Mashi jivi Jisashi Luk or kayeri 3:13 - Nupela Testamen long tokples Mende long Niugini

¹³ Urik ormu sawera, “Jir takis ya os ji lawa, malakama jihi li mbawa nombo hom ji laka. Warje nga ji lawa hala.”

Mashi jivi Jisashi Luk or kayeri 3:13 Iomraidhean Croise

Matyu 7:12

Lo orhi os Moses jirin or hahanda nga mashi ol profet ondo li mbahanda nga maintontlo os li saweri karem, mbele mbele os ma jirin li ukmbaha ji hishiwa hom, jir masmas lirin erem ji uka.”

Mashi jivi Jisashi Luk or kayeri 19:8

Hako Sakias or usasihi Wasilakan ormu sawera, “Wasilaka, misi. Ter mbele mbele anhin a humasihi yeje avak ma ol erndakava ondon a hakwa nir. Uhu mbele mbele a mbafirimbaha na lahandan avak warje nga na hovok hakwa lir.”

Mashi jivi Jisashi Luk or kayeri 3:12

Urik ma ol takis yan landari ma ondo er nga fak li layikurik li taha orin limu silira, “Tisa, mberem nivai uku?”

Mashi jivi Jisashi Luk or kayeri 3:14

Karem or mbarik awun undari ma er nga orin limu silira, “Mberem nivai uku?” Urik ormu sawera, “Jir avak man awu awuk mbaha ya lihin lawa hala. Uhu avak man semben kotim uwa hala. Hako fotnait os ji lawa oso nom ji heyehe ji mba, ambehoma, karem ji mbaka.”

1 Korin 6:10

hirnyanda nga, mbele mbele warje nga warje nga lakwak hishinda nga, uku kavan aha ambarambasinda nga, ma anandin hukwamainentle mbanda nga, mahi mbele mbelen mbafirimbaha angrasolanda nga, ol erem unda ma ondo mbeek hevenik ikwa ambu lir, wahau.

Efesus 4:28

Hirnyanda ma jirin, hirnyanda nombon ji halaha lerawu jivin funtlehavantle ji laka. Uhu ya os ji lawan erndakava ondon ji haha lirin ji jelyaka.

Hibru 12:1

Ma ol mas Avui Wasilakan hishindiyandari ma ondo mushak nandari lir. Nir avak os li yandari nombo lihin ni heyehe os li yahanda hom ni tiyaha ika. Uhu mbele mbele kavakava os nirin unak ni takatukuyindan simbalesik er ni lai tirna halaka. Ushinak avak ni lirlarihi nombo os ni ikmbaha or kamahanda nombo orok er ni tiya ika. Uhu ni kremangrehewan ni hala.