Matyu 10:3 - Nupela Testamen long tokples Mende long Niugini

³ Uhu Filip, Bartolomyu, Tomas, Matyu takis yan landa ma ria. Uhu Jems jikisi Alfiushi ria. Uhu Tadius.

Matyu 10:3 Iomraidhean Croise

Matyu 18:17

Hako os lir sawewan er nga or misina ambu nahi, wa avak mbele mbele kava os or uhundan kormbak siosik sawenak ma amber li misika. Hako os or misina ambu nahi, wa misokomekop ji heyeka. Uhu ji halashinak hikriyok er or sihi takis yan landa ma ol Avui Wasilakahi mashin mblarnanda mak or naka.

Matyu 27:56

Lihi nindik siri las Maria yanga Makdalak fehe sir, las Maria nijava Jems fre Josephi sir, las nijava Sebedihi jikisi ovrohi sir.

Matyu 9:9

Urik Jisas nombok or ihi takis yan landa ma lar, hi orhi Matyu, opis orhik lerawun or larik ormu heyera. Uhu ormu mbara, “Mir usaha anin tiya shi ika!” Urik Matyu or usaha Jisasin or tiyaha frimu ira.

Mashi jivi Jisashi Mak or kayeri 15:40

Nokove lal olmu homek simandara. Las Maria yanga Makdalak fehenda sir. Las Maria, Jems kanda fre Josep nijava frihi sir. Las Salome. Karem nandari lir.

Mashi jivi Jisashi Mak or kayeri 2:14

Karem uhu or ihi aka os gavmanhi yan li owendari mishi oson or tikrihi orok lerawun landari ma oton ormu heyera. Ma oto hi orhi Livai, jikisi Alfiushi oria. Livain or heyehe ormu mbara, “Mir kolok ta anin tiya shi ika.” Karem or mbarik or usaha Jisasin or tiyaha frimu ira.

Mashi jivi Jisashi Mak or kayeri 3:18

Uhu Andru, Filip, Bartolomyu, Matyu, Tomas, Jems jikisi Alfiushi, Tadius, Saimon kraha Selotik fehendari ria.

Mashi jivi Jisashi Luk or kayeri 18:10

“Ma frijip Avui Wasilakan fri sawekmbaha tempel akak frimu layira. Lar Farisi, lar takis yan landa ria.

Mashi jivi Jisashi Luk or kayeri 18:11

Farisi oto orok or sihi wavu orhikop Avui Wasilakan karem ormu sawera, “Avui, an mbeek ma kava ondo hom a nanda ambu onik mirin armesarmek amu sawenduwa. Ma ondo hirnyaha kavakavan li uhu nokophirmbirinda lir. Hako an wahau. Tor torok liwa takis yan landa ma roton heyeka. An mbeek or hom a nanda ambu nir.

Mashi jivi Jisashi Luk or kayeri 18:13

Hako ma or takis yan landa ma oto homek or sihi mbeek metenje yok larasa mawuri ambu ri. Or maruknyaha ormu mbara, “Avui, an ma kava nir. Hako mir anjik holoka,” karem ormu mbara.”

Mashi jivi Jisashi Luk or kayeri 19:2

Ma lar orok lindari ri. Hi orhi Sakias oria. Oto takis yan landari ma ondo malakama lihi ria. Or ya nga musha mendek nandari ri.

Mashi jivi Jisashi Luk or kayeri 5:27

Urik Jisas or ihi takis yan landari ma lar, hi orhi Livai, opis orhik lerawun or larik ormu heyera. Orin or heyehe ormu mbara, “Mir usaha anin tiya shi ika.”

Mashi jivi Jisashi Jon or kayeri 1:48

Karem or mbarik ormu silira, “Mir anin mberem mi heyew?” Urik ormu mbara, “Os Filip mirin or sawe namber mir mi fik tontlok mi siwak amu heyewa.”

Mashi jivi Jisashi Jon or kayeri 11:16

Karem or mbarik orin tiyandari ma lar hi orhi Tomas, hi yeje orhi Didimus, ormu mbara, “Wa, ka ni ihi or nga ni haka!”

