Matyu 2:2 - Nupela Testamen long tokples Mende long Niugini

² “Judama malakama lihik nakunda jikisakri oto mbeyok or wandu? Nir ta rasanda yok tashingra orhin angop ni heyeri ri. Ushihi tashingra oton ni oloho tiyaraha orin ni lotu ukmbaha nimu randuwa.”

Matyu 2:2 Iomraidhean Croise

Matyu 2:3

Karem li mbarik Herot wavu musha mushak ormu hishira. Urik Jerusalemik fehe ma amber wavu erem hishiri lir.

Matyu 21:5

“Hulaima nokopma ol yanga Saionik fehendan karem ji saweka, king jihi avak jihik takwa ria. Uhu donki akri lasik or lawu lihi ma katai hi ngashi ambu hom jirik takwa ria.” Sekaraia 9:9

Matyu 27:11

Urik Jisasin Pailat liri mishik li halashirik ormu sira. Urik Pailat mu silira, “Mir King Judamahi om?” Karem or silirik Jisas mu mbara. “Os mi mbawa homa.”

Mashi jivi Jisashi Luk or kayeri 19:38

Uhu limu mbara, “Halanak Avui Wasilaka ma or hi orhik tawa king oton armek or uka. Nir Avui Wasilaka or hevenik linda oton nimu hauowekuwa. Waprupshi orhi nga nor halashiwak nimu waphimbiji linduwa.” Buk Song 118:26

Mashi jivi Jisashi Luk or kayeri 2:11

Ter kolaka Devithi orok nokove las angop jikishulayi lar wawa sir. Jikisi oto jirin jivinakunda ma ri. Or Wasilaka jihi Krais, Avui Wasilaka kamahanda ma ri.

Mashi jivi Jisashi Luk or kayeri 23:3

Karem li mbarik Pailat mu Jisasin silira, “Mir king Judamahi om?” Urik ormu mbara, “Os mi mbawa homa.”

Mashi jivi Jisashi Luk or kayeri 23:38

Urik miando orok mashi las masiknuku orhik li oweri karem, “King Judamahi toria.”

Mashi jivi Jisashi Jon or kayeri 1:49

Urik ormu mbara, “Tisa, mir jikisi Avui Wasilakahi mira. Mir yanga Israelik fehe ma malakama lihi mira.”

Mashi jivi Jisashi Jon or kayeri 18:37

Urik Pailat mu mbara, “Kormbak sawenak a misi, mir malakama lar om?” Urik ormu mbara, “Os mi mbawa homa. Misambi torok a rari maintontlo sihi karem, mashi omendinga tontlo sihin a sawekmbaha a rari nira. Unak ma ol mashi omendingan misinda ma ondo mashi anhin li misikmabahan.”

Mashi jivi Jisashi Jon or kayeri 19:19

Urik Pailat jekamba las or kayehe ma lar or mbashirik or ihi Jisashi masik nuku yok jekamba oson ormu ewera. Mashi oso karem or kayeri sir. “Jisas yanga Nasaretik fehe king Judamahi toria.”

Mashi jivi Jisashi Jon or kayeri 20:28

Karem or mbarik Tomas mu mbara, “Mir Wasilaka anhi mira. Mir God anhi mira.”

Mashi jivi Jisashi Jon or kayeri 5:23

Lerawu oson anin or hahanda osik ma amber hi anin hauowekwa ola, os Avuihi hin li hauowenda hom. Hako os ma lal hi anhin li hauowena ambu nahi, Avui anhi or mbashirik a rari hi orhi nga mbeek li hauowekwa ambu sir.

Mashi jivi Jisashi Jon or kayeri 9:38

Urik ormu mbara, “Wasilaka, ter mirin a hishiowenda nira.” Karem or mbaha hi Jisashin ormu hauowera.

Hibru 1:6

Uhu jikismaifu orhi oton or mbashirik misambik or tari wolo karem orin ormu mbara, “Halanak ensel ondo amber mihi siyok li sihi mirin li lotu uka.” Buk Song 97:7 Karem or mbaha ensel orhi ondon or mbashirik jikisi orhi otohi siyok li sihi orin lotu uri lir.

Revelesen 22:16

“An Jisas anira. Mashi kason a sawehe ensel anhi oton a mbashirik or ihi mbele mbele os talakwak nawan jir siosik fehenda man saweri ri. An malakama Devithi krahak a talahanda anira. Devithi nirambara anira. Tashingra or nirsumbuk tasahanda anira.”