Mashi jivi Jisashi Luk or kayeri 7:39 - Nupela Testamen long tokples Mende long Niugini

³⁹ Urik Farisi or Jisas nga fri akmbaha mbari oto erem si urin or heyehe ormu hishira, “Os ma toto profet indingak or nandakop, nokove tos orin tolowan armek or heyewa sir. Nokove toso kavakavan unda nokove sir.”

Mashi jivi Jisashi Luk or kayeri 7:39 Iomraidhean Croise

Matyu 20:16

Jisas sauheima oson or mbarakoho ormu mbara, “Kumak avak erem nakwa sir. Ma ol kumasi mendewa kumak avak maifu ikwa lir. Hako ma ol maifu iwa kumasi ikwa lir.”

Matyu 21:11

Urik ol er nga tari ma ondo limu sawera, “Oto Jisas oria. Kuyanga Nasaret provins Galilik fehenda profet lar oria.”

Mashi jivi Jisashi Mak or kayeri 7:21

Ondo karem, wapkava hishinda, hirnyanda, man mandingormenda, nokophirmbirihi hulatolhakanda,

Mashi jivi Jisashi Luk or kayeri 12:17

Urik ma orto ormu lihishira, “Mberem avai uku? Akwa ondo musha mende re. Aka mbeyok avai oweku?”

Mashi jivi Jisashi Luk or kayeri 15:2

Urik Farisi nga ma ol mashi Moseshin sawendari nga lihi ambek limu mbara, “Ma toto mberem ushiwak ma tol kavakavan unda tondo nga nakrem or lihi aha yandua?”

Mashi jivi Jisashi Luk or kayeri 16:3

Karem or mbarik wavu orhik ormu lihishira, “Malakama anhi avak or mbashinak lerawu orhin a halakwa nira. Wa, mberem avai uku? An mbeek kwambu nga na naha lerawu havan landahik a nawa ambu nir. Uhu nombok a lihi yanjik a silikwan a humblaraw te.

Mashi jivi Jisashi Luk or kayeri 18:4

Ermba ermbak si ifarafa si sawerik or misihi mbeek sirin jelyakurik hishindari ambu ri. Hako am or krehe ormu hishira, “An mbeek Avui Wasilakan a ajehe man jelyakwak a hishinda ambu nir.

Mashi jivi Jisashi Luk or kayeri 3:8

Masmas sunguwavu jihin ji tormblehe mbele mbele jivin ji unak ni heyehe ni mbaka, “Ma tondo angop wavu lihin tormblewa lira.” Hako jihinjik avak ji mba, “Misumu nihi Abraham oria. Uwa osik Avui Wasilaka mbeek nirin kavak nakwa ambu ri,” karem ji mbawa hala. Jirin amu sawenduwa. Avui Wasilaka os or hishi nahi, sunja tondon or mbanak jikisi nirambara Abrahamhik nakwa lir.

Mashi jivi Jisashi Luk or kayeri 7:16

Urik ma ondo os Jisas uri oson li heyehe limu aje mendera. Uhu hi Avui Wasilakahin metenje mendek li hauowehe limu mbara, “Profet malakama lar angop nihi nindik talawa ri.” Uhu limu mbara, “Avui Wasilaka hulaima nokopma orhin jelyakmbaha tawa ri,” karem limu mbara.

Mashi jivi Jisashi Luk or kayeri 7:37

Kavakavan undari nokove las yanga orok lindari sira. Si misiri Jisas Farisi oto nga frimu ara. Urik nokove oso sunja botol os wel uku arme kuvasahandan li ngorohondari oson si laha simu tara.

Mashi jivi Jisashi Luk or kayeri 7:38

Si raha Jisashi kuma yok kumbamu orhik simu sira. Uhu si tlarik miuku sihi si ngoroho orhi kumbak simu takara. Si takarik masikukwa sihik simu fiyira. Uhu kumba orhin makaptakhavan tlendari hom simu ura. Uhu wel uku arme kuvasahanda oson kumba orhik si ngoro simu tara.

Mashi jivi Jisashi Luk or kayeri 7:40

Karem or hishirik Jisas wavu orhik or hishirin or heyehe orin ormu sawera, “Saimon, an mashi las mirin a sawekwak amu hishinduwa.” Karem mbarik ormu mbara, “Tisa, wa saweka.” Karem or mbarik ormu sawera,

Mashi jivi Jisashi Jon or kayeri 4:19

Urik simu mbara, “Wasilaka, ter amu heyenduwa. Mir profet lar mira.

Mashi jivi Jisashi Jon or kayeri 7:12

Hako ma musha mendek Jisasin limu mbara, “Ma oto ma jivi ria.” Hako lal limu mbara, “Wahau te! Haimba handambanda ma ria.”

Mashi jivi Jisashi Jon or kayeri 9:24

Urik indik ma oton li usharik or tarik limu mbara, “Misokome Avui Wasilakahik mashi ome nom mbaka. Ma or mi mbawa ma oton angop ni heyenda ri. Or kavakavan unda ma ria.”