Matyu 12:10 - Nupela Testamen long tokples Mende long Niugini

¹⁰ Urik ma tava kavak nandari lar er nga orok liri ria. Urik ma lal Jisasik li taha limu silira, “Os ma lar Sabat wolok ni mbanak jivik or nakwa oso jivik nawa os mo wahau? Lo nihi mberem si mbandu?” Os erem li siliri men orin li mbanak or mbanak li heyekmbaha li mbari sir. Mbele las or unak kavak si nanak li heyehe orin li kotim ukmbahan.

Matyu 12:10 Iomraidhean Croise

Matyu 12:2

Urik Farisi lal li heyehe limu mbara, “Mberem ushiwak mirin tiyanda ma ondo lo os si pantlehendan Sabat wolok li undu?”

Matyu 19:3

Urik Farisi lal li taha men li eweheyenak or mbanak li heyekmbaha li taha orin limu silira, “Lo nihi mberem si mbandu? Os nokove nihin men semben ni turaha ni mbashinak si ika, karem ni mba nahi, jivik nakwa os mo wahau?”

Mashi jivi Jisashi Mak or kayeri 3:2

Urik ma ol aka orok liri ondo Jisasin olmu sishi heyera, os ma oton Sabat wolok or mbanak jivik or na nahi, orin li kotim ukmbahan.

Mashi jivi Jisashi Luk or kayeri 11:54

Mashi las or mbanak kavak si na nahi, orin li kotim ukmbaha limu mbara.

Mashi jivi Jisashi Luk or kayeri 13:14

Hako ma or Judama lotu undari aka oson washilindari ma oto Jisas nokove oson Sabat wolok or mbarik jivik si narik or heyehe ormu waplelenara. Uhu ma ol orok liri ondon ormu sawera, “Niri 6-pela lerawun ni landa wolo sira. Os ma toto kavamisinda jihin or mbanak jivik ji nakwak ji hishi nahi, wa, lerawun ni landa wolok ji raka. Hako Sabat wolok nembes.”

Mashi jivi Jisashi Luk or kayeri 20:22

Hako mberem mi hishindu? Nir takis yan Sisarin ni hakwa oso jivik nakwa os mo wahau?”

Mashi jivi Jisashi Luk or kayeri 23:14

ormu mbara, “Mberem ushiwak ma roton indik anhik ji laharandu? Ma roto man mbaskashiwak awun li unda, karem mbawa jir. Hako an orin a heyewa mbeek erem nanda mak a heyewa ambu ri.

Mashi jivi Jisashi Luk or kayeri 23:2

Uhu orin limu haimba handambaha jira, “Nir ni heyewa, Jisas toto nirin haihanda owehe mbafirimbanda ria. Or mbeek takis yan Sisarin ni hakwa ambu, karem mbanda ri. Uhu ortonom king Avui Wasilaka kamashihindak hulaima nokopman jivinakwa ma ri, karem mbanda ri.”

Mashi jivi Jisashi Jon or kayeri 5:10

Urik Judama lal ma oton li heyehe limu mbahanjira, “Ter osmu Sabatik nanduwa. Mberem ushiwak kawu mihi oso nga mi laha yanduwa? Os erem mi uwa kava sir. Lo os Moses nirin or hari oson os mimu haploronduwa!”

Mashi jivi Jisashi Jon or kayeri 5:3

Ushirik ma ol kavamisindari, misokome tumundari, kumba havan tlehendari, kumbanashi tavanashindari ondo amber shikor aka orok lindari lir.

Mashi jivi Jisashi Jon or kayeri 8:6

Os erem li siliri oso men li silinak or una unak li heyekmbaha li siliri sir. Unak li heyehe mashi las or mbanak kavak si na nahi, mashi orok orin li kotim ukmbahan. Hako Jisas kumbamblurik or taka lihi misambik ormu kayera.

Mashi jivi Jisashi Jon or kayeri 9:16

Karem or sawerik Farisi lal olmu mbara, “Sabat wolok lerawun lawa ma oto mbeek Avui Wasilakahik tawa ambu ri.” Hako lal olmu mbara, “Wahau, or kavakavan unda ma ambu ri. Os kavakavan or undakop mbeek mbele las ma undahi ambun uwa ambu ri.” Karem li mbaha wavu lihi mbeek nakrem nari ambu sir, apshamba apshambak hishiri lir.