Mashi jivi Jisashi Luk or kayeri 5:17 - Nupela Testamen long tokples Mende long Niugini

¹⁷ Nindi las wolok Jisas mashin or owesaweri wolo Farisi nga mashi Moseshin sawendari ma er nga orok liri lira. Lir yanga Jerusalem nga yanga yanga ol provins Galilik nanda nga Judiak nanda nga li halaha tari lira. Kwambu Avui Wasilakahi Jisashik si nashirik ma ol kavamisindarin or mbarik jivik limu nara.

Mashi jivi Jisashi Luk or kayeri 5:17 Iomraidhean Croise

Matyu 11:5

Misokome tumunda li heyewak, kumbanashinda li ese yawak, okmbale lepra tolonda jivik li nawak, mamblanjihinda li misiwak, ma ol hahanda indiyok li usahawak, erndakava mashi jivi Avui Wasilakahin olmu misinduwa.

Matyu 15:1

Urik Farisi lal nga Moseshi mashin sawendari ma lal nga Jerusalemin li halaha Jisasik li taha orin limu silira,

Mashi jivi Jisashi Mak or kayeri 1:45

Hako ma orto or ihi Jisas orin or urik jivik or nari mashi oson yanga yangak or laha saweyarik ma amber mistakori lir. Erem or saweri osik Jisas mbeek kolaka ol orok nandari orok kormbak layiri ambu ria. Or misamtelmbamba orok liyari ri. Hako yanga yangak fehenda ma amber orhik tari lir.

Mashi jivi Jisashi Mak or kayeri 16:18

Unak os hovo ol man shiwak li handa ondon li tolowa mbeek lirin shinak hakwa ambu lir. Uhu mbele mbele kava ma aha li handa ondon li awa mbeek hakwa ambu lir. Uhu ma ol kavamisiwa ondon tava lihik li tolowa avak jivik nakwa lir.”

Mashi jivi Jisashi Mak or kayeri 3:22

Urik mashi Moseshin sawendari ma ol Jerusalemin halarari ma ondo Jisasin li heyehe limu mbara, “Toto Belsebul tolowa toria. Kwambu Belsebulhik wasimalengamban mbru ermbenda ri. Laulaka mu jelyashiwak lerawu oson ormu landuwa.”

Mashi jivi Jisashi Mak or kayeri 5:30

Urik Jisas kwambu orhi kas lasik si irik or misihi nor tormble heyehe ormu silira, “Lawe kowe anhin tolondua?”

Mashi jivi Jisashi Mak or kayeri 7:1

Farisi lal nga mashi Moseshin sawendari ma lal nga Jerusalemin li halaha Jisasin li heyekurik limu tara.

Mashi jivi Jisashi Luk or kayeri 15:2

Urik Farisi nga ma ol mashi Moseshin sawendari nga lihi ambek limu mbara, “Ma toto mberem ushiwak ma tol kavakavan unda tondo nga nakrem or lihi aha yandua?”

Mashi jivi Jisashi Luk or kayeri 2:46

Niri nalmingrip orin fri lasayahakop fri heyerik, tempel aka orok tisa ondohi nindik or lihi mashi ol li sawerin or misihi ormu lishi silira.

Mashi jivi Jisashi Luk or kayeri 5:21

Karem or mbarik mashi Moseshin sawendari ma nga Farisi ondo nga mashi oson li misihi lihi ambek limu mbara, “Ma toto lawe toria? Toto Avui Wasilakahi farniyik sikwak mbandar? Ma lar mbeek kavakava ma undan laha ormbendahi ambu ri. Oso lerawu Avui Wasilakahi sir.”

Mashi jivi Jisashi Luk or kayeri 5:30

Urik Farisi nga lihi ma ol mashi Moseshin sawendari ondo nga oson li heyehe Jisasin tiyandari ma ondon limu mbahanjira, “Mberem ushiwak tol takis yan landa ma nga kavakavan unda ma nga nakrem ji andu?”

Mashi jivi Jisashi Luk or kayeri 6:19

Kwambu wasilaka Jisashik si narik kavamisindari man or mbarik amber jivik li nari osik ma amber jivik li nakmbaha Jisashi maomen limu tolokmba ura.

Mashi jivi Jisashi Luk or kayeri 7:30

Hako Farisi ondo nga mashi Moseshin sawendari ma nga, wahau. Mashi jivi Avui Wasilakahi os li misirin mblarnari lir. Mberem ushirik? Lir mbeek sunguwavu lihin li tormbleshinak Jon fak or tolofalekmbaha hishiri ambu lir.

Mashi jivi Jisashi Luk or kayeri 8:46

Urik Jisas mu mbara, “Lar anin tolowa ri. Uwak a misiwa kwambu anhi kas angop anin halaha iwa sir.”

Mashi jivi Jisashi Jon or kayeri 3:10

Urik ormu mbara, “Mir ma Israelik fehenda lihi tisa mira. Hako mberem ushiwak mashi ol a mbawan mi hishaha mi mbandu?

Mashi jivi Jisashi Jon or kayeri 3:21

Hako ma ol nombo worna indingan tiyanda ma ondo ukruharanda orok takwa lir. Mberem ushiwak? Li heyewa, mbele mbele ol li unda ondo Avui Wasilaka or mbanda nombo hom unda lir.”

Aposel 19:11

Avui Wasilaka Polhi tavak mbele mbele ma undahi ambun ormu ura.

Aposel 4:30

Uhu mir avak kwambu mihin nirin mi hashinak ni mbanak kavamisinda ma jivik li naka. Uhu nir avak mbele mbele apsham apshamhi nga mbele mbele ol ma undahi ambu ondo nga kwambu Jisashik ni uka. Jisas oto jivi mendek or naha angop lerawu mihin or lakmbaha mi kamahandari ma ria.”

Aposel 5:34

Hako lida lar orok siri ri. Hi orhi Gamaliel oria. Or Farisi, mashi Moseshin sawendari ma ri. Ma amber hi orhin hauowendari lir. Judama lida lihi li tirsandari mishik or sihi ma ondon ormu sawe mbara, “Aposel tondon ji lalainak hikrik kandakar nga nambek li sinak,” karem ormu mbara.