:7

Or irik nowe oson washilindari ma ondo li heyehe limu mbara, “Noumashama jikisi orhi indingo ormu tanduwa. Hako ka ni i orin ni mandingormehe mbele mbele orhi ondon hiniyin ni oka.”

Mashi jivi Jisashi Mak or kayeri 12:9

Jisas sauheima oson or sawerakoho ma ol orok lirin or heyehe ormu mbara, “Mberem ji hishindu, noumashama oto kumak or taha ma ondon mberem orvai mbaku? Avak or taha ma kava tol nowe roson washilinda rondon or mandingormehe nowe oson avak ma anandi lalhi tavak or hakwa sir.

Mashi jivi Jisashi Luk or kayeri 20:9

Jisas sauheimak ormu sawera, “Ji misi. Ma lar wain nowe las or laha ma lalhi tavak or halashihi yanga home lasik ormu i lira.