Mashi jivi Jisashi Luk or kayeri 23:13 - Nupela Testamen long tokples Mende long Niugini

¹³ Pailat bikpris nga Judama lida lihi nga hulaima nokopma ondo nga nor usharik li talandirsarik

Mashi jivi Jisashi Luk or kayeri 23:13 Iomraidhean Croise

Mashi jivi Jisashi Mak or kayeri 15:14

Urik indik ormu silira, “Mberem ushiwak? Mbele mende os or uwak kavak nawak ji heyew?” Hako warje mende nga li ushaha limu mbara, “Oton miandok tirinak or haka!”

Mashi jivi Jisashi Luk or kayeri 23:35

Urik ma amber li tirsa li si heyerik Judama lida lihi olmu Jisasin okole mbara, “Or ma anandin jelyanda ri. Hako os or Krais, Avui Wasilaka kamashindak taha hulaima nokopman jivinakunda mak or na nahi, orhinjik or jelyaka.”

Mashi jivi Jisashi Luk or kayeri 24:20

Urik bikpris nga lida nihi nga Romik fehe malakamahi tavak orin li harik or mbashirik orin miandok li tirishirik ormu hara.

Mashi jivi Jisashi Jon or kayeri 12:42

Judama lida lihi lal Jisasin wavu lihik eweri lir. Hako las avak Farisi ondo lirin li kria ermbeshinak nakrem li lotu unda oson li halaku, karem mbaha li ajehe mbeek oson kormbak saweri ambu lir.

Mashi jivi Jisashi Jon or kayeri 18:38

Karem or mbarik ormu mbara, “Mashi omendinga os mi mbawa oso mberemhi mashi sir?” Pailat karem or mbashihi indik hikrik Judama ondon or heyekurik or layihi ormu mbara, “Or mbeek mbele kava las or uwak a heyewa ambu ri.

Mashi jivi Jisashi Jon or kayeri 19:4

Urik Pailat indik hikrik or layihi ormu mbara, “Ji misi, ma roto mbele kava las or uwak a heyewa ambu sir. Uwosik ter orin a laharlanak jihinjik ji heyekwa ri. Or mbeek musa las nga nawa ambu ri.”

Mashi jivi Jisashi Jon or kayeri 3:1

Ma lar Jisasin heyekurik ormu tara, hi orhi Nikodemus, or Farisi lar oria. Judama lida lihi lar oria.

Mashi jivi Jisashi Jon or kayeri 7:26

Hako ji heyeka, tor mashin kormbak sihi sawendu te! Mberem ushiwak lida nihi orin li pantlekwan li halandu? Ma roto Krais, Avui Wasilaka kamashirik hulaima nokopman jivinakmbaha tari marmbe? Karem hishindal? Uhu orin li pantlekwan olmu halanduwa.

Mashi jivi Jisashi Jon or kayeri 7:48

Hako nir lida jihi nirin ji heyeka! Nir lar mbeek orin tiyanda ambu nir, wahau.

Aposel 13:27

Ma ol Jerusalemik lindari nga lida lihi ondo nga mbeek orin li heyehe lirin jivinakmbaha Avui Wasilaka kamahanda ma ri, karem yawur hishiyariri ambu lir. Uhu mashi mashi os profet kayehendari ermba ermbak Sabat wolok li sawendari oso nga yawur hishiyariri ambu lir. Uri osik orin li mandingormekmbaha limu mbara. Mashi os karem li mbari oso er nga osmu profet mas li mbahandari hom nara.

Aposel 3:17

Omendinga sir, mahasanje. An angop a heyewa sir, jir nga lida jihi ondo nga jir Jisas or nirin jivinakmbaha Avui Wasilaka mbashirik tari oton ji heyekrahakorori ambu osik or jimu mandingormera.

Aposel 4:5

Li wahandashihi Judama lida lihi ondo nga ma ol maifuk sindari ondo nga mashi Moseshin sawendari ondo nga Jerusalemik limu tirsara.

Aposel 4:8

Karem mbarik Masikome Avui Wasilakahi Pitahik or sishirik lirin ormu sawera, “Jir lida Israelik fehenda nga maifuk sinda ma jirin, ji misika.