Mashi jivi Jisashi Luk or kayeri 7:2 - Nupela Testamen long tokples Mende long Niugini

² Ma or maifuk sihi awun undari ma, kepten, karem li ushandari lar orok lindari ri. Or Romik fehe lar oria. Ornjik lerawun landari ma lar armesarmek lerawun or landari osik kepten oto orin rupshi mendendari ri. Hako ma oto kavamisihi hakmba uri ri.

Mashi jivi Jisashi Luk or kayeri 7:2 Iomraidhean Croise

Matyu 27:54

Urik kepten nga awun undari ma ol Jisasin washiliri ma ondo nga nenawu si jirik mbele mbele ondo ralarik li heyehe li ajehe limu mbara, “Omendinga sira, ma oto jikisi indingo Avui Wasilakahi ria.”

Mashi jivi Jisashi Luk or kayeri 23:47

Urik ma or maifuhu awun undari ma oto oson or heyehe hi Avui Wasilakahin or hauowehe normu mbara, “Omendinga sira. Ma roto ma worna ma toria. Or mbeek musa las nga nawa ambu ria.”

Mashi jivi Jisashi Luk or kayeri 7:1

Jisas mashin am or sautakorik li misirik or halaha yanga Kaperneamik ormu layira.

Mashi jivi Jisashi Luk or kayeri 7:3

Urik kepten Jisas yanga orok or taha liri mashin li sawerik or misihi or mbashirik Judama lida lihi lal orin sawekurik limu ira. Unak or taha ma or ornjik lerawun landari ma oton or mbanak jivik or nakmbahan. Jisasin li ta sawe laha ikmbaha armesarmek limu mbara, “Kepten oto ma jivi mende orik orin jelyaka.

Mashi jivi Jisashi Luk or kayeri 8:42

Or jikisnokopji kanda namtas nom nahandari ri. Asama sihi 12-pelak nandari sir. Uhu am si hakuri ambek nari sir. Urik Jisas mu ira. Or irik ma musha mendek er nga li ihi limu orin rurawu mendera.

Aposel 10:1

Ma lar yanga Sisariak lindari ri. Hi orhi Kornilius oria. Or Romik fehe kepten oria. Awun undari ma 100 orhi siyok li sihi awun undari lira. Awun undari ma ondo, “Italik fehe awun unda ma” karem li ushandari ma lira.

Aposel 10:7

Ensel karem or sawe lafakaha ormu ira. Urik Kornilius ma frijip ornjik lerawun landari ma nga awun undari ma lar nga nor usharik limu rara. Awun undari ma oto or Judama ambu ri. Hako or er nga Avui Wasilakan lotu undari ma ri. Or ermba ermbak Kornilius nga pasir or lihi lerawun landari ma ria.

Aposel 22:26

Kepten oto mashi oson or misihi komanda orhin ormu i sawera, “Avak mberem mivai uku? Ma oto Romik fehenda ri.” Karem or mbarik or ihi Polin ormu silira, “Mir sawenak a misi. Mir Romik fehenda om?” Urik ormu mbara, “He. An Romik fehenda ma anira.”

Aposel 23:17

Urik Pol kepten lar or usharik or tarik ormu sawera, “Jikanda ermbasi toton mi laha inak or ihi komanda mihin or heye. Or mashi las orin or sawekmbaha rawa ri.”

Aposel 27:1

Li mbaolsoloho limu mbara, “Jir avak sipik ji lawuhu provins Italik ikwa jir.” Uhu Pol nga ma ol nakrem krawuk li sindari ondo er nga keptenhi tava orhik limu halara. Ma oto hi orhi Julius oria. Or awun undari ma malakama Sisarhi lar oria.

Aposel 27:3

Ni i wahandaha nimu yanga Saidonik talara. Julius Polin armek or uhu or halashirik or ihi ma orhin or heyerik akwan li harik ormu ara.

Aposel 27:43

Hako kepten oto Polin or jivinakurik or hishihi nor pantleshirik mbeek li mandingormeri ambu lir. Uhu normu mbara, “Am ji faheyenda nahi, wa kolok ji kweinaha ji faheye ihi ji lawu toloka.

Kolosi 3:22

Akishmakisha jirin, jir malakama jihi or misambik fehe or mbawa mashin ji misihi ji tiyaka. Hako las avak jirin or rupshikmbaha men orhi misokomekop lerawun ji lakwak ji hishinan, wahau. Jir Wasilakan ji ajehe wavu mende jihi nga malakama jihi lerawu orhin armek ji laka.