Mashi jivi Jisashi Luk or kayeri 7:34 - Nupela Testamen long tokples Mende long Niugini

³⁴ Hako Ma Jikisi Avui Wasilakahi oto akwa nga wain uku nga or awak ji heyehe jimu mbanduwa, “Ayo, toto akwa nom or hishihi uku kavan or aha ambasinda ri. Takis yan landa ma nga kavakavan unda ma nga ananaimble tolonda ri,” karem mbahanjinda jir. Hako os erem ji heilakaila mbanda oso kas tolonda ambu sir.

Mashi jivi Jisashi Luk or kayeri 7:34 Iomraidhean Croise

Matyu 11:19

Hako Ma Jikisi Avui Wasilakahi oto akwa nga wain uku nga or awak ji heyehe jimu mbanduwa, “Ayo, toto akwa nom or hishihi uku kavan or aha ambasinda re. Takis yan landa ma nga kavakavan unda ma nga ananaimble tolonda re.” Karem mbahajinda jir. Hako os erem ji heilakaila mbanda oso kas tolonda ambu sir. Hako ma or hishiyarinda nga nawa oto mbele mbele jivi nom or unak ni heyehe ni mba, or hishiyarinda ma ria.”

Matyu 5:46

Os jihi ma nom ji rupshi nahi, oso mbeek lakak nanda ambu sir. Mberem ushiwak? Ma kava ondo er nga mahasanje lihi ambekop rupshinda ola.

Matyu 9:11

Urik Farisi lal oson li heyehe ol orin tiyandari man limu mbahanjira, “Mberem ushiwak tisa jihi oto ol takis yan landa ma nga ol kavakavan unda ma nga nakrem or lihi andu? Os erem or uwa kava sir.”

Mashi jivi Jisashi Luk or kayeri 11:37

Jisas mashin am or sawerakorik Farisi lar or taha or nga nakrem fri akmbaha ormu mbara. Urik Jisas or ihi ma otohi akak or layihi tavan or yoko namber ormu lihi ara. Urik Farisi oto or heyehe wavu musha mushak ormu lihishira.

Mashi jivi Jisashi Luk or kayeri 14:1

Sabat wolok Jisas Farisi lida lihi larhi akak or akurik ormu layira. Urik ma ol orok liri ondo orin limu lishi flaflatara.

Mashi jivi Jisashi Luk or kayeri 15:2

Urik Farisi nga ma ol mashi Moseshin sawendari nga lihi ambek limu mbara, “Ma toto mberem ushiwak ma tol kavakavan unda tondo nga nakrem or lihi aha yandua?”

Mashi jivi Jisashi Luk or kayeri 19:7

Urik ma ondo oson li heyehe li wapkava hishihi limu mbara, “Jisas toto kavakavan unda ma otohi akak or layi liwa re,” karem limu mbara.

Mashi jivi Jisashi Luk or kayeri 5:29

Uhu hiyawu las Jisasnjik aka orhik ormu ura. Urik takis yan landari ma lal nga hovok ma ome lal nga li taha limu ara.

Mashi jivi Jisashi Luk or kayeri 7:33

Uhunda hom jir jikisakri ondo hom nanda jir. Jon akwan or halaha wain uku nga nor halarik ji heyehe jimu mbahanjira, “Toto wasimalengamba tolonda orik akwan anda ambu ri,” karem jimu mbara.

Mashi jivi Jisashi Luk or kayeri 7:35

Hako ma or hishiyarinda nga nawa oto mbele mbele jivi nom or unak ni heyehe karem ni mbakwa nir, “Or hishiyarinda ma ria.” ”

Mashi jivi Jisashi Luk or kayeri 7:36

Nindi las wolok Farisi ma lar Jisas nga fri akmbaha normu mbara. Urik or ihi aka orhik frimu ara.

Mashi jivi Jisashi Jon or kayeri 12:2

Urik hiyawu las Jisas nga li akmbaha limu ura. Akurin li urik Marta mu akwan lala lahara owera. Urik Lasarus er nga orok or lihi akwan nakrem limu ara.

Mashi jivi Jisashi Jon or kayeri 2:2

Urik Jisas nga ol orin tiyandari ma nga li mainhashirik limu ira.