Mashi jivi Jisashi Luk or kayeri 7:8 - Nupela Testamen long tokples Mende long Niugini

⁸ Mir kwambu nga nawak a heyenda mir. Os mbele las mi mba nahi, mir mbawa hom avak nakwa sir. An malakamahi siyok a sihi os lir mbawa hom a unda nir. Uwak awun unda ma anhi ondo erem, anhi siyok li sihi os a mbawa hom unda lir. Os lihi lar a mba, “Mir i!” Karem a mbawa, inda ora. Hovok os lar a mba, “Mir ta!” Karem a mbawa, tanda ora. Hovok os anjik lerawun landa ma lar a mba, “Mir lerawu kason la!” Karem a mbawa, lerawu oson landa ora. Kepten karem mbawa ri.”

Mashi jivi Jisashi Luk or kayeri 7:8 Iomraidhean Croise

Mashi jivi Jisashi Luk or kayeri 7:7

An ma jivi ambu nir. Karem a hishihi a raha mirin a heyekwa os amu halawa. Hako, mir mashikop mbanak anjik lerawun landa ma oto avak jivik or naka.

Mashi jivi Jisashi Luk or kayeri 7:9

Karem li mbarik Jisas or misihi ormu lishnyafara. Uhu nor tormblehe ma ol orin tiya iri ondon ormu sawera, “Mberemhi tos ter nanduwa! Samba samba oto mashi anhin misindiyanda oria. Hako jir Judama jir lar mbeek or hom mashi anhin misindiyawak a heyenda ambu jir.”

Aposel 23:17

Urik Pol kepten lar or usharik or tarik ormu sawera, “Jikanda ermbasi toton mi laha inak or ihi komanda mihin or heye. Or mashi las orin or sawekmbaha rawa ri.”

Aposel 23:23

Urik komanda oto orhi siyok sindari kepten frijip or usharik fri rarik ormu sawera, “Shi ihi awun unda ma 200, hosik lihi awun unda ma 70, kormek awun unda ma 200, shi mbanak li hundujeka. Uhu avak niri 9 kilokik yanga Sisariak ji ika.

Aposel 23:26

“An Klodius Lisias anira. Jekamba toson mir malakama Feliksnjik amu kayenduwa.

Aposel 23:31

Urik awun unda ma ondo komanda oto or mbari mashin li misihi nirik Polin li laha kuyanga Antipatrisik limu laha ira.

Aposel 24:23

Uhu Feliks kepten lar or mbashirik Polin krawuk ormu owera. Hako orhi ma os li taha orin li jelyakuri nombo oso mbeek or pantleri ambu sir.

Aposel 25:26

Hako mberemhi mashin avak a kayehe ma roto nga malakama Sisarhi tavak a halashinak si iku? Mbeek mashi las a kayendahi ambu sir. Uwa osik ter mir Agripa nga ma jir torok liwa nga ma roton tava jihik amu laharanduwa. Uwa osik ter mir Agripa, orin silinak mbele os or urik kavak narin or sawenak mi heyeka. Ushinak os or undan or sawenak er nga jekambak a kayehe malakama Sisarhi tavak a haka.

Kolosi 3:22

Akishmakisha jirin, jir malakama jihi or misambik fehe or mbawa mashin ji misihi ji tiyaka. Hako las avak jirin or rupshikmbaha men orhi misokomekop lerawun ji lakwak ji hishinan, wahau. Jir Wasilakan ji ajehe wavu mende jihi nga malakama jihi lerawu orhin armek ji laka.