Mashi jivi Jisashi Luk or kayeri 6:8 - Nupela Testamen long tokples Mende long Niugini

⁸ Hako Jisas mbele mbele os wavu lihik li hishiri angop or heyeri sir. Uhu ma or tava kava oton ormu mbara, “Mir usaha ta, nindi torok sinak li heyeka.” Karem or mbarik ormu ta sira.

Mashi jivi Jisashi Luk or kayeri 6:8 Iomraidhean Croise

Matyu 9:4

Hako Jisas os wavu wavu lihik li hishirin angop or heyeri osik ormu mbara, “Mberem ushiwak anin ji wapkava hishindu?

Mashi jivi Jisashi Mak or kayeri 3:3

Urik Jisas ma tava kavak nandari oton ormu mbara, “Mir usasi.” Urik ormu usasira.

Mashi jivi Jisashi Luk or kayeri 13:12

Jisas sirin or heyehe normu mbara, “Nyir tanak.” Karem or mbarik si tarik ormu mbara, “Apmanuwa, nyir avak a mbanak jivik nakwa nyir.”

Mashi jivi Jisashi Luk or kayeri 5:22

Hako Jisas os wavu wavu lihik li hishiri angop or heyeri osik ormu mbara, “Mberem ushiwak wavu jihik erem ji hishindu?

Mashi jivi Jisashi Luk or kayeri 6:9

Urik Jisas mu lirin sawera, “Jirin amu silikuwa. Mashi Moseshi mberem si mbandu? Sabat wolo lerawu jivin ni laha man ni jelyandahi os mo lerawu kavan ni laha man ni mandingormendahi os?”

Mashi jivi Jisashi Jon or kayeri 21:17

Uhu indik Pitan ormu silira, “Saimon jikisi Jonhi mirin, anin wapnuku mende mihik ewenda om mo wahau?” Karem indik or silirik sunguwavu orhi kavak si narik or holoho ormu mbara, “Wasilaka, mbele mbele os wavu anhik nawan angop mi heitakowa sir. An mirin wapnuku anhik a ewenda nir.” Urik ormu mbara, “Mir avak sipsip anhi ondon armek washilihi akwan hanak li aka.”

Mashi jivi Jisashi Jon or kayeri 9:4

Uhu lerawun ni lakwa wolok osmu nanduwa. Nir avak Avui anhi or mbashirik a rahanda otohi lerawun ni laka. Hako nirik si nawa wolo ma lar mbeek lerawu las lakwa ambu ri, wahau.”

Aposel 20:24

Hako an mbeek maome anhinjik a hishinda ambu nir. Lerawu os Wasilaka Jisas anin or hashihindak a landa oso a larako nahi, a rupshikwa nir. Lerawu oso mashi jivi os Avui Wasilaka hulaima nokopman or rupshindan kormbak a saweyanda lerawu sira.

Aposel 26:26

King Agripa, mir mbele mbele amber ol talahandak a mbawa angop mi heyenda lir. Uwa osik kormbak a sawewa nir. Mbele mbele ol a mbawa mbeek misokome mihikop mi heyehe mambla mihikop mi misiwa ambu lir, wahau. Ma amber angop li heyerakonda lir.

Filipai 1:28

Jir mbeek wutarin ajekwa ambu jir. Erem ji uwa oso wutari jihin osmu mukunduwa, os Avui Wasilaka or unak avak li krufarakaha kavak li nakwan. Hako oso jirin osmu mukunduwa, jir Avui Wasilaka jirin or jivinashinak ermba ermbak jip ji likwan.

Hibru 4:13

Mbele mbele tol Avui Wasilaka uhunda mbeek mbele las misokome orhik wanyindahi ambu sir, wahau, kormbak er narakonda lir. Ome sira, kumak avak misokome orhik ni sihi mbele mbele ol ni undan ni sawenak or heyekwa lira.

1 Pita 4:1

Krais maome orhik nomorawun kishari ria. Unda hom jir nga os or kishanda hom erem ji kishaka. Os Kraisin ji tiyanda nombo orok nomorawu jihik si talanak mayam ji kisha nahi, ma li heyehe karem mbakwa lir, “Ma tondo kavakavan li unda nombon angop halahanda lir,” karem mbakwa lir.

Revelesen 2:23

Ol sirin tiyanda ma ondo er nga na mandingormekwa lir. Ushinak sios amber hom li heyeka, an mbele mbele os sunguwavu mahik tasandan na oweioweiheyenda nira. Uhu lerawu os li lahanda ambe ambe lihik a heyehe wasan a handa nira.