Mashi jivi Jisashi Jon or kayeri 14:22

Jisas karem or mbarik, Judas Iskariot nembes, Judas ome lar mu silira, “Wasilaka, mberem ushiwak nirtonom mirin ni heyekrahakoroku? Ma misambik fehe mbeek mirin li heyekrahakorokwa ambu lir, karem mi mbandu?”

Mashi jivi Jisashi Jon or kayeri 14:5

Karem or mbarik Tomas mu silira, “Wasilaka, mbeek mi ikwan? Nir mbeek os mi ikwa mishin ni heyenda ambu nir. Nombo oson mberem nivai heyeku?”

Mashi jivi Jisashi Jon or kayeri 14:9

Urik ormu mbara, “Mberem ushiwak mi mba, “Avui mihin mukunak ni heye,” karem mi mbandu? Angop ji heyewa on te! Os anin ji heye nahi, Avui anhi or jimu er nga heyenduwa.

Mashi jivi Jisashi Jon or kayeri 21:2

Os or talari wolo Saimon Pita nga, Tomas Didimus nga, Nataniel yanga Kana Galilik fehenda oto nga, Sebedihi jikisi ovro nga, maome frijip er nga, leuku orok limu lira.

Aposel 1:13

Am Jerusalemik li layihi, aka os heyersiyer li undari aka heyeyok limu lawura, os li waha yandari mishi orok. Aposel ol orok liri ondo hi lihi karem, Pita, Jon, Jems, Andru, Filip, Tomas, Bartolomyu, Matyu, Alfiushi jikisi Jems, Saimon, Judas, karem nandari lira. Saimon oto ma ol Romik fehe gavmanin li jihi tukru ermbenak li ikmbaha undari ondo lar oria. Judas oto Jems ome larhi jikisi ria.

Aposel 12:17

Urik Pita mayam li likmbaha ormu tavalounara. Uhu nombo os Wasilaka orin or jivinashirik krawun or hala talari mashi oson ormu sawera. Uhu ormu mbara, “Jir avak Jems nga ma anandi ol Jisasin hishindiyanda ma ondo nga ji sawenak li misika, mbele mbele os anhik talawa oson.” Ushihi Pita lirin or halaha yanga anandi yok ormu ira.

Aposel 15:13

Mashin fri sawerakorik Jems mu mbara, “Nakrem Jisasin ni hishindiyanda ma jirin, mashi kas a sawekwa kason ji misi.

Aposel 21:18

Ni wahandashihi Pol nirin or laha Jemsin heyekurik nimu ira. Oro wolo sios lida ondo orok limu tirsalira.

Galesia 1:19

Hako oso wolo aposel ome lal nga na heyeri ambu nir. Wasilaka nihi maha orhi Jems oto nom a heyeri nir.

Galesia 2:9

Sios lida ondo Jems, Pita, Jon, lir angop lerawu os Avui Wasilaka anin or harin heyeri lir. Uri osik an nga Barnabas nga lir nga ni tava anatoloho lerawu oson nakrem ni lakmbaha nimu mbara. Uhu mashi namtaskop ni mbaolsoloho shir Judama ambu ondon mashin shi sawenak lir Judamahi nindik mashin li sawekmbaha nimu mbara.

Jems 1:1

An Jems anira. An Avui Wasilaka fre Jisas Krais frihi lerawun landa ma anira. Jir Israelik fehe kotontlo jihin halaha ihi yanga anandik linda ma jirin, jirnjik jekamba kason amu kaye ermbenduwa. Uhu wesambasa anhin jirin amu handuwa.

Jekamba os Jut kayeri 1:1

An Jut, Jemshi maha, lerawu Jisas Kraishin men landa ma anira. An mu Avui Wasilakahi ma jirnjik jekamba kason kayenduwa. Jir angop Avui Wasilaka wapnuku orhik or owehe nor kamarik orhik ji tahanda osik Jisas Krais ormu jirin arangonduwa.