Mashi jivi Jisashi Luk or kayeri 9:43 - Nupela Testamen long tokples Mende long Niugini

⁴³ Ma amber kwambu Avui Wasilakahin li heyehe limu lishnyafara. Uhu wavu musha mushak mbele mbele amber os or urin limu hishira. Urik Jisas orin tiyandari man ormu sawera,

Mashi jivi Jisashi Luk or kayeri 9:43 Iomraidhean Croise

Matyu 17:22

Jisas nga ol orin tiyandari ma nga Galilik indik li ihi ormu mbara, “Ma Jikisi Avui Wasilakahi avak ma kavahi tavarenjek li halashinak

Mashi jivi Jisashi Mak or kayeri 6:51

Karem or mbaha botik or layi lir nga nakrem ormu lira. Urik kolok suwa mendek er simu nara. Urik limu lishnya mendera.

Mashi jivi Jisashi Luk or kayeri 18:43

Urik kolok misokome orhi si huririk or heyehe hi Avui Wasilakahin or hauowehe Jisasin ormu tiya ira. Urik ma amber oson li heyehe lir nga nakrem hi Avui Wasilakahin limu hauowera.

Mashi jivi Jisashi Luk or kayeri 4:36

Urik ma amber oson li heyehe li lishnyafaha lihi ambek limu mbara, “Ma jirin te. Mberemhi tos ter nandua, os ma toto hukwalama hom or mbaha or mbashiwak wasimalengamba mashi orhin li misihi li halaha iwan te,” karem limu mbara.

Mashi jivi Jisashi Luk or kayeri 5:26

Urik ma amber os or urin li heyehe er li lishnyafaha li ajehe hi Avui Wasilakahin limu hauowera. Uhu limu mbara, “Ter mbele mbele mas ni heyenda ambu os nimu heyenduwa.”

Mashi jivi Jisashi Luk or kayeri 5:9

Foome musha ol li kruwuri ondon or heyehe or aje menderi osik karem ormu mbara. Urik ma ol nakrem li liri ondo er nga limu ajera.

Mashi jivi Jisashi Luk or kayeri 8:25

Urik lirin ormu silira, “Jir mberema? Mberem ushiwak ji ajendua? Anin ji hishiowenda nombo mbeek si iw?” Karem mbarik os erem or uri oson li heyehe limu ajera. Uhu wavu musha mushak li hishihi limu mbara, “Ma roto lawe mende toria? Or mbawak suwa nga fa nga mashi orhin fri misihi mendek fri nawan te.”

Mashi jivi Jisashi Luk or kayeri 9:42

Jikisi oto Jisasik or takurik or tarik wasimalengamba orin or kisha ermberik ormu tukuyira. Uhu ormu kwarnguarna mendera. Urik Jisas wasimalengamban or ngriaha nor mbarik jikisi oto jivik ormu nara. Uhu nor halashirik indik avoko orhik ormu ira.

2 Pita 1:16

Nir Wasilaka nihi Jisas Krais kwambu orhi nga os indik or takwa oso nga angop ni sawerik ji misiri sir. Hako mashi os ni saweri oso mbeek haimba handambanda tisa ondo wavu lihik li hishihi lihinjik li sawenda mashin ni misindiyaha ni saweri ambu sir, wahau. Misokome indinga nihik ukruharanda kwambu Avui Wasilakahi orhik nandari oso angop ni heyendari osik os nimu sawenduwa.