Matyu 13:54 - Nupela Testamen long tokples Mende long Niugini

⁵⁴ kotontlo orhi Nasaretik or ihi aka os li lotu undari mishik or layihi mashin ormu sawera. Mashi os or sawerin li misihi wavu lihi musha mushak li hishihi limu mbara, “Ayo, ma toto hishiyarinda toso mbeyok or lar? Kwambu os ma undahi ambun or uwa mbeyok or lar?

Matyu 13:54 Iomraidhean Croise

Matyu 2:23

Galilik li ihi kuyanga ome Nasaretik limu lira. Erem si nari osik mashi os profet ondo mas karem li mbahandari osmu omek nara, “Ma oto kuyanga Nasaretik fehe, karem li ushahakwa ria.”

Matyu 4:23

Jisas yanga yanga os provins Galilik nanda mishik ormu yara. Uhu aka os Judama li lotu undari mishik or layihi mashi os Avui Wasilaka lirin or arangoshinak jip li likwa mashi oson ormu sawera. Uhu ma ol silawala kavamisindarin or mbarik jivik limu nara.

Matyu 7:28

Jisas mashi mashi amber or sawerakorik ma ondo wavu lihi musha mushak limu hishira.

Mashi jivi Jisashi Luk or kayeri 2:47

Wavu orhi krahak er si nashirik mbele mbele ol li silirin krahak or saweshirik ma ondo amber limu lishnyafara.

Mashi jivi Jisashi Jon or kayeri 1:11

Or orhi kraha lihi nindik tari ri. Hako orhi ma ondo mbeek orin heyembaha mashi orhin misiri ambu lir.

Aposel 13:46

Urik Pol fre Barnabas kormbak lirin frimu sawera, “Shir Avui Wasilakahi mashin jir Judaman masmas shi sawekurik shi hishiri shir. Hako jir mashi oson jimu mblarna ormbenduwa. Uwa oso os jihinjik karem jimu mbanduwa, “Nir ma jivi ambu nir. Nir mbeek ermba ermbak linda oson ni landahi ambu nir.” Uwa osik ji misika. Shir ter mbeek mashi las jirin shi sawekwa ambu shir. Shir Judama ambu ondohik shi ihi lirin mashin shi sawekwa shir.

Aposel 4:13

Judama lida lihi ondo li heyeri, Pita fre Jon frir men ma kuyangak fehe vri. Hako mashi wasilakak fri mbaha kormbak fri sawehe mbeek ajeri ambu vri. Karem urik li heyehe wavu musha mushak limu hishira. Hako li hishihi limu mbara, “Ma tovro mas Jisas nga yandari vri.”