Mashi jivi Jisashi Luk or kayeri 7:29 - Nupela Testamen long tokples Mende long Niugini

²⁹ Jisas Jon or nandarin or sawerik ma amber li misihi takis yan landari ma er nga karem limu hishira, “Mbele mbele Avui Wasilaka or uhunda ondo worna mende lir,” karem limu hishira. Mberem ushirik? Angop sunguwavu lihin li tormbleshirik Jon fak or tolofaleri ola.

Mashi jivi Jisashi Luk or kayeri 7:29 Iomraidhean Croise

Matyu 5:46

Os jihi ma nom ji rupshi nahi, oso mbeek lakak nanda ambu sir. Mberem ushiwak? Ma kava ondo er nga mahasanje lihi ambekop rupshinda ola.

Mashi jivi Jisashi Luk or kayeri 20:6

Hako os ni mba, ma misambik fehenda mbashirik lerawu oson ormu lara, karem ni mba nahi, ma rondo avak nirin li sunjakom loho ormbekwa ola. Mberem ushiwak? Jon oto profet oria, karem hishinda ola.”

Mashi jivi Jisashi Luk or kayeri 3:12

Urik ma ol takis yan landari ma ondo er nga fak li layikurik li taha orin limu silira, “Tisa, mberem nivai uku?”

Mashi jivi Jisashi Luk or kayeri 7:28

Uwa osik jirin amu sawenduwa. Jon oto ma misambik fehe amber ondon tikrihi wasilakak nanda ri. Hako Avui Wasilaka hulaima nokopman or arangoshinak yanga orhik li likwa wolo ma ol hi ngashi ambu ondo Jonin tikrikwa lir,” karem ormu mbara.

Mashi jivi Jisashi Luk or kayeri 7:35

Hako ma or hishiyarinda nga nawa oto mbele mbele jivi nom or unak ni heyehe karem ni mbakwa nir, “Or hishiyarinda ma ria.” ”

Aposel 18:25

Or mashi Wasilakahin li sawerik or misihi sunguwavu orhi kwambuk er si narik omendingak mbele mbele Jisas undari oson kormbak sawendari ri. Hako or Jon man or toloho fak or falendari nombo nom heyendari ri.

Aposel 19:3

Urik Pol lirin ormu silira, “Wa, mberemhi mashin ji misihi ji mbarik li fak tolofaler?” Karem or silirik limu sawera, “Nir Jon sawendari mashin li sawerik ni misihi ni mbarik fak li tolofaleri nir.”

Jekamba Pol ol yanga Romik lindanjik or kayeri 10:3

Lir men lerawu lihikop li laha ma worna mak li na, karem hishinda ola. Hako lir mbeek orhi siyok sinda ambu lir. Uhu lir mbeek li halashinak or men wavu orhik lirin ma worna mak or ushakwak hishinda ambu lir, wahau.

Revelesen 15:3

Uhu hukwa las Moses Avui Wasilakahi lerawun landari ma or korondari hukwa nga Sipsip Jikisi otohi hukwa las nga limu korora karem, “Avui Wasilaka mirtonom kwambu ngashi mira. Uhu mbele mbele ol wavu mihik mi hishihi mi unda ondo amber jivik li naha worna mendek omendingak nanda lira. Mir malakamak ermba ermbak er nanda mira.

Revelesen 16:5

Urik a misirik ensel or fa ondon washilindari ensel ormu mbara, “Avui Wasilaka ter mi lihi mas lindari mira. Mir ma worna ma indinga mira. Mir ma ondo nombo nombo lihi os li undarin angop mi heyeri sir. Uwosik ter os lirin kavak mi ukwak os mimu unduwa.