Mashi jivi Jisashi Luk or kayeri 6:41 - Nupela Testamen long tokples Mende long Niugini

⁴¹ Mberem ushiwak minimba wasilaka os misokome jihik nawan ji halashihi misupmbrunga os misokome mahasanje jihik nawan ji heyembandu?

Mashi jivi Jisashi Luk or kayeri 6:41 Iomraidhean Croise

Matyu 7:1

“Jir avak ma uwa yokon ji heyehe ji mba, “Avak hik ikwa jir,” karem ji mbanan. Os erem ji mba nahi, Avui Wasilaka kumak avak jirin erem mbakwa ri.

Mashi jivi Jisashi Mak or kayeri 8:7

Urik lir foome lal er nga limu laharara. Urik Jisas foome ondon or laha Avui orhin armesarmek or sawehe ormu mbara. Uhu foome ondon er nga ma ol orin tiyandari ondon or harik lir nga mu ma ondon hara.

Mashi jivi Jisashi Luk or kayeri 6:40

Sumatin lal mbeek tisa lihin tikrinda ambu lir. Vai yawur li misi ihikop, or nga nakrem nakwa lir.

Mashi jivi Jisashi Luk or kayeri 6:42

Mberem ushiwak kavakava wasilaka os jihik nawan ji esngishashihi kavakava awarikanda os mahasanje jihik nawan ji heye ji laha ermbekwak ji mbandu? Os erem ji mbawa oso mbeek kas tolonda ambu sir. Masmas kavakava wasilaka jihin laha ermbeshihi mahasanje jihin ji heyembaha jivai laha ermbeka.”

Mashi jivi Jisashi Jon or kayeri 8:7

Urik li sihi orin limu siliyangora. Urik Jisas or usaha ormu mbara, “Wa, ji mandingormeka. Hako halanak ma or kavakava las unda ambu oto masmas sunjakomben or laha sirin or jika.”

Jekamba Pol ol yanga Romik lindanjik or kayeri 2:1

Jir ma anandin karem mbanda jir, “Nir mbeek tondo hom kavakavan ni unda ambu nir. Unda osik kumak Avui Wasilaka ma rondon or kotim ukwa wolo mbeek nirin or heyembaha kavak nakwa ambu ri.” Karem hishinda jir. Hako os erem ji mbanda oso jihinjik ji undan ji mbanda sir. Mberem ushiwak? Jir erem kavakavan unda jir. Unda osik jir er nga kot orok sikwa jir.