Mashi jivi Jisashi Luk or kayeri 4:14 - Nupela Testamen long tokples Mende long Niugini

¹⁴ Masikome Avui Wasilakahi Jisashik or sihi or jelyashirik indik Galilik ormu ira. Urik ol orok lindari ma amber olmu misira, os Jisas indik Galilik or tarin.

Mashi jivi Jisashi Luk or kayeri 4:14 Iomraidhean Croise

Matyu 4:12

Jisas Jonin krawuk li eweri mashi oson or misihi provins Judian or halaha indik provins Galilik ormu ira.

Matyu 9:26

Urik jikisi oson or mbarik si usahari mashi oso simbalesik yanga yangak simu ira.

Matyu 9:31

Hako, wahau, os jivik fri nari mashi oson yanga yangak frimu saweyara.

Mashi jivi Jisashi Mak or kayeri 1:14

King Herot Jonin krawuk or eweshirik Jisas provins Galilik or taha mashi Avui Wasilakahin ormu karem sawera,

Mashi jivi Jisashi Mak or kayeri 1:28

Karem li mbaha mbele mbele Jisas urik li heyeri ondon limu haisau handasawe ira. Urik mashi oso simbalesik provins Galilik si irik ma amber limu mistakora.

Mashi jivi Jisashi Luk or kayeri 4:13

Laulaka karem Jisasin or oweioweifuhu normu hala ira. Undanak indik orvai oweioweiheyekmbahan.

Mashi jivi Jisashi Luk or kayeri 4:37

Urik mbele mbele os or uri mashi yanga yangak si irik limu misira.

Mashi jivi Jisashi Jon or kayeri 4:43

Jisas niri frijip Samariak or wahandarik or usaha kotontlo orhi Galilik ormu ira.

Aposel 10:37

Jon mashin or sawe nor mbar, “Jir sunguwavun ji tormblehe fak ji layika.” Karem or mbashirik mbele mbele ol provins Galilik sishihi rara yanga Israelik talandari ondon angop ji heyenda sir.