Mashi jivi Jisashi Luk or kayeri 5:36 - Nupela Testamen long tokples Mende long Niugini

³⁶ Karem mbaha sauheima las er nga normu sawera, “Os ma lar kowe shimbla orhi si frehe nahi, mbeek kowe akrin or frehe kowe shimbla orok or owetlavanda ambu sir. Os erem or uwa, kowe akrin or sambunak kavak er nakwa sir. Unak kowe shimbla frehenda oso nga kavak er nakwa sir.

Mashi jivi Jisashi Luk or kayeri 5:36 Iomraidhean Croise

Mashi jivi Jisashi Luk or kayeri 5:35

Hako kumak ma oton li tolo laha ishinakip akwan halakwa ola.”

Mashi jivi Jisashi Luk or kayeri 5:37

Uhunda hom ma lar mbeek wain uku akrin or laha memesishi masi orok ngoronda ambu ri. Os erem or u nahi, wain uku akri oso avak si kisha larasanak memesishi masi oso avak numbufaakwa osa. Unak wain uku oso misambik ngororaka ikwa osa. Unak memesishi oso nga kavak nakwa osa.

2 Korin 6:16

Nir mbeek ma tavak li unda godin ni laha Avui Wasilakahi akak ni owenda ambu nir. Nir tempel aka Avui Wasilaka or ermba ermbak linda orhi aka nir. Unda osik nir mbeek ma tavak li unda godin er nga ni tolonda ambu nir. Avui Wasilaka karem or mbahandari hom, “An lir nga na lihi lir nga na yakwa nir. Uhu God lihik a nanak lir hulaima nokopma anhik nakwa lir.” Wok Pris 26:12