Matyu 2:12 - Nupela Testamen long tokples Mende long Niugini

¹² Urik suknombo yok Avui Wasilaka lirin ormu sawera, “Jir avak indik Herotin ji i heyewa hala.” Karem or saweshirik nombo anandi yok indik kuyanga lihik limu ira.

Matyu 2:12 Iomraidhean Croise

Matyu 1:20

Erem or hishirik Wasilakahi ensel lar suknombo yok orhik or taha ormu mbara, “Josep, mir King Devithi krahak fehenda mirin, mashi kas a mbawan misi, jikisi or sungu Mariahik wawa oto Masikome Avui Wasilakahik nawa ria. Uwosik sirin mi lakwan turawa hala.

Matyu 2:13

Saveman ondo am yanga lihik li ishirik Wasilakahi ensel lar suknombo yok Josepik or taha ormu sawera, “Josep misi, Herot ormu jikisin or mandingormekwak mbanduwa. Mir kolok usaha jikisi nga nijava orhi nga laha yanga Ijipik ji tulu ika. Orok er ji linak a mbanakop ji misihi indiyok jivai raka.”

Matyu 2:19

Herot am or hashirik Josep le yanga Ijipik li lirik Wasilakahi ensel lar suknombo yok orhik or taha ormu sawera,

Matyu 2:22

Hako or misiri Herot oto jikisi orhi, Arkelaus, avoko orhi Herothi farniyik or sihi provins Judian arangori ria. Karem or misiri osik provins Judia orok or ikurin ormu ajera. Hako Avui Wasilaka suknombo yok or saweshirik provins Galilik limu ira.

Matyu 27:19

Urik Pailat kawu os or lihi kotin or misindari kawu orok or lirik nokove orhi simu mainhara, “Avak nirik ma oton a sukwaheyehe sunguwavu anhi nga osmu nomok nawa. Or worna ma mende ri. Mir avak orin mberem uwa hala.”

Mashi jivi Jisashi Luk or kayeri 2:26

Hako maskop Masikome Avui Wasilakahi orin karem saweri ri, “Er mi lihi ihi ma or Avui Wasilaka orhi man jivinakmbaha nor kamahanda ma oto or tanak mi heyehekop hakwa mir.”

Aposel 10:22

Urik limu mbara, “Nir Kornilius torok ni raha mirin ni heye, karem or mbashihindak nimu randuwa. Or kepten Romik fehe ri. Awun unda ma 100 ondo orhi siyok sinda lira. Or ma jivik or naha Avui Wasilakan or lotu uhu orin tiyanda ma ri. Or, “ma jivi mende” karem Judama amber li mbanda ri. Hako ensel Avui Wasilakahi lar or talaha orin ormu saweshirik or nga mu nirin mbashiwak nimu randuwa. Ushinak aka orhik mi ihi mashi lal mi sawenak or misikmbahan.”

Aposel 4:19

Urik Pita fre Jon lirin frimu sawera, “Wa, mashi Avui Wasilakahin shi tiyakwan shi halaha mashi jihin shi tiyakwa oso misokome Avui Wasilakahik or heyewa jivik nakwa os mo wahau? Jihinjik ji hishika.

Aposel 5:29

Karem or mbarik Pita nga aposel ondo nga limu sawera, “Nir Avui Wasilaka nom ni tiyakwa nir. Hako nir mbeek man ni tiyakwa ambu nir.

1 Korin 3:19

Mberem ushiwak? Hishiyarinda misambik fehe oso misokome Avui Wasilakahik or heyewa mbele mendenda ma mbanda mashi hom nanda sir. Mashi Avui Wasilakahi karem mbanda osa, “Ma lal karem hishinda lir. Lirndonom hishiyarinda nga li nanda osik ma anandin li haimba handambanak kavak li na, karem hishinda lir. Hako Avui Wasilaka lirin or unak os ma lar kormiran fle nombok or faashihi or hishakashaha orhinjik or iwak si jinda hom nakwa lir.” Jop 5:13

Hibru 11:7

Hovok Noa erem, Avui Wasilakan hishindiyandari ma lar oria. Mashi os Avui Wasilaka mbele mbelen kavak or nakurik or saweri mashi oso si tala namber mashi oson or misihi ormu mbara, “Avak omek nakwa sir.” Karem or mbaha os or mbari nombo hom sipin uri ri. Uhu nokove orhi nga jikisi orhi nga nukmango orhi nga sip orok layihi jip liri lir, mbeek kavak nari ambu lir. Hako ma ol mashi Avui Wasilakahin mblarnari ondo amber kavak narakori lir. Uhunda osik nombo os Noa Avui Wasilakan or hishindiyanda nombo orhi oso osmu kormbak nirin mukunduwa, Avui Wasilakan or hishindiyari osik ma worna mak or ushari ri.

Hibru 8:5

Hako lerawu os li landari oso men mbele mbele ol hevenik nakundarin heimari sir. Moses sel aka os Avui Wasilakan li lotu ukuri akan or ukuri wolo Avui Wasilaka orin karem ormu mbara, “Mbele mbele ol mi uwa ondo avak os telemba Sainai orok a mukurik mi heyeri hom erem uka.” Karem Mosesin or saweri ri.