Mashi jivi Jisashi Luk or kayeri 9:18 - Nupela Testamen long tokples Mende long Niugini

¹⁸ Nindi las wolok ol orin tiyandari ma nom li lirik Jisas ortonom Avui Wasilakan ormu sawera. Or saweshihi lirin ormu silira, “Ma tondo an lawe, karem li mbawak ji heyendu?”

Mashi jivi Jisashi Luk or kayeri 9:18 Iomraidhean Croise

Matyu 14:23

Karem or mbaha ma ondon or mbashirik li irik ortonom Avui orhin sawekurik telembak ormu lawura. Uhu am si krinyarik nendekop orok ormu lira.

Matyu 26:36

Urik Jisas nga ol orin tiyandari ma nga yanga Getsemanik li lawuhu ormu mbara, “Jir torok ji linak orok a lawuhu Avuin a saweka.”

Mashi jivi Jisashi Luk or kayeri 11:1

Nindi las wolok Jisas yanga lasik Avui Wasilakan sawekurik ormu ira. Or sawerakorik orin tiyandari ma lar orin ormu silira, “Wasilaka, Jon ma ol orin tiyanda ondon nombo os Avui Wasilakan li sawekundarin or mukuri lir. Uhunda hom mir erem. Nombo os orin ni sawekundan mukunak ni heyeka.”

Mashi jivi Jisashi Luk or kayeri 6:12

Oro wolok Jisas Avuin or sawekurik telemba lasik ormu lawura. Uhu nor sawehe ihi er simu harara.

Mashi jivi Jisashi Luk or kayeri 9:19

Karem or mbarik limu mbara, “Lal mir Jon, man fak tolofalenda ma mir, karem mbanda lir. Hako lal mir Elaija, karem mbanda lir. Hako lal mir profet mas hahandari indiyok usahanda mir, karem mbanda lir.”

Mashi jivi Jisashi Luk or kayeri 9:28

Jisas mashi oson or sawerakoho niri 8-pela li ishirik Pita, Jon, Jems, karem or laha Avui Wasilakan or sawekurik telembak limu lawura.

Mashi jivi Jisashi Luk or kayeri 9:29

Or lawuhu Avui Wasilakan or sawerik fumunyava orhi apsham er si narik kowe orhi nga avisha indingok er simu nara. Uhu er simu haruja mendera.