Mashi jivi Jisashi Luk or kayeri 23:4 - Nupela Testamen long tokples Mende long Niugini

⁴ Urik Pailat bikpris ondo nga ma ondo nga ormu sawera, “An a heyewa mbeek mbele las or uwak kavak nawak a heyewa ambu sir.”

Mashi jivi Jisashi Luk or kayeri 23:4 Iomraidhean Croise

Matyu 27:19

Urik Pailat kawu os or lihi kotin or misindari kawu orok or lirik nokove orhi simu mainhara, “Avak nirik ma oton a sukwaheyehe sunguwavu anhi nga osmu nomok nawa. Or worna ma mende ri. Mir avak orin mberem uwa hala.”

Mashi jivi Jisashi Mak or kayeri 15:14

Urik indik ormu silira, “Mberem ushiwak? Mbele mende os or uwak kavak nawak ji heyew?” Hako warje mende nga li ushaha limu mbara, “Oton miandok tirinak or haka!”

Mashi jivi Jisashi Luk or kayeri 23:22

Urik Pailat indiyok ormu silira, “Mberem ushiwak? Mbele mende os or uwak kavak nawak ji heyew? An mbeek os or uwak kavak nawa las a heyewa ambu nir. Uwa osik a mbanak men sembe hakwa ambu ri. Men a wokoroho na halashinak ikwa ri.”

Mashi jivi Jisashi Jon or kayeri 18:38

Karem or mbarik ormu mbara, “Mashi omendinga os mi mbawa oso mberemhi mashi sir?” Pailat karem or mbashihi indik hikrik Judama ondon or heyekurik or layihi ormu mbara, “Or mbeek mbele kava las or uwak a heyewa ambu ri.

Aposel 25:25

Hako an a heyeri mbeek mbele kava mende las or uri ambu. Uwa osik hakwa ambu ri. Hako or malakama Sisar nom kot orhin or misiku, karem or mbari osik avak a halashinak malakama Sisarhik ikwa ri.

Aposel 3:13

Avui Wasilaka misimu walanga nihi Abraham, Aisak, Jekop lihi Avui Wasilaka oria. Unda Avui Wasilaka oto mu lerawu orhin landa ma Jisas oto hi orhin wasilaka mendek ormu hauowera. Hako jir ji turaha orin li mandingormekmbaha wutarihi tavak jimu halara. Pailat or halashinak or i, karem or mbari. Hako jir orin ji turaha jimu kumaifara. Ushirik Pailat mbeek or halashirik or jip iri ambu ri.

Hibru 7:26

Jisas ortonom hetpris indinga nihi ria. Ortonom nirin jelyakwak ni hishinda ri. Mberem ushiwak? Or nombo os Avui Wasilaka or rupshindarin simbalesik tiyarakori ri. Mbeek mbele kava las nga orhik nari ambu sir. Or misokome Avui Wasilakahik jivi mendek nandari ri, mbeek nir ma misambik fehe kavakavan ni unda hom nari ambu ri, wahau. Or apsham apsham er nari ri. Uhunda osik Avui Wasilaka orin or laha hevenik or eweshihindak orok ormu linduwa.

1 Pita 1:19

Or fi Kraishik jirin frungawuri ri. Fi orhi oso fleya wasilaka mendek li frungawundahik nari sir. Krais or sipsip jikisi arme mende jele indingak nari ri.

1 Pita 2:22

Krais or mbeek mbafirimbaha kavakava las uri ambu ri, wahau.

1 Pita 3:18

Krais or ma worna ma indinga ri. Hako hindi namtaskop kavakava ol ni unda ondon or kishaha nihi farniyik hari ri. Kavakava nihin or yoko ermbehe nirin Avui Wasilakahi tavarenjek or hakurik maome orhik nomorawun or kishaha hari ri. Hako Avui Wasilaka or mbarik indik or usaha ermba ermbak ormu linduwa.