Mashi jivi Jisashi Luk or kayeri 21:8 - Nupela Testamen long tokples Mende long Niugini

⁸ Urik Jisas mu mbara, “Ji auheyeka. Ma musha avak hi anhik li otle raha karem mbakwa ola, “An Krais anira.” Uhu karem mbakwa ola, “Mbele mbele os talakwa osmu talanduwa.” Hako lirin ji tiyawa hala.

Mashi jivi Jisashi Luk or kayeri 21:8 Iomraidhean Croise

Matyu 24:11

Unak haimba handambanda profet mushak li talaha li mbanak ma musha lirin tiyakwa lir.

Matyu 4:17

Urik Jisas orok er or sihi mashin ormu saweyara karem, “Avui Wasilaka jirin or arangoshinak jip ji likwa oso am si talakwak osmu nanduwa. Karem uwosik kavakava os ji undan ji heyehe ji mba, “Kas karem a uri kavan a uri sir.” Karem ji mbaha sunguwavu jihin ji tormblehe orhik ji raka.”

Mashi jivi Jisashi Luk or kayeri 17:23

Erem ji hishina wolo, avak jirin li sawe mbakwa lir, “Heye, katai karok lindu.” Mo “Heye tor torok lindu.” Karem li mbawa avak mashi lihin ji misihi tiya iwa hala, wahau. Os ji liwa mishik er ji lika.

Mashi jivi Jisashi Luk or kayeri 21:7

Urik Jisasin limu silira, “Tisa, mbele wolo mendek nomorawu oso si talanak ni heyeku? Mbele os masmas talanak ni heyehe ni mba, “Nomorawu osmu talakwak pasir nanduwa,” karem ni mbaku?”

Mashi jivi Jisashi Luk or kayeri 21:9

Uhu kumak avak ji misinak yanga yangak awun ukwa lir. Unak maintama nga auhukwa nga ji misikwa sir. Hako oso wolo ji ajewa hala. Mbele mbele ondo masmas talakwa lir. Hako misambi nga lersuwu nga mendek fri nakwa, os akrik.”

Mashi jivi Jisashi Jon or kayeri 5:43

Avui anhi or mbashirik hi orhik a rari nir. Hako jir mbeek mashi anhin misinda ambu jir. Hako os ma misambik fehe li taha mashin li mbawa, kolomalok mashi lihin misindiyanda jir.

Mashi jivi Jisashi Jon or kayeri 8:24

Angop a sawerik ji misiri sir, kavakava jihi er si nanak hakwa jir. Ma or a mbawa ma anira, karem ji hishina ambu nahi, kavakava jihi oso er si nanak hakwa jir.”

Mashi jivi Jisashi Jon or kayeri 8:28

Uhu ormu mbara, “Kumak avak Ma Jikisi Wasilakahi oton miandok ji hauowehe nom avak ji heyekwa sir, ma or a mbawa ma anira. Uhu oro wolokop ji hishiyarikwa sir, an mbeek mbele las anhinjik a saweri ambu nir. Avui anhi or sauhari hom a saweri nir.

1 Korin 6:9

Ma ol kavakavan unda ma ondo mbeek Avui Wasilakahi yangak ikwa ambu lir. Hako avak ji halanak ma ol mbafirimbanda ma jirin li mbafirimbanak ji misi ji mba, “Kavakavan ni uhu hevenik ni ikwa nir,” karem ji mba nahi, wahau. Ma ol nokophirmbirihi hulatolhakanda nga, ma tavak li unda godin lotu unda nga, ma ol hulaji ambek nokove nga li yanda hom yanda nga,

Efesus 5:6

Jir jihinjik ji auheyeka. Las avak li mba, “Erem ni unda nombo kava ambu sir. Ji tiyaka,” karem li haimba handambanak mashi lihin ji misihi nombo kava ondon ji tiyanda ngashi. Os erem ji uhu Avui Wasilakan ji kumaifa nahi, waplelena orhi avak jihik nakwa sir.

2 Tesalonaika 2:3

Avak ji halanak ma lal jirin li haimba handambawa hala. Ji misi, Wasilaka os or takuna wolo, mbeek men er nakwa ambu sir, wahau. Masmas ma ol Avui Wasilakan hishindiyanda ondo mushak mashi orhin li mblarna ermbehe orin kumaifakwa ola. Unak ma kava indinga or tala nor mbanak, ma musha Avui Wasilakan kumaifakwa lir. Hako ma kava oto Avui Wasilaka angop mas or mbahandari hom, kumak avak hik or ihi kavak nakwa ri.

2 Timoti 3:13

Hako ma kava ol haimba handambanda mashin sawenda ma ondo kavakava os li unda oso erem er li unak wasilakak nakwa sir. Uhu man li haimba handambanak lir nga lirin haimba handambakwa ola.

1 Jon 4:1

Naimble anhi jirin ji misi, ma ol Avui Wasilakahi mashin sawehe haimba handambanda ma ondo angop li talaha yanga yangak li yaha karem mbanda lir, “Mashi kas ni sawewa kaso Masikome Avui Wasilakahi sauhawa nombo hom kas nimu sawenduwa.” Hako ol erem mbanda man kolok ji misindiyawa hala, wahau. Masmas mashi os li sawewan yawur ji eweheyeka, Masikome Avui Wasilakahi sauhawak li sawewa os mo wahau.

2 Jon 1:7

Ji misika. Haimba handambanda mashin sawenda ma mushak misambi torok li yaha karem haimba handambanda ola, “Jisas Krais misambik or tari wolo nir ma misambik fehe hom maome nga nari ambu ri.” Ol erem mbanda ma ondo mbafirimbanda ma lira, ma ondo wutari Kraishi lira.

Revelesen 1:3

Uwosik ma jir mashi kason heyehe ma anandin sawewak li misiwa ma jir ji rupshika. Unak ma ol mashi kason misindiyawa ma ondo er nga li rupshika. Mberem ushiwak? Mbele mbele os talakurik or mbahanda am pasir naw.

Revelesen 12:9

Hovo oto maskop lihindari ria. Hi orhi Laulaka ri. Hi yeje orhi Satan oria. Or ma misambik fehe mbele mbele kavakavan li uwak or heyeshihi Avui Wasilakan i sawenda ma ria. Ortonom ma amber or mbafirimbawak kavakavan unda lira. Oto indingana. Or nga ensel orhi nga li jikria ermbeshirik misambik limu rakara.