Matyu 14:6 - Nupela Testamen long tokples Mende long Niugini

⁶ Uhu kandakar nga li lihi ihi Herot nijava orhi os orin si wari wolo oson indiyok or hishihi hiyawu laka las ormu ura. Urik or nga ma orhi ondo nga li lihi li arik Herodias oso jikisnokopji sihi si taha si mblarik limu heyera.

Matyu 14:6 Iomraidhean Croise

Matyu 14:3

Mberem ushirik Herot wavu erem or hishir? Or maha orhi Filiphi nokoven or masnalari ora. Nokove oso hi sihi Herodias osira. Ushirik Jon or taha os erem or uri kava orhi oson kormbak saweri ria.

Matyu 14:7

Herot am si mblarin or heyehe nor rupshi mendehe mainkwambuk ormu mbara, “Os nyi lakmbaha nyi hishiwan nyi mbanak avak a hakwa sir.”

Matyu 22:24

“Tisa, mashi Moseshi karem sawenda sir, os ma lar jikisi nga nor na namber or hashinak maha orhi lar mumbla oson or owehe jikisi nga fri nawa, tlavu ji oto sanjelaka or hahanda orhik nakwa ria. Moses karem or kayeri sir.

Mashi jivi Jisashi Mak or kayeri 6:14

Ma amber mbele mbele ol Jisas uri ondo nom li mbarik king Herot oto mashi os li mbari oson er nga misiri ri. Ma lal Jisasin karem mbari lir, “Wa Jon man fak tolofalendari ma oto indiyok usahari or mo? Uhu kwambu nga nor naha mbele mbele lerawun landar?”

Mashi jivi Jisashi Mak or kayeri 6:17

Herot os mas Jonin or mandingormeri nombo karem, Herot maha orhi Filiphi nokove oson ormu masnalara. Nokove oso hi sihi Herodias osira. Ushirik Jon taha ormu mbara, “Mir maha mihi Filip or liwak mi heyeshihi nokove orhi oson mi masnalawa kas tolowa ambu sir.” Karem or mbarik Herodias oso wavu sihi kavak nari sir. Ushirik Herot heyehe sirin or hokovikmbaha ma lal or mbashirik li ihi Jonin li toloho kuvu kwambuk li ishi laha krawu akak li eweshirik ormu lira.

Mashi jivi Jisashi Mak or kayeri 6:19

Hako nokove oso Jonin er si wapkava hishihi orin si mandingormekmbaha hishiri sir. Hako sir mbeek orin mandingormendahik nari ambu sir. Mberem ushirik?

Mashi jivi Jisashi Mak or kayeri 8:15

Urik Jisas mainkwambu las lirin ormu sawera, “Ji auheye, Farisi ondo nga Herothi ma ondo nga yis lihin.”

Mashi jivi Jisashi Luk or kayeri 13:31

Karem or sawerik Farisi lal li raha Jisasin limu sawera, “Herot Antipas mirin mandingormekwak ormu mbanduwa. Uwa osik yanga roson mi halaha yanga lasik ika.”

Mashi jivi Jisashi Luk or kayeri 23:11

Urik Herot nga awun undari ma orhi nga Jisasin li okolehe malakama falendari kowe las orin limu faleshira. Uhu nor mbashirik indik Pailathik orin limu laha ira.

Mashi jivi Jisashi Luk or kayeri 23:7

Karem or silirik limu mbara, “He, Herot arangonda mishi orok fehe ria.” Karem li mbarik or misihi or mbashirik Herothik orin limu laha ira. Oso wolo Herot Jerusalemik or taha liri wolo sira.

Mashi jivi Jisashi Luk or kayeri 3:1

Sekaraiahi jikisi Jon oto ma ngashi mishi ambu orok or lirik Avui Wasilaka mashi orhin Jonin ormu hara. Urik Jon yanga yanga fa Jordan nandari mishi orok or ihi mashin ormu sawera. Unak hulaima nokopma sunguwavu lihin li tormblehe kavakava os li undan li halanak lirin fak or tolofaleshinak Avui Wasilaka kavakava lihin or yoko ermbekmbahan. Oso wolo Taiberius oto asama 15-pelak malakama Sisarik or nari sir. Urik Pontius Pailat oto provins Judiak malakamak or narik, Herot oto Galilik kingik or narik, maha orhi Filip oto provins Ituria nga Trakonitis nga orok malakamak or narik, Lisanias oto provins Abilenek malakamak or nari wolo sira. Urik Anas nga Kaiafas nga hetprisik nari vria.

Mashi jivi Jisashi Luk or kayeri 3:19

Os Jon hulaima nokopman fak or tolofaleri wolo Jisasin er nga fak ormu tolofalera. Ushirik Jisas or sihi Avui Wasilakan ormu sawera. Or sawerik heven akayanga simu sutlara. Si sutlarik Masikome Avui Wasilakahi apmuma hom Jisashik simu takalira. Urik mashi las heven yok simu mbara, “Mir jikisi indingo anhi mira. An mirin amu rupshi mendenduwa. Sunguwavu anhi mende nga amu mirin rupshi mendenduwa,” karem simu mbara. Jon malakama Herot os maha orhi nokove Herodiasin or masnalari nga kavakava ol or undarin er nga kormbak or saweshirik or humblaraha Jonin krawuk ormu owera. Os Jonin erem or uri oso musa las osmu er nga orhik lawura.

Mashi jivi Jisashi Luk or kayeri 8:3

Las Joana, Kusahi nokove sir. Kusa oto king Herothi mbele mbelen washilindari ma ria. Hovok las Susana, uhu nokove anandi lal nga mushak Jisas nga iri lira. Nokove ondo ya lihin li laha Jisas nga orin tiyandari ma ondo nga li jelyakmbaha limu hara.

Aposel 12:1

Oro wolok king Herot Agripa Jisasin hishindiyandari ondon kavak or nakurik ormu mbara.

Aposel 4:27

Omendinga sira. Mashi oso ter osmu omendingak nanduwa. Herot nga Pontius Pailat nga Judama ambu ondo nga Israelik fehe ma ondo nga Jisasin kavak li nakmbaha yanga torokop tirsari lir. Or jivi mendek or naha mi kamashirik or sihi lerawu mihin lari ma ria